को हुन् राष्ट्रियसभा उपाध्यक्षमा निर्वाचित विमला घिमिरे ?

A+ A A-

राष्ट्रियसभाको उपाध्यक्षमा नेकपा एमाले सांसद विमला घिमिरे निर्वाचित भएकी छिन् । बुधबार राष्ट्रियसभा उपाध्यक्षका लागि भएको चुनावमा घिमिरेको पक्षमा ३९ मत परेको थियो । उनलाई नेकपा एमाले, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको समर्थन थियो ।

घिमिरेलाई राष्ट्रियसभाको उपाध्यक्षमा निर्वाचित गरियोस् भन्ने प्रस्ताव सांसद दुर्गा गुरुङले पेस गरेकी थिइन् । सो प्रस्तावको पक्षमा बहुमत ३९ मत परेपछि उक्त प्रस्ताव बहुमतले पारित भएको हो । घिमिरेको विपक्षमा १६ मत रहेको थियो । उनको विपक्षमा नेपाली कांग्रेसका सांसदले मात्र मतदान गरेका थिए । त्यस्तै, नेपाली कांग्रेसबाट राष्ट्रियसभाको उपाध्यक्षको उम्मेदवार विष्णुदेवी पुडासैनीले १६ मत पाइन् । उनलाई नेपाली कांग्रेसका सांसदले मतदान गरेका हुन् ।

साविकको ढिकुरा गाविस वडा नं.७ हालको भूमिका स्थान वडा नं. २ ढिकुरा अर्घाखाँचीमा १२ साउन २०२९ उनको जन्म भएको थियो ।

उनले आधारभूत शिक्षा अर्घाखाँचीको शारदा उच्च मावि र माविको अध्ययन बाँणगंगा मावि गजेहडा कपिलवस्तुबाट पुरा गरेकी हुन् । २०४९ सालमा साविकको मोतिपुर वडा नं.८ र हालको वाणगंगा नगरपालिकाको वडा नं ८ निवासी दुर्गाप्रसाद आचार्य सगँ प्रगतिशील विवाह गरेकी थिइन् । बाणगंगा नगरपालिका वडा ८ ढोडेकोलमा स्थायी बसोवास छ भने अस्थायी रुपमा काठमाडाैं महानगरपालिका वडा नं. ३२ शंखमुलमा बस्दै आएकी छिन् ।

घिमिरे २०७४ सालमा स्थानीय तहको चुनावमा बाणगंगा नगरपालिकाको प्रमुखकी प्रत्यासी थिइन् । उनलाई स्थानीय तहको चुनाव हारिन् तर एमालेले त्यसको दुई वर्षपछि नेकपाबाट राष्ट्रियसभाको उम्मेदवार बनाएको थियो । ९ माघ २०७६ सालमा भएको राष्ट्रियसभा सदस्य निर्वाचनमा लुम्बिनी प्रदेशबाट उनी निर्वाचित भएकी हुन् ।

उनी ०४६ सालको जनआन्दोलनपछिका आन्दोलनमा पनि सक्रिय रहेकी थियन् । अखिल नेपाल महिला संघको गाउँ, जिल्ला हुँदै केन्द्रको स्थायी कमिटी सदस्य भई काम गरेको अनुभव पनि घिमिरेसँग छ । उनी नेकपाकाे केन्द्रीय सदस्यसमेत भएकी थिइन् । नेकपा छुट्टिएपछि २०७८ वैशाखमा उनी एमालेको कपिलवस्तु जिल्ला इन्चार्ज बनिन् । त्यसअघि उनी कपिलवस्तुको सहइन्चार्ज थिइन् ।

राजनीतिक यात्रा

२०४७ साल वैशाखमा अखिल नेपाल महिला संघ कोपवा गाउँ समिति सहसचिवबाट राजनीतिक र सांगठनिक यात्राको शुरुवात ।

२०४८ मा अनेरास्ववियु कपिलबस्तु जिल्ला कमिटी सदस्य

२०४८ सालमा अनेमसघं कपिलबस्तु जिल्ला तदर्थ समितिमा सचिब

२०४८ साल माघमा सम्पन्न अनेमसंघ कपिलवस्तुको प्रथम जिल्ला सम्मेलनमा सचिवमा निर्वाचित हुदै २०५१ साल सम्म कार्यरत

२०५१ देखि २०५३ सम्म नेकपा(एमाले) मोतिपुर गाउँ समितिको सचिब

२०४९मा सम्पन्न पार्टीको पाचौ महाधिवेशनमा प्रतिनिधि

२०४९ देखि २०५९ सम्म पार्टीको ईलाका कमिटी सदस्य

२०५४ सालमा पूनः अनेमसघं जिल्ला सचिव भई २०६२ सम्म जिम्बेवारी सम्हालेको

२०५९ सालमा नेकपा एमाले कपिलबस्तु जिल्ला कमिटि सदस्य

२०६९ देखि २०७९ सम्म अनेमसंघ केन्द्रीय कमिटी सदस्य

२०७१ मा नेकपा एमालेको नवौँ महाधिवेशनमा केन्द्रीय कमिटी उम्मेवार भई झिनो मतले पराजित, पार्टी केन्द्रीय स्कुल विभागमा मनोनित

नेकपा(एमाले) र नेकपा माओबादी केन्द्रका बीचमा पार्टी एकतापछि नेपाल कम्युनिष्ट पार्टीको केन्द्रीय कमिटी सदस्य

२०७८सालमा सम्मन्न पार्टीको १० औ महाधिवेशनमा केन्द्रीय कमिटिमा निर्वाचित भई हाल पोलिटब्युरो सदस्यकोको रुपमा कार्यरत

२०७४मा सम्पन्न स्थानिय तहको निर्वाचनमा बाणगंगा नगरपालिकाको प्रमुखमा उम्मेदारी र झिनो मतान्तरले पराजित

२०७६ मा लुम्बिनी प्रदेशबाट राष्ट्रियसभामा निर्वाचित

राष्ट्रियसभामा दिगो विकास तथा सु–शासन समितिमा सदस्य रही प्रदेश र स्थानीय तहहरूको अनुगमन तथा दिगो विकास लक्ष्यका बारेमा सहजीकरणमा महत्वपूर्ण भूमिका खेलेको

प्रकाशित मिति: बुधबार, चैत २८, २०८० १५:४०