माछापुच्छ्रे बैंकद्वारा क्रस बोर्डर भुक्तानीलाई सहजीकरण गर्न क्लियरिङ हाउस र फोन पेसँग सम्झौता

माछापुच्छ्रे बैंकद्वारा क्रस बोर्डर भुक्तानीलाई सहजीकरण गर्न क्लियरिङ हाउस र फोन पेसँग सम्झौता

A+ A A-

माछापुच्छ्रे बैंकले हालै नेपाल र भारतबीच क्रस बोर्डर भुक्तानी सहजीकरण गर्नका निमित्त नेपाल क्लियरिङ हाउस र फोन पेसँग भिन्नाभिन्नै सम्झौता गरेको छ ।

फोन पेसँगको सम्झौताले नेपाल भ्रमणमा आउने भारतीय ग्राहकले यूपीआई– इनएबल्ड एपको प्रयोगद्वारा आफूले प्रयोग गरेको सेवा तथा खरिद गरेको वस्तु तत्काल फोन पे नेटर्वक आबद्ध माछापुच्छ्रे बैंकका मर्चन्टहरूमा सोझै भुक्तानी गर्न सक्ने सुविधा प्रदान गर्नेछ । साथै, सम्झौताले व्यापारीहरूमा नगद लेनदेन कारोबार हटाएर क्यूआर भुक्तानीमार्फत सहज रूपमा कारोबार गर्न सुविधा प्रदान गरेको छ ।

साथै, भविष्यमा व्यापारिक भुक्तानी च्यानललाई सहजीकरण गर्ने उद्देश्यले नेपाल क्लियरिङ हाउससँग फोनपेले पार्टिसिपेटिङ तथा सेटलमेन्ट बैंक साझेदारीसमेत गरेको हो ।

सम्झौताअनुसार उक्त सेवा लाइभ गएपश्चात् नेपालमा रहेका भारतीय नागरिकहरूले नेपाल राष्ट्र बैंकद्वारा तोकिएको सीमा पालना गर्दै माछापुच्छ्रे बैंकमा खोलिएको कुनै पनि यूपीआई ह्यान्डल–लिंक गरिएको खाताबाट भारतमा सीधै पैसा पठाउन सक्नेछन् ।

नेपाल राष्ट्र बैंकले तोकेको सीमाभित्र बसेर दैनिक रूपमा १५ हजार भारतीय रुपैयाँँ र मासिक १ लाखसम्म भारत पठाउन यो सम्झौताले सहज हुने बैंकको विश्वास छ । यसैगरी, भारतमा रहेका नेपाली नागरिकहरूले पनि यूपीआई–इनएबल एप्स प्रयोग गरेर त्यहाँको नियामक निकायले तोकेको सीमाभित्र बसेर नेपालमा माछापुच्छ्रे बैंकको यूपीआई ह्यान्डल–लिंक गरिएको खातामा सिधै पैसा पठाउन सक्नेछन् ।

हाललाई भारतमा रहेका नेपाली नागरिकहरूले भारतीय बैंकमा खोलेको खाताबाट प्रतिकाबोर भारु २ लाख सम्म र खाता नभएको खण्डमा १ वर्षमा १२ वटा भन्दा बढी कारोबार ननाघ्ने गरी आफूलाई पायक पर्ने भारतीय बैंकबाट प्रतिकारोबार भारु ५० हजार पठाउन सक्नेछन् ।

प्रकाशित मिति: शुक्रबार, चैत २३, २०८० १६:०६