तेस्राे ग्रामिण चलचित्र महोत्सवमा कुन कुन फिल्म देखाइँदै छ ?

A+ A A-

आजदेखि तेस्रो नेपाल ग्रामिण चलचित्र महोत्सव प्रारम्भ हुँदै छ । आफ्नै गाउँ, आफ्नै ठाँउ, आफ्नै भाषा, आफ्नै चलचित्र’ भन्ने नाराका साथ सेलिब्रेटी नेपालको आयोजनामा ८ वैशाखसम्म रामेछापको रामेछाप नगरपालिका वडा नं. ८, स्थित गौरिशंकर उच्च माविमा यो महोत्सव आयोजना हुँदै छ ।

केही दिनअघि काठमाडौंमा आयोजित महोत्सवको प्री–इभेन्टमा महोत्सवमा सहभागिता जनाएका फिल्महरूलाई प्रमाणपत्र वितरण गरिएको थियो ।

तीन वर्षदेखि आयोजना हुँदै आइरहेको यो महोत्सवमा मौलिक ग्रामिण विषयवस्तु समेटिएका फिल्महरू समेटिएको आयोजक रघुनाथ सापकोटाले बताए ।

महोत्सव सिनेमा हल नभएका जिल्लाहरूमा गाउँले परिवेशमा निर्माण गरिएका सर्ट फिल्म, डकुमेन्ट्री र फिचर फिल्मलाई सहभागी गराएर गाउँ–गाउँका दर्शकसमक्ष अत्याधुनिक प्रविधिमा स्क्रिनिङ्ग गर्ने तथा उत्कृष्ट फिल्मलाई अवार्डसमेत प्रदान गरिँदै आएको छ । महोत्सवमा ग्रामीण कथा र नेपाली चलचित्र, पर्यटन र चलचित्र तथा चलचित्र र स्थानिय सरकार विषयमा तीन भिन्न सिनेमा संवाद कार्यक्रममा सञ्चालन गरिँदै छ ।

महोत्सवमा चलचित्र विकास बोर्डका पूर्वअध्यक्ष दयाराम दाहालको संयोजकत्वमा जुरी कमिटी रहेको छ । जुरीमा गणेश पाण्डे, भरत रेग्मी, ज्योतिराज राई तथा कुबेरराज गिरी रहेका छन् ।

छनोट भएका फिल्महरू

फिचर फिल्म

नाङ्गो गाउँ– दिपेन्द्र लामा
दिमाग खराब– निश्चल बस्नेत
बिच्छेद– सत्यराज चौलागाईं
सतीदेवी– लक्ष्मण सुवेदी

सर्ट फिल्म

द डार्क बेकन– पवन केसी
सिगरेट– डब्बु क्षेत्री
सिपाईको छोरो– सुरज पौडेल
द ग्रेट मुखिया– असिम पौडेल
डिस्पेयर– शिव पुरी
रित्तो गाउँ– रामजी ज्ञावाली
आमा– परिच्छेद सेन
स्यालुट– अनुपराज राई
अन्तै माया– रणधीर श्रेष्ठ

डकुमेन्ट्री फिल्म

आग्रे– अनिल बुढा मगर
स्नो लेपार्ड– प्रदीप पोखरेल
इट्टा भट्टा– सुरेश डी मुखिया
बनकरिया– लक्ष्मी बस्नेत

भाषिक फिल्म

लिलामे माइला– भिम लामा
माराङ– बुद्धिया एस मगर
स्वयनगु– अमृतमान महर्जन

प्रकाशित मिति: बिहीबार, वैशाख ६, २०८१ १२:५३