नेकपाकाे हीरक महाेत्सवमा मदन भण्डारीबारे विद्यादेवी र देउवाबीच नाेकझाेक

A+ A A-

नेकपा एमालेले आयाेजना गरेकाे नेपाल कम्युनिस्ट पार्टी स्थापनाको हीरक महोत्सवमा कांग्रेस सभापति शेरबहादुर देउवा र पूर्वराष्ट्रपति विद्यादेवी भण्डारीबीच नाेकझाेक चलेकाे छ ।

मदन भण्डारीकाे हत्या घटनाकाे अनुसन्धानका विषयमा दुई नेताबीच सवालजवाफ चलेकाे हाे । भण्डारीले मदन भण्डारीकाे हत्या घटनाकाे छानबिनमा कांग्रेसले सहयाेग नगरेकाे आशय व्यक्त गरेकी थिइन् ।

bidhya bhandari1713773924.jpg

जवाफमा देउवाले पटक–पटक सत्तामा हुँदासमेत एमालेले भण्डारीकाे हत्यारा पत्ता नलगाएकाे र अझ उल्टै कांग्रेसलाई गाली गरेकाेमा आपत्ति जनाए ।

435653991_321699037606618_4786889276917368116_n1713775104.jpg

'मदन भण्डारीको बारेमा राम्रो कुरा गर्न मन थियो । तर कांग्रेसलाई गाली गर्नुभयो । मदन भण्डारीका हत्यारालाई खोज्न कसले रोकेको छ ? आफू खोज्न नसक्ने, कांग्रेसलाई गाली गर्ने । ड्राइभर कसले मार्‍यो खोज्नुपर्छ,' समाराेहमा देउवाले भने, 'दुईपटक राष्ट्रपति उहाँ(विद्या भण्डारी) बन्नुभयो । प्रधानमन्त्री कति पटक बन्नु भयो एमालेका साथीहरू ।'

देउवाकाे भाषणकाे सार‌ांश

कांग्रेसलाई गाली गर्नेले मदन भण्डारीको हत्यारा अहिलेसम्म पत्ता लगाउन सकेको छैन । हुँदाहुँदा उहाँको ड्राईभर पनि मारियो । त्योसम्म अहिलेसम्म पत्ता लगाउन सकेको छैन । भनेदेखि मदन भण्डारी हाम्रो नेता हो, त्यसमा दुईमत छैन । तर मार्नेको पत्ता किन लागेन ? त्यसकारण कांग्रेसको विरोध गर्न सजिलो होला । गर्नुस् केही छैन । तर आफ्नो पनि भन्नु पर्‍यो नि । किन मदन भण्डारीको हत्यारा पत्ता लागेन । कांग्रेस लुकेको छ यहाँ ? कहाँ लुकेको छ ? त्यसैले यो रहष्यमय हत्या । दुईपटक राष्ट्रपति बनिसक्नु भयो । प्रधानमन्त्रीहरू बनिसकेको सबै । खै पत्ता लगाएको ? त्यसकारण मलाई गाली गरेर केही हुनेवाला छैन । त्यो कुरा पत्ता लगाउनुपर्‍यो तपाईंहरूले ।

गणेशमान हाम्रो नेता हो । देशका महत्वपूर्ण कार्यहरूमा हामीबीच सहकार्य भएको पनि लामो इतिहास छ । २०४६ सालको जनआन्दोलन, २०६२/६३ सालको जनआन्दोलन, वर्तमान संविधान हामीबीचका सहकार्यबाट मुलुकले प्राप्त गरेको उपलब्धिका उदाहरण हुन् । नेपाली कांग्रेसले सधैँभरि देशको महत्वपूर्ण मुद्दामा विद्यमान राजनीतिक दलहरूबीच संवाद, सहमति र सहकार्यको नीति लिँदै आएको छ । हामी त्यसको निरन्तरताको पक्षमा छौं । अहिले पनि मुलुकमा कतिपय यस्ता विषयहरू छन्, जसमा हाम्रा संवाद, सहकार्य र सहमतिको आवश्यकता छ भन्ने गरेको छु । वर्तमान संविधान हामीले मिलेर सहमतिमा बनाएका हौं ।

यस संविधानले बहुलवादमा आधारित बहुदलीय प्रतिस्पर्धात्मक संघीय लोकतान्त्रिक गणतन्त्रात्मक संसदीय शासन प्रणालीको सुनिश्चितता गरेको छ । संविधानको रक्षा, संघीय लोकतान्त्रिक गणतन्त्रको सुदृढीकरण, नागरिकको मौलिक हक अधिकार र देशको आर्थिक उन्नति गर्नु हाम्रो जिम्मेवारी हो । संघीय लोकतान्त्रिक गणतन्त्रको माध्यामले देशमा दिगो शान्ति, सुशासन, विकास र समृद्धिको लक्ष्य प्राप्त गर्नका लागि हाम्रोबीचमा न्यूनतम सहमति आवश्यक छ । हामीले अभ्यास गरेको व्यवस्थामा संसदको भुमिका महत्वपूर्ण हुन्छ । संसदलाई राष्ट्रको हितमा क्रियाशीलतापूर्वक काम गर्ने वातावरण सुरक्षित हुनुपर्दछ ।

संसदमा पतिपक्षले उठाएको विषयलाई सरकारले गम्भिरतापूर्वक र सकारात्मक रुपमा ग्रहण गर्नुपर्दछ । संघीय संसदमा प्रतिपक्षले उठाएका विषयलाई गम्भिरता र सकारात्मक रुपमा लिन म हार्दिक आग्रह गर्दछु । नेपाली कांग्रेसका देशमा लोकतन्त्र स्थापनालगायतका महत्वपूर्ण कार्यहरू नेतृत्वदायी भूमिका निर्वाह गर्दै आएको छ । २००७ सालको क्रान्ति, २०४६ सालको जनआन्दोलनदेखि लिएर २०६२/०६३ को जनआन्दोलनमा कांग्रेसको नेतृत्वदायी भुमिका रहेको कुरा इतिहासमा कसैले नकार्न सक्दैन । २०५२ सालदेखि देशमा सुरु भएको सशस्त्र द्वन्द्वलाई शान्तिमा परिणत गर्ने कामको नेतृत्वको कांग्रेसले गरेको थियो भन्ने तथ्य निर्विवाद छ ।

वर्तमान संविधान निर्माण गर्ने सवालमा होस्, संविधान परिकल्पना गरे अनुसार दुई वटा निर्वाचन सम्पन्न गर्ने काममा होस् । कांग्रेसको भुमिका स्पष्ट देखिएको छ । यी धेरैजसो अभियान नेकपा कम्युनिस्ट पार्टी एमाले, नेपाल कम्युनिस्ट पार्टी (माओवादी केन्द्र) लगायतका पार्टीहरू पनि सँगै रहेका थिए । नेपाली कांग्रेस राष्ट्रियता, लोकतन्त्र र समाजवादप्रति अविचलित रुपमा आस्था र विश्वास गर्ने पार्टी हो । हामी लोकतान्त्रिक समाजमा विश्वास गर्दछौँ । हाम्रा सबै कामहरू यिनै आर्दशबाट निर्देशित छन् । हामी हाम्रा आर्दश र लोकतान्त्रिक मूल्य र मान्यताप्रति प्रतिवद्ध छौं ।

प्रकाशित मिति: सोमबार, वैशाख १०, २०८१ १४:१३