'ग्लोबल मनी विक'को अवसरमा गरिमा विकास बैंकले गर्‍यो वित्तीय साक्षरताका विभिन्न कार्यक्रम

'ग्लोबल मनी विक'को अवसरमा गरिमा विकास बैंकले गर्‍यो वित्तीय साक्षरताका विभिन्न कार्यक्रम

A+ A A-

गरिमा विकास बैंकले ग्लोबल मनी विकको अवसरमा वित्तीय साक्षरताका विभिन्न १८ वटा कार्यक्रम सञ्चालन गरेको छ । बैंकले विभिन्न तहका विद्यार्थीहरूलाई लक्षित गर्दै वित्तीय साक्षरता, वित्तीय अन्तर्क्रिया, शैक्षिक सामग्री वितरण, वित्तीय चेतना प्रभातफेरीलगायतका १८ वटा कार्यक्रमहरू सम्पन्न गरेको बैंकले जनाएको छ ।

बैंकले देशका सातवटै प्रदेशमा रहेका विभिन्न स्कुल, कलेज, शैक्षिक संघ–संस्थाहरूसँगको समन्वयमा ती कार्यक्रम सम्पन्न गरेको हो ।

Garima Bikash Bank (1)1711967288.jpg

बालबालिका र युवाहरूमा वित्तीय साक्षरता अभिवृद्धि गर्दै ज्ञान, सीप र मनोवृत्तिको विकास गर्ने उद्देश्यका साथ सन् २०१२ देखि विश्वभर ‘ग्लोबल मनी विक’ (मार्च १८ देखि २४ सम्म) मनाइँदै आएको छ ।

ग्लोबल मनी विकको अवसरमा बैंकले ‘प्रोटेक्ट योर मनी, सेक्यो योर फ्युचर’ नाराका साथ काठमाडौं उपत्यकाका हात्तीगौँडा, नयाँ बानेश्वरसँगै झापाको बुधबारे, सर्लाहीको लालबन्दी, तनहुँको दमौली, गोरखाको गोरखा बजार, नवलपरासीको सुनवल, स्याङ्जाको चापाकोट, कञ्चनपुरको महेन्द्रनगरमा वित्तीय साक्षरता कार्यक्रम सम्पन्न गरेको छ ।

त्यसैगरी, बैंकले मोरङको विराटचोक, धनुषाको जनकपुर, मकवानपुरको हेटौँडा, कैलालीको धनगढी र लम्कीमा विद्यार्थीहरूलाई शाखा कार्यालयको अवलोकन भ्रमण गरायो भने बाराको सिमरा, सुर्खेतको वीरेन्द्रनगर, काभ्रेपलाञ्चोकको बनेपा र कपिलवस्तुको चन्द्रौटामा विद्यार्थीहरूलाई शैक्षिक सामग्री वितरण गरेको छ । ती कार्यक्रमबाट देशभरका १३ सयभन्दा बढी विद्यार्थी प्रत्यक्ष रुपमा लाभान्वित भएको बैंकले जनाएको छ ।

Garima Bikash Bank (3)1711967309.jpg

काठमाडौंको लाजिम्पाटमा केन्द्रीय कार्यालय रहेको गरिमा विकास बैंकले काठमाडौं उपत्यकाभित्र २२ सहित देशभर १२३ शाखा कार्यालय, १ एक्सटेन्सन काउन्टर र ५१ वटा एटीएममार्फत आफ्ना ग्राहकहरूलार्ई गुणस्तरीय बैंकिङ सेवा प्रदान गर्दै आइरहेको छ ।

प्रकाशित मिति: सोमबार, चैत १९, २०८० १६:१३