सम्पत्ति शुद्धिकरणबारे नेपाली कर्मचारीलाई भारतमा प्रशिक्षण

A+ A A-

नेपालका १८ सरकारी कर्मचारीले भारतमा ‘सम्पत्ति शुिद्धकरण तथा आतङ्कवादी क्रियाकलापमा वित्तीय लगानी निवारण’ विषयमा प्रशिक्षण सुरु गरेका छन् ।

नेपाल सरकारको आग्रहमा ६० कर्मचारीका लागि तयार पारिएको विशेष कोर्षअन्तर्गत दोस्रो चरणमा २० नेपाली कर्मचारी प्रशिक्षणका लागि गएका हुन् । भारतको बैंग्लोरस्थित National Academy of Customs, Indirect taxes and Narcotics (NACIN) मा सोमबारदेखि उनीहरुको प्रशिक्षण सुरु भएको नेपालस्थित भारतीय दूतावासले जनाएको छ ।

‘नेपाल सरकारका विभिन्न निकायहरुको क्षमतालाई अभिवृद्धि गर्ने भारत सरकारको प्रतिबद्धताको उदाहरणको रुपमा यस कार्यक्रमलाई लिइएको छ। भारत सरकारको पूर्ण सहयोग रहेको सो कोर्ष भारतीय विदेश मन्त्रालयको प्राविधिक तथा आर्थिक सहयोग कार्यक्रम अन्तर्गत रहेको छ,’ दूतावासद्वारा विज्ञप्तिमा भनिएको छ, ‘यस प्रशिक्षणले कार्यक्रममा सहभागी अधिकारीहरुको सम्पत्ति शुिद्धकरण तथा आतङ्कवादी क्रियाकलापमा वित्तीय लगानी निवारण सम्बन्धी मामिलाहरुलाई प्रभावकारी ढङ्गबाट सामना गर्न सक्ने क्षमतालाई अभिवृद्धि गर्नेछ ।’

२० जना कर्मचारीको पहिलो समूहले भदौ ७ गते ६ दिने प्रशिक्षण मोड्युल सम्पन्न गरेका थिए । तेस्रो समूहमा २१ नेपाली अधिकारीले मंसिर–पौष महिनादेखि प्रशिक्षण सुरु गर्ने जनाइएको छ ।

वित्तीय अनुसन्धान एवम् सम्पत्ति शुिद्धकरण क्षेत्रमा नासिन भारत सरकारको अत्याधुनिक शिक्षण सुविधा सहितको प्रमुख प्रशिक्षण संस्थान हो । योे एशिया/प्रशान्त क्षेत्रका लागि विश्व भन्सार संस्थाको एक मान्यताप्राप्त क्षेत्रीय प्रशिक्षण केन्द्र हो । संस्थाले विभिन्न अन्तर्राष्ट्रिय संस्थासँग मिलेर काम गर्दै आएको दूतावासले जनाएको छ ।