एमाले पर्वत जिल्ला अधिवेशनः राष्ट्रियसभाका पूर्वअध्यक्ष तिमिल्सिना र कानुनमन्त्री गिरीको प्रतिष्ठाको लडाइँ

एमाले पर्वत जिल्ला अधिवेशनः राष्ट्रियसभाका पूर्वअध्यक्ष तिमिल्सिना र कानुनमन्त्री गिरीको प्रतिष्ठाको लडाइँ

A+ A A-

एमाले पर्वत जिल्ला १०औँ अधिवेशनमा नयाँ नेतृत्वका लागि निवर्तमान राष्ट्रियसभा अध्यक्ष गणेश तिमिल्सिना र वर्तमान कानुनमन्त्री समूहबीच रस्साकसी सुरु भएको छ । पूर्वअध्यक्ष तिमिल्सिना र कानुनमन्त्री गिरीको समूहबीच प्रतिष्ठाको लडाइँ भएको छ । मंगलबारदेखि सुरु भएको अधिवेशनको पार्टी उपाध्यक्ष विष्णु पौडेलले उद्घाटन गरेका थिए । अहिले तिमिल्सिना र गिरी पक्षबीच प्रतिनिधि ल्याउनेदेखि नेतृत्वमा रस्साकस्सी चलिरहेको छ ।

यो प्रतिष्ठाको लडाइँमा आफ्नो पक्षलाई नेतृत्वमा ल्याउन तिमिल्सिनाले ठूलै जोडबल गरिरहेको छ । उनको समूहलाई सघाउन उपमहासचिव पृथ्वी सुब्बा गुरुङ पर्वतमा सक्रिय छन् । उनीसँगै तिमिल्सिना समूहको पक्षमा पूर्वसंविधानसभा सदस्य कल्पना चापागाईं, पूर्वसंविधानसभा सदस्य एवम् पूर्व प्रदेश पर्यटनमन्त्री विकास लम्साललगायत मन्त्री गिरी समूहलाई रोक्नका लागेका छन् । गिरी समूहले तिमिल्सिना समूहलाई कडा टक्कर दिइरहेको बताइन्छ ।

यसैगरी गिरी समूहलाई रोक्न लागेको तिमिल्सिना समूहमा नेतृत्वका लागि अझै सहमति जुटेको छैन । गिरी समूहबाट ‍‍‍‍‍‍‍गोविन्द पहाडी एक्ला प्रतिष्पर्धी बन्दा तिमिल्सिना पक्षबाट राजु पौडेल र पदमपाणी शर्माले दाबी गरिरहेका छन् । वर्तमान अध्यक्ष राजु पौडेलले नेतृत्वमा दोहोरिने चाहना राखेका छन् र पदमपाणी शर्माले वर्तमान उपाध्यक्ष भएकाले स्वभाविक रूपमा नेतृत्वको दाबी कर्ताका रूपमा आफूलाई पेस गरेका छन् ।

तिमिल्सिना पक्षले कुश्माको रोयल कुश्मा होटललाई सचिवालय बनाएर चुनाव केन्द्रीत तयारी गरिरहेको भए पनि तिमिल्सिनाले राजु पौडेललाई नै दोहोर्‍याउने संकेत पाएपछि बलियो मानिएका पदमपाणी अफठ्यारोमा परेका छन् ।

तिमिल्सिना पक्ष वर्तमान अध्यक्ष राजु पौडेललाई नै सकेसम्म सर्वसम्मत गर्ने नभए निर्वाचनमा भिड्ने मुडमा रहेको श्रोतको दाबी छ । हालसम्म एमाले पर्वतमा गुट नभए पनि २० फागुनमा राष्ट्रियसभा अध्यक्षको पदावधि सकिएर जिल्ला फर्किएका गणेश तिमिल्सिना पालिका दौडाहामा हिँडेपछि गिरी पक्षले काउन्टर दिन र नयाँ नेतृत्व आफ्नो पक्षमा पार्न बलियो तयारी गरिरहेको छ ।

गिरी समूहको समीकरण बलियो भएकाले नै पृथ्वी सुब्बा गुरुङ पर्वत पुगेको बताइन्छ।एमाले पर्वतका अध्यक्ष राजु पौडेलले आफ्नो नेतृत्वमा एमाले पर्वतले धेरै सफलता पाएकाले पुनः नेतृत्वको दौडमा होमिएको बताए । ‘म अध्यक्ष भएपछि एमाले पर्वतले धेरै सफलता पाएको सबैलाई छर्लङ्गै छ’ पौडेलले भने, ‘९ महिना बाँकी रहदै अधिवेशन गर्न लागेका छौ, यसले पनि मैले धेरै भन्न परेन ।’

उनले सकेसम्म सर्वसम्मत गर्ने प्रयास आफू रहेको बताए । ‘सर्वसम्मत नै गर्छौं, सर्वसम्मत सबैभन्दा लोकतान्त्रिक विधि हो, होइन भने आन्तरिक प्रतिष्पर्धा हुन्छ’ उनले भने ।

उता उपाध्यक्ष पदमपाणी शर्माले आफु तल्लो पदबाट क्रमिक रुपमा उपाध्यक्षसम्म आएकोले अध्यक्षका लागि आफ्नो दाबी स्वभाविक भएको दाबी गरे। उनले आफूलाई नेता कार्यकर्ताले न्याय गर्नेमा विश्वस्त रहेको बताए ।

यस्तै गिरीपक्षका पहाडीले नेकपा एमाले पर्वत हाँक्न सक्ने व्यक्ति आफू नै भएको दाबी गरे । प्रतिनिधि चयन भएपछि हौसिएका पहाडीले प्रतिष्पर्धा गर्नेगरी आफूले तयारी गरेको बताउँदै आएका छन् । राजु पौडेललाई अध्यक्ष बनाउने बेला नै १०औँ अधिवेशनमा पहाडीलाई नेतृत्व हस्तान्तरण गर्ने भनेर तिमिल्सिनाले बोलेको गिरी पक्षले स्मरण गराएको छ । यस्तोमा तिमिल्सिनाले पछिल्लो समय आफ्नो वचनविपरितको सक्रियता बढाएपछि गिरी पक्ष त्यसको बलियो जवाफ दिने तयारीमा लागेको छ ।

अधिवेशनमा भाग लिन ६१ वटै वडा, जिल्ला कार्य समिति, पालिका समिति, जनबर्गिय संगठन गरी तीन सय ८३ जना प्रतिनिधि सहभागी छन् । तर कुश्मा नगरपालिका ११ पकुवाको भने प्रतिनिधि विवादका कारण टुंगो लाग्न सकेको छैन ।

तिमिल्सिना समूहले होटललाई तयारी स्थल बनाएको छ भने गिरी पक्षधरले पार्टी कार्यालय र अधिवेशन स्थलमा बसेर आफ्नो रणनीति बनाइरहेको छ।

प्रकाशित मिति: बुधबार, चैत २८, २०८० १०:२९

शिलापत्र संवाददाता

प्रतिक्रिया दिनुहोस्

भर्खरै

हरेक पालिकामा औद्योगिक ग्राम बनाउने सरकारको नीति छः मन्त्री भण्डारी

नेताहरू गैरजिम्मेवार रूपमा कमाउन लागेकाले अर्थतन्त्रमा समस्या आयोः अध्यक्ष सिंह

सत्तापक्ष र प्रतिपक्षको संवाद ठप्प : कस्ताे होला संसदको आगामी अधिवेशन ?

विशेषाधिकार बहस : सदनको अवहेलनामा के हुन्छ कारबाही ?

रास्वपा सचिवालय बैठककाे निष्कर्ष– इलामका जनताले हाम्रै घण्टी बजाइदिए

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?