गल्फ लुब्रिकेन्ट्सले दियो मेकानिक्सहरूलाई टेक्निकल प्रशिक्षण

A+ A A-

नेपाल ल्युब आयल लिमिटेडले अमलेखगंजस्थित आफ्नो फ्याक्ट्रीमा मेकानिक्सहरूलाई टेक्निकल प्रशिक्षण सञ्चालन गर्नुको साथै फ्याक्ट्री भिजिट कार्यक्रम सञ्चालन गरेको छ ।

सुदूरपश्चिम क्षेत्रका ३० भन्दा धेरै मेकानिक्सहरूले सहभागिता जनाएको सो कार्यक्रममा सीप विकास गर्नका लागि चाहिने सान्दर्भिक टेक्निकल तालिम प्रदान गर्नुका साथै उहाँहरूको गल्फ लुब्रिकेन्ट्सप्रतिको मनोबल अझ वृद्धि गर्ने उद्देश्यले फ्याक्ट्री भिजिट पनि गराएको थियो । यो फ्याक्ट्रीको उत्पादन प्रक्रिया र यहाँ प्रयोग हुने उच्चस्तरीय टेक्नोलोजीहरूका बारेमा पनि विस्तृत जानकारी गराइएको थियो ।

नेपाल ल्युब आयलको ल्याबमा भएका विभिन्न डिजिटल उपकरणमार्फत लुब्रिकेन्ट्सका १७ थरीभन्दा बढ़ी प्यारामिटर मापदण्डमा गुणस्तरको मापन गरेर मात्र उत्पादनहरू बजारमा पठाइने गरेको थाहा पाउँदा, सही वस्तु उपयोग गरिएको रहेछ भनेर सबै ढुक्क भएको अवलोकनमा सहभागी एक मेकानिक्सले बताए ।

त्यस्तै, बेस आयल मात्र प्रयोग गरेको र विगत ५ वर्षभन्दा बढी समयदेखि सोभन्दा निम्नस्तरको आयल इम्पोर्ट नै नगरेको थाहा पाउँदा गल्फ लुब्रिकेन्ट्सप्रति अझै धेरै विश्वास बढेको मेकानिक्सहरूले बताए ।

प्रशिक्षणमा सहभागी सबैलाई सर्टिफिकेट र खादा ओढाएर सम्मान गरिएको थयो ।

सो अवसरमा नेपाल ल्युब आयलका नायब महाप्रबन्धक हीरालाल रावतले भने, 'मेकानिक्स साथीहरूको सीप विकासमा हामी हरदम प्रतिबद्ध छौँ र यहीअनुरुपका कार्यक्रम आगामी दिनहरूमा पनि सञ्चालन गरिनेछ । गल्फ लुब्रिकेन्ट्सको अन्तर्राष्ट्रिय मापदण्डको पालना, उत्पादनको हरेक चरणमा लागू गरिएको क्वालिटी कन्ट्रोल र यहाँ प्रयोग हुने अत्याधुनिक प्रविधिको वास्तविक आँखाअगाडि जानकारी दिन पाउँदा गल्फ लुब्रिकेन्ट्सप्रतिको विश्वास बढेको हामीले यस कार्यक्रममा अनुभूति गरेका छौँ ।'

नेपालयुब आयल लिमिटेडका आधिकारिक बिक्रेता सयपत्री स्टोर्सको सहकार्यमा संचालित कार्यक्रममा नेपाल ल्युब आयल लिमिटेडका प्रादेशिक बजार व्यवस्थापक राजन रावलले गल्फका विभिन्न उत्पादनहरूका बारेमा जानकारी गराएका थिए । उनले नेपाल ल्युब आयलको अटोमोबाइलदेखि उद्योगहरूमा प्रयोग हुने सबै सेग्मेन्ट्स र ग्रेडका लुब्रिकेन्ट्स, ग्रिजका बारेमा विस्तृत रूपमा जानकारी गराए । उनले नेपाल ल्युब आयलले बिक्री गरिरहेको ब्याट्रीका बारेमा समेत प्रस्तुतिकरण दिएका थिए ।

नेपाल ल्युब आयल लिमिटेड नेपालमा गल्फ लुब्रिकेन्ट्सका उत्पादन र वितरण गर्ने गल्फ इन्टरनेसनलको इजाजतपत्र प्राप्त कम्पनी हो ।

प्रकाशित मिति: सोमबार, चैत १९, २०८० १७:४८