आज दिनभर : स्वदेश फर्किए कतारका राजा, वेस्ट इन्डिजकाे टाेली नेपाल आइपुग्याे (भिडियाे)

आज दिनभर : स्वदेश फर्किए कतारका राजा, वेस्ट इन्डिजकाे टाेली नेपाल आइपुग्याे (भिडियाे)

A+ A A-

कतारका राजा शेख तमिम बिन हमाद अल थानी दुई दिने नेपाल भ्रमण पूरा गरी स्वदेश फिर्ता भएका छन् । नेपाल र कतारबीच आठ क्षेत्रमा सहकार्यको समझदारी भएकाे छ ।

नेपाललाई मेडिकल शिक्षाको हबका रूपमा विकास गर्नेतर्फ सरकारले आवश्यक तयारी गरिरहेको प्रधानमन्त्री पुष्पकमल दाहाल प्रचण्डले बताएका छन् । त्रिविका प्रमुख कानुनी सल्लाहकार नारायण खनाललाई तत्काल कुनै कारबाही नगर्न सर्वोच्च अदालतले अल्पकालीन अन्तरिम आदेश दिएकाे छ ।

लुम्बिनी प्रदेशका सात जना बिनाविभागीय मन्त्रीलाई मुख्यमन्त्री जोखबहादुर महराले दिए जिम्मेवारी ताेकेका छन् ।कर्णाली प्रदेश सरकारमा माओवादी केन्द्रका रणसिंह परियार बिनाविभागीय मन्त्री नियुक्त भएका छन् ।

विद्युत प्राधिकरणको आम्दानीबाट सरकारले दिने विद्युत् सहुलियत धान्न असम्भव रहेको कार्यकारी निर्देशक कुलमान घिसिङले बताएका छन् । काठमाडौंस्थित ड्रिम गार्डेन परिसरको भवनमा केशर क्याफे सञ्चालन गरिरहेको द द्वारिकाज हिमालयन सांग्रिला भिलेज रिसोर्ट प्रालिले ९५ लाख ५९ हजार भाडा नतिरेपछि पाँच दिनकाे म्याद दिइएकाे छ ।

नेपालका विभिन्न क्षेत्रमा लगानी गर्दै आएका वित्तीय विकास संस्थाका प्रतिनिधिहरूले अर्थमन्त्री वर्षमान पुनसँग भेट गरेका छन् । शेयर बजारको परिसूचक नेप्से स्थिर रहँदा कारोबार रकम भने बढेर २ अर्ब ५३ करोड पुगेकाे छ ।

अमेरिकाको माथिल्लो सदन सिनेटबाट युक्रेन र इजरायललाई ९५ अर्ब डलर बराबरको सहयोग प्याकेज पारित भएकाे छ । एक साताभित्र युक्रेनलाई अमेरिकी हतियार र उपकरण उपलब्ध गराउने राष्ट्रपति जो बाइडेनले बताए ।

दुई पटकको एकदिवसीय र टी–२० विश्वकप विजेता वेस्ट इन्डिजको ए टिम ५ खेलको टि–२० सिरिजका लागि नेपाल आइपुगेकाे छ । रोस्टन चेजको कप्तानीमा रहेको टोलीमा सिनियर टोलीबाट खेलेका १२ खेलाडी समावेश छन् ।

भिडियाे :