'शिलापत्र वर्षपुस्तक २०८०' चुन्न राखिएका १० कविताहरू (फारमसहित)

A+ A A-

शिलापत्रको वर्षान्त अभियानअन्तर्गत कवितातर्फ १० मध्ये एक कृति 'वर्षपुस्तक २०८०' घोषित हुनेछ । शिलापत्रको न्युजरुममा लामो छलफल र विधाविज्ञको परामर्शपछि तयार गरिएको सूचीबाट पाठकले एक कवितालाई ‘वर्षपुस्तक २०८०’ का लागि मत दिन पाउनेछन् । अर्थात् पाठकको मतका आधारमा कविता विधाबाट एउटा कृति वर्षपुस्तक घोषित हुनेछ ।

वर्षकविताको सूचीमा देवव्रतको ‘अश्वत्थामाको निधारबाट बागमती बग्छ’, राजु स्याङ्तानको ‘ओ पेङ्दोर्जे’, निर्भीकजंग रायामाझीको ‘त्यसरी त कहिल्यै सोचिएन’, रेशम विरहीको ‘प्रतिरोधको लय’, सुमिनाको ‘बागी स्त्रीको आत्मकथा’, भूपिनको ‘भूपिनका कविता’ र अभय श्रेष्ठको ‘लहना र तीर’, मीनबहादुर विष्टको ‘साला पहाडमें क्या हे’, प्रकाश रम्घालीको ‘साँझको संगत’ र गणेशकुमार राईको ‘सिलीदुङः गीलु रातोस’ छन् । प्रत्येक विधातर्फ १० मध्ये एक सिर्जनालाई पाठकले चुन्न सक्नेछन् । १५ चैत २०७९ देखि १५ चैत २०८० सम्म प्रकाशित पुस्तक मात्रै सूचीमा समेटिएका छन् ।

poem in1712303365.jpg

पाठकलाई माथिका पुस्तकबाहेक यसै वर्ष प्रकाशित अन्य कुनै पुस्तक उत्कृष्ट लागेको भए गुगल फारमको अन्य भन्ने अप्सनमा गएर सिफारिस गर्न पाउने व्यवस्था पनि मिलाइएको छ । पाठककै मतका आधारमा एक आख्यान र एक गैरआख्यान पनि वर्षपुस्तक चुनिनेछन् ।

वर्षपुस्तक २०८० मा मत जाहेर गर्ने समय अब २ दिन बाँकी छ । १५ चैतदेखि १० दिनको समय राखेर शिलापत्रले विभिन्न विधामा भर्चुअल्ली मत हाल्न पाउने गरी फारम राखेको छ । २५ चैत राति १२ बजेसम्म भोट गर्न पाइनेछ ।

यो मल्टिमिडिया अन्तर्क्रियामा पाठकले वर्षपुस्तकका साथै एक/एक वर्षव्यक्ति, वर्षकलाकार, वर्षखेलाडी, वर्षकार्टुनिस्ट, वर्षसिनेमा र वर्षनाटकका साथै १५ समाचार निर्मातालाई मत दिन पाउनेछन् ।

वर्षव्यक्तिमा वैज्ञानिक महावीर पुन, उद्यमी विनोद कुँवर, फुटबलर सावित्रा भण्डारी (साम्बा) तथा संयुक्त रूपमा एसएसपीद्वय दानबहादुर कार्की र मनोजकुमार केसीलाई राखिएको छ । वर्षव्यक्तिमा नचुनिएका बाँकी तीन जना यस वर्षको प्रमुख समाचार निर्माता हुनेछन् । यो सूची कसरी तयार गरियो भन्ने जान्न यहाँ क्लिक गर्नुहोस् ।

शिलापत्र वर्षान्त अभियान के हो ? वर्षव्यक्ति वा यसअन्तर्गत विभिन्न विधाका सूची कसरी तयार गरिन्छ, केलाई आधार मानिन्छलगायत जिज्ञासा भए यहाँ क्लिक गरेर पढन् सक्नुहुन्छ ।