ओमोडाले गर्‍यो होली पुन्ही कार्यक्रमको सह-प्रायोजन

A+ A A-

आर्बिटरी इभेन्टको आयोजना र ओमोडाको सह-प्रायोजनमा काठमाडौंको दरबारमार्गमा होली पुन्हि कार्यक्रम सम्पन्न भएको छ । ‘ड्रिभन ई–फ्युचर बाई’ नाराका साथ चैत ११ गते आयोजना गरिएको उक्त कार्यक्रममा स्वदेशी तथा विदेशी गरी १ लाखभन्दा बढीले सहभागिता जनाएका थिए ।

आर्बिटरी इभेन्टले झण्डै ५ वर्षपछि यस्तो कार्यक्रम आयोजना गरेको हो । कार्यक्रममा सहभागीहरूलाई निरन्तर मनोरञ्जन प्रदानका लागि चर्चित कलाकारहरू भेक, यबेश थापा, आविष्कार केसी, डीजे बीपीएम, डीजे ड्यानसहित अरू ६ जना डीजेले उत्साहजनक प्रस्तुति दिएका थिए ।

होली कार्यक्रममा सहभागीहरूलाई मनोरञ्जन र विभिन्न गतिविधि प्रदान गर्नका लागि ओमाडाका छुट्टै स्टल राखिएको थियो । स्टलमा ह्यान्ड पेन्टिङ, आकर्षक ‘प्रप’हरूसहितको फोटो बुथको व्यवस्था गरिएको थियो । स्टलमा विभिन्न गतिविधिमा सहभागी हुनेलाई अन-द-स्पट पुरस्कारहरू पनि प्रदान गरिएको थियो ।

ओमोडा ई–फाइभको स्टलमा कैयौँ अवलोकनकर्ताले ह्यान्ड पेन्टिङ गरी ओमोडाको बोर्ड रंगाएका थिए, जुन दर्शकहरूको मुख्य आकर्षण बन्यो । ओमोडाका स्टलमा आफ्ना तस्वीर तथा सेल्फी खिच्न चाहने अवलोकनकर्ताहरूको सङ्ख्या उल्लेखनीय देखिन्थ्यो । सेल्फी खिचेर आफ्नो सामाजिक सञ्जालमा #Omodacolors ह्यास्टागसहित तस्वीर खिचाएर पोस्ट गर्ने सहभागीहरूले आकर्षक पुरस्कार प्राप्त गरेका थिए ।

सांगीतिक टिमले उत्कृष्ट प्रस्तुति दिएको सो कार्यक्रममा काठमाडौं महानगरपालिकाका मेयर बालेन्द्र शाहको उपस्थिति र चलचित्र महाजात्राका कलाकारको सहभागिता थियो । होली पुन्ही कार्यक्रमको आयोजनाले दरबामार्ग क्षेत्रको वातावरणलाई रोचक र उत्साहजनक बनाउँदै हाम्रो मौलिक परम्पराहरूको प्रवर्द्धन गरेको छ ।