संसदीय छानबिन समिति बनाउनेबारे रास्वपामै मतभेद, केन्द्रीय सदस्य भन्छन्- जस्तोसुकै कसीमा जाँचिन तयार बनौँ

संसदीय छानबिन समिति बनाउनेबारे रास्वपामै मतभेद, केन्द्रीय सदस्य भन्छन्- जस्तोसुकै कसीमा जाँचिन तयार बनौँ

A+ A A-

सहकारीको रकम घोटाला भएको विषयमा उपप्रधानमन्त्री तथा गृहमन्त्री रवि लामिछानेको नाम जोडिएको भन्दै प्रमुख प्रतिपक्षी दल नेपाली कांग्रेसले संसदीय छानबिन समिति गठन गर्नुपर्ने माग उठाउँदै आएको छ । आफ्नो यो माग पूरा नभएसम्म सदनमा अवरोध जारी राख्ने कांग्रेसको चेतावनी छ ।

यो प्रकरणमा लामिछानेमाथि थुप्रै प्रश्नहरू उठेका छन् । सहकारीपिडितहरूले गर्ने प्रदर्शन र आन्दोलनमा उनको नाम उठ्दै आएको छ । यद्यपि, सत्ता साझेदार दलहरू माओवादी केन्द्र र एमाले भने संसदीय समिति बनाउने पक्षमा उभिएका छैनन् ।

चौतर्फी रूपमा प्रश्न उठिरहेको बेला लामिछानेको दल राष्ट्रिय स्वतन्त्र पार्टीमा यो विषयमा मतभेद देखिन थालेको छ । रास्वपाका केही नेताहरू संसदीय छानबिन आवश्यक नरहेको तर्क गरिरहेका छन् भने केहीले यो विषय छानबिन समिति गठन गरेर भए पनि टुंग्याउनुपर्ने र प्रश्नबाट भाग्न नहुने पक्षमा छन् ।

यही विषयमा रास्वपाका केन्द्रीय सदस्य गणेश कार्कीले सामाजिक सञ्जालबाटै छानबिन समिति बनाउनुपर्ने बताएका छन् । आफ्नो पार्टीका सभापतिको विषयको निदान हुनैपर्ने उनले उल्लेख गरेका छन् ।

'मिडियामा पटक-पटक सभापतिलाई जोडेर आउने सहकारीका प्रसंगहरूको निदान हुनैपर्छ । फलानो नेताले भनी त सक्यो भन्दैमा समाजले पत्याउँदैन । ढिस्कानो मिडिया वा पत्रकारले लेखी त सक्यो भन्दैमा पनि समाजले पत्याउँदैन,' कार्कीले लेखेका छन्, 'नेता र मिडिया नै आममानिसको नजरमा शंकरहित बनेको छैन । राजनीतिक दलको संक्रमणले प्रहरी प्रशासनको छानबिन पनि विवादरहित हुन सकेनन् ।'

लामिछाने स्वयम्‌ले प्रहरी प्रशासनजस्ता नियमित संयन्त्रले विश्वास गुमाइसकेको टिप्पणी गरेकाले पनि समिति गठन हुनुपर्ने तर्क कार्कीको छ । 'हाम्रै सभापतिले केही समयअगाडि संसदमा नै राज्यका प्रहरी प्रशासनजस्ता नियमित संयन्त्रहरूले विश्वास गुमाएका कारण, तिनले गरेका छानबिन र अनुसन्धानमा मात्रै भर नपरी संसदीय छानबिन विशेष समिति बनाउनुपर्ने भन्नुभएको थियो,' उनले लेखेका छन्, 'सभापतिले छानबिन समिति बनाउनुपर्छ भन्दा हामी समर्थकहरू संसदबाहिर पनि हो यही हो भनेर वकालत गरेका थियौँ । आखिर नेपालको धरातलीय यथार्थ त्यही नै हो ।'

संसदीय छानबिनको कुरा अर्को दलले उठाउँदा रास्वपाविरुद्धजस्तो देखिएको भए पनि अन्तर्यमा त्यो रास्वपाकै खास मुद्दा भएको कार्कीको तर्क छ । 'हाम्रै सभापतिले गरिमामय संसदमा उठाउनुभएको विषय हो । त्यो कसरी हाम्रा विरुद्धमा हो भन्ने मान्नु ? संसदीय समिति हाम्रोविरुद्धमा हो भन्ने कुरा भ्रामक कुरा हो । कसैलाई हाम्रो विरुद्धमा हो भन्ने लाग्छ भने सभापतिकै केही अगाडिको कुरासँग त्यो बाझिन्छ,' उनले लेखेका छन् ।

उनले प्रश्नबाट भाग्न नहुने पनि बताएका छन् । 'विश्वास छ हामीलाई- सहकारीको साना–साना चिर्कटो देखाएर तर्साउन सकिने मान्छेलाई हामीले सभापति बनाएका छैनौँ । प्रश्नबाट भाग्ने र प्रश्नलाई नै बन्द गर्ने कायर र निरंकुश हाम्रो नेतृत्व होइन । संसदीय छानबिन भन्छन् कि उच्चस्तरीय अनुसन्धान आयोग बनाउने भन्छन् कि बैंक खाता हेर्छौं भन्छन् कि के बनाऊँ भन्छन्, बनाइदिऊँ, देखाइदिऊँ । जस्तो कसीमा जाँचिनुपर्ने हो, जाँचिन तयार हौँ । तर यो कुरा सकिदिऊँ ।'

प्रकाशित मिति: बुधबार, वैशाख ५, २०८१ १२:०३

शिलापत्र संवाददाता

प्रतिक्रिया दिनुहोस्

भर्खरै

गोरखाको गण्डकी गाउँपालिकाको ‘अशक्त र असहायको उपचारका लागि घरघरमा डक्टर कार्यक्रम’

विकासका उपलब्धि जोगाउन सार्थक सहयोगका लागि मन्त्री यादवको जोड

तीनवटा संसदीय समितिको बैठक बस्दै

शिवमाया तुम्बहाम्फेले हाँकेको सुहाङको चुनावी कमाण्ड

सुहाङलाई बधाई दिँदै ओलीले दिए इलामका मतदातालाई धन्यवाद

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

टेकस्पायर कलेजका विद्यार्थी अन्तर्राष्ट्रिय एक्सपोजरका लागि मलेसिया भ्रमणमा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री