नयाँ वर्षको अवसरमा जीडब्लूएमले ल्यायो विशेष छुटसहितका आकर्षक योजनाहरू

A+ A A-

जीडब्लूएमको नेपालका लागि आधिकारिक वितरक भीजी इम्पेक्स प्रालिले आउँदै गरेको नेपाली नयाँ वर्ष २०८१ को अवसरमा आकर्षक 'शानदार नववर्ष २०८१' योजनाको घोषणा गरेको छ । कम्पनीले जीडब्लूएमका लोकप्रिय मोडेलहरू हाभल–एच सिक्स, जोलायन, इलेक्ट्रिक ओरा ०३ र पावर पिकअप गाडीहरूमा विशेष छुटसहितका आकर्षक योजनाहरू सार्वजनिक गरेको हो ।

कम्पनीले ल्याएको यस नयाँ वर्ष योजनाअनुसार ओरा ०३ ईभी खरिद गर्ने ग्राहकहरूले भारी नगद छुट पाउनुका साथै फ्री एसेसरिज, एक वर्षसम्मको व्यापक बीमा र फास्ट चार्जरसहित ५ लाख रुपैयाँसम्मको फाइदा पाउनेछन । त्यस्तै, हाभलका एच सिक्स र जोलायनमा ८.५ लाख रुपैयाँसम्मको फाइदासहित नगद छुट, एक वर्षसम्मको व्यापक बीमा, एक्सचेन्ज बोनस र फ्री एसेसरिजका साथै पावरमा १० लाख रुपैयाँसम्मको फाइदासहित इलेक्ट्रिक सनरुफ, लेदर सिट्स, सिक्स एयरब्याग र रिभर्स पार्किङ क्यामेरा पाउनेछन् ।

यस्ता छन् जीडब्लूएमका अफरहरू

ओरा ०३ ईभी : ५ लाखसम्मको फाइदा

यो नयाँ वर्षको अवसरमा जीडब्लूएमको प्रिमियम ईभी ओरा ०३ मा ५ लाख रुपैयाँसम्मको फाइदाका साथ फ्री एसेसरिज, आकर्षक नगद छुट, १ वर्षसम्मको व्यापक बीमा, एक्सचेन्ज बोनसको सुविधा प्राप्त गर्न सकिनेछ । ग्राहकहरूले यसको स्टाइल र लक्जरीको साथ निःशुल्क ७ केडब्लू फास्ट चार्जर र पावर ब्याट्री ड्राइभ मोटर र मोटर कन्ट्रोलरमा ८ वर्षसम्म १५०,००० किमि वारेन्टीलगायतका सुविधा पाउनेछन् ।

हाभल एच सिक्स, र जोलायन : ८.५ लाखसम्मको फाइदा

हाभल– एच सिक्स र जोलायनमा ग्राकहरूले पावर र लक्जरीको उत्कृष्ट मिश्रणको अनुभव लिई ८.५ लाख सम्मको फाइदा लिन सक्नेछन् । साथै, आकर्षक नगद छुट, १ वर्षसम्मको व्यापक बीमा, एक्सचेन्ज बोनस र फ्री एसेसरिजजस्ता प्रभावशाली सुविधाहरू खरिदकर्ताहरूले पाउनेछन् ।

पावर : १० लाखसम्मको फाइदा

जीडब्लूएमकोे पावर पिक–अपका खरिदकर्ताहरूले एन्डुरेन्स र क्यापाबिलिटीको अनुभव तथा १० लाख सम्मका फाइदाहरू लिन सकिनेछ । यस गाडीमा इलेक्ट्रिक सनरुफ, लेदर सिट, उत्कृष्ट सुरक्षा सुविधाहरू र रिभर्स पार्किङ क्यामेराको पनि सुविधा उपलब्ध गराइएको छ ।

जीडब्लूएमले हाल नेपालमा हाभल एच सिक्स, हाभल जोलायन, ओरा ०३ ईभी, पावर र विङ्गल सिक्सलगायत विभिन्न मोडलहरू भित्र्याएको छ । यस कम्पनीले विगत ६ वर्षदेखि हरेक साल १० लाख भन्दा धेरै गाडीहरू बिक्री गरिरहेको छ । भीजी इम्पेक्स नेपालमा ग्रेट वाल मोटरको आधिकारिक आयातकर्ता हो । यस कम्पनीले जीडब्लूएमको विश्वव्यापी लाइनअपहरू नेपाली बजारमा ल्याउने र बिक्रीपछिको स्तरीय सेवाहरूलाई पनि निरन्तर स्तरोन्नति गर्दै नेपालको इलेक्ट्रिक भेहिकल इकोसिस्टमलाई अगाडि बढाउन केन्द्रित छ ।

प्रकाशित मिति: मंगलबार, चैत २०, २०८० १६:१०