एनएमबी बैंकको ११औँ हेरिटेज वाक कार्यक्रम सम्पन्न, नेपाल हेरिटेज सोसाइटीलाई ५ लाख सहयोग

एनएमबी बैंकको ११औँ हेरिटेज वाक कार्यक्रम सम्पन्न, नेपाल हेरिटेज सोसाइटीलाई ५ लाख सहयोग

A+ A A-

एनएमबी बैंकले बुधबार '११औँ हेरिटेज वाक कार्यक्रम' सम्पन्न गरेको छ । उक्त कार्यक्रमको प्रमुख अतिथि बागमती प्रदेशका संस्कृति, पर्यटन तथा सहकारीमन्त्री शैलेन्द्रमान वज्राचार्यले उद्घाटन गरेका थिए ।

बैंकको बल्खु शाखाबाट सुरु भएको उक्त वाक कीर्तिपुरस्थित उमा महेश्वर मन्दिरपरिसरसम्मको पैदल यात्रा गरी सम्पन्न भएको हो ।

एनएमबी बैंकले 'हाम्रा सम्पदा हुन खुला संग्रहालय, इतिहास र संस्कृतिका महाविद्यालय' भन्ने मूल नाराका साथ मुलुकको ऐतिहासिक तथा सामाजिक रुपान्तरणका लागि सांस्कृतिक सम्पदाको प्रवर्द्धन र साक्षरता अभिवृद्धि गर्ने उद्देश्यले उक्त कार्यक्रम आयोजना गरेको बताएको छ ।

NMB Bank1713424712.jpg नेपाल हेरिटेज सोसाइटीको सहकार्यमा सञ्चालन भएको सो कार्यक्रममा एनएमबी बैंकका अध्यक्ष मनोजकुमार गोयल, सञ्चालकहरू जीवनकुमार कट्वाल, उत्तम भ्लोन, हरिश्चन्द्र सुवेदी, शिरिषकुमार मुरारका, बैंकका प्रमुख कार्यकारी अधिकृत सुनिल केसी, कीर्तिपुर महानगरपालिकाका प्रतिनिधिहरू, बैंकका कर्मचारीलगायत सर्वसाधारणहरू गरी करिब ७ सय ५० जनाको सहभागिता रहेको थियो ।

कार्यक्रममा एनएमबी बैंकद्वारा संस्थागत सामाजिक उत्तरदायित्वअन्तर्गत सम्पदा संरक्षणका लागि नेपाल हेरिटेज सोसाइटीलाई ५ लाख रुपैयाँबराबरको चेक सहयोगस्वरुप हस्तान्तरण गरियो । साथै, कीर्तिपुर महानगरपालिकालाई डस्टबिनहरूसमेत हस्तान्तरण गरिएको थियो ।

NMB Bank-21713424723.jpg

बैंकले कोशी प्रदेशमा इटहरी चोकदेखि रामधुनी मन्दिरसम्म, मधेश प्रदेशमा जनकपुर शाखादेखि राममन्दिरसम्म, चितवनमा भरतपुर शाखादेखि गणेशधामसम्म, गण्डकी प्रदेशमा जिरो किलोमिटर शाखादेखि तालबाराही मन्दिरसम्म, लुम्बिनी प्रदेशमा गोल पार्कदेखि सिद्धबाबा मन्दिरसम्म र कर्णाली प्रदेश र सुदूर पश्चिम प्रदेशमा सुर्खेत शाखादेखि काँक्रे बिहार मन्दिरसम्म, महेन्द्रनगर शाखादेखि सिद्धनाथ मन्दिरसम्म र धनगढी शाखादेखि कृष्ण मन्दिरसम्म एकसाथ एघारौँ हेरिटेज वाक कार्यक्रम सम्पन्न गरेको छ ।

NMB Bank-41713424733.jpg एनएमबि बैंक विगत २७ वर्षदेखी अनवरत रूपमा बैंकिङ सेवा सुविधा प्रदान गर्दै आएको नेपाल राष्ट्र बैंकबाट 'क' वर्गको इजाजतपत्रप्राप्त, एक अग्रणी वित्तीय संस्था हो । यस बैंक द फाइनान्सियल टाइम्स लन्डनको ‘द बैंकर’ पत्रिकाबाट एसियाकै सर्वाेत्कृष्ट बैंकको उपाधि ‘बैंक अफ द इयर एसिया २०२१’ अवार्डबाट सम्मानित भइसकेको छ भने सन् २०१७, २०१८, २०२० र २०२१ मा पनि नेपालको उत्कृष्ट बैंकको सम्मान ‘बैंक अफ द इयर नेपाल’ प्राप्त गरिसकेको छ ।