बालाजु अटो वर्क्सको म्यानेजर्स मिट सम्पन्न, उत्कृष्ट प्रदर्शन गर्ने डिलरहरू सम्मानित

बालाजु अटो वर्क्सको म्यानेजर्स मिट सम्पन्न, उत्कृष्ट प्रदर्शन गर्ने डिलरहरू सम्मानित

A+ A A-

नेपालका लागि महिन्द्रा फोर ह्वीलरको नेपालका लागि आधिकारिक बिक्रेता अग्नि ग्रुपअन्तर्गतको बालाजु अटो वर्क्सले काभ्रेको धुलिखेलमा सर्भिस एन्ड पार्ट्स म्यानेजर मिट २०२४ सम्पन्न गरेको छ । कार्यक्रममा महिन्द्रा केयर फेस्ट २०२४ मा उत्कृष्ट प्रदर्शन गर्ने डिलरहरूलाई विभिन्न उपाधिले सम्मानित गरियो ।

विजेताहरूलाई बालाजु अटो वर्क्सका प्रबन्ध निर्देशक अर्जुनप्रसाद शर्मा, एम एन्ड एम नेपालका लागि सर्भिस कन्ट्री म्यानेजर सोमनाथ धरका साथै कम्पनीका विभागीय प्रमुखहरूले सम्मान प्रदान गरेका थिए ।

सम्मान पाउनेमा बेस्ट फोटो अफ द केयर फेस्ट– अग्नि आस्था (इटहरी), बेस्ट कस्टमर इन्गेजमेन्ट– ओम श्री बाराही अटो वर्क्स, हाइएस्ट ‘एम–ट्रयाक’ इनरोलमेन्ट– अग्नि आस्था (इटहरी), हाई पर्फर्मर– अग्नि आस्था (भैरहवा), हाई एचिभर– ठाकुर अटो केयर सेन्टर रहेका छन् ।

साथै, म्यानेजर्स मिट २०२४ मा उत्कृष्ट प्रदर्शन गर्ने ओम श्री बाराहीबाट बेस्ट कस्टमर केयर एक्जेक्युटिभ २०२४– विनिता केसी, सेन्ट्रल सर्भिस सेन्टरबाट बेस्ट सर्भिस म्यानेजर २०२४– शशी पञ्जियार साथै एमके इन्कर्पोरेटेड प्रालिबाट बेस्ट स्पेयर पार्ट्स म्यानेजर २०२४– राजेश लाघे सम्मानित भएका छन् ।

meeting point (1)1711969791.jpg

कार्यक्रममा बालाजु अटो वर्क्सका प्रबन्ध निर्देशक अर्जुन प्रसाद शर्माले संस्थाको विकासमा सबैको योगदानको प्रशंसा गरे । उनले सर्भिस एन्ड पार्ट्स म्यानेजर मिट २०२४ मार्फत साझेदारीलाई सुदृढ पार्ने र उत्कृष्टता हासिल गर्ने प्रतिबद्धताका साथै सँगै काम गरेर हामी दीर्घकालीन वृद्धि र नवप्रवर्तनको सम्भावनालाई 'अनलक' गर्छौं भन्ने कुरामा जोड दिए ।

सो अवसरमा एम एन्ड एम नेपालका लागि सर्भिस कन्ट्री म्यानेजर सोमनाथ धरका साथै अग्नि ग्रुप, नेटवर्क्सका सम्मानित अतिथिहरूको उपस्थिति रहेको थियो ।

प्रकाशित मिति: सोमबार, चैत १९, २०८० १६:५६