एनआईसी एशियाले गर्‍यो ‘विराट गोल्ड कप फुटबल’को प्रायोजन

A+ A A-

कोशी प्रदेशमा बिहीबारदेखि सञ्चालन भइरहेको ‘विराट गोल्ड कप फुटबल २०८०’को प्रायोजन एनआईसी एशियाले गरेको छ । सोसम्बन्धी सम्झौतापत्रमा बैंकका ब्रान्डिङ एन्ड कर्पोरेट कम्युनिकेसन प्रमुख सरोज भट्टराई र आयोजकका तर्फबाट ट्रस्टका अध्यक्ष किशोरबहादुर शाहीले हस्ताक्षर गरेका हुन् ।

२४ चैतसम्म सञ्चालन हुने यो प्रतियोगिताका विजेताले नगद ११ लाख, उपविजेताले ५ लाख ५० हजारलगायत ट्रफी, मेडल र प्रमाणपत्र प्राप्त गर्नेछन् । साथै, सर्वोत्कृष्ट खेलाडीलाई मोटरसाइकल, सर्वाधिक गोलकर्ता, उत्कृष्ट प्रशिक्षक तथा उत्कृष्ट गोलरक्षकलाई जनही २१ हजार नगद र उत्कृष्ट खेलाडीलाई २१ हजार नगद पुरस्कार प्रदान गरिनेछ ।

‘विराट गोल्ड कप फुटबल २०८०’मा संकटा क्लब, नेपाल सशस्त्र प्रहरी बल, मोरङ–११, त्रिभुवन आर्मी क्लब, चर्च ब्वाइज युनाइटेड, मच्छिन्द्र फुटबल क्लब, थ्री स्टार क्लब, नेपाल पुलिस, सुनसरी–११, भुटानबाट भुटान एफसी, भारतबाट दिल्ली एफसी, माने भञ्ज्याङ दार्जिलिङ, कोलकत्ता–११ र पञ्जाब पुलिस टिम सहभागी हुने आयोजकले जनाएका छन् ।

कोशी प्रदेशमा रहेका नवखेलाडीहरूलाई हौसला प्रदान गर्ने उद्देश्यले यो प्रतियोगिता आयोजना गरिएको बताइएको छ । नेपाली जनमानसको मन–मनमा विशेष स्थान ओगटेको फुटबल खेललाई थप उचाइमा पुर्‍याउन बैंकले गरेको यो सहकार्यले विशेष योगदान पुग्ने बैंकको विश्वास रहेको छ ।

एनआईसी एशिया बैंक मुलुकमा सबैभन्दा धेरै बैंकिङ सञ्जालहरू भएका बैंकहरूमध्येको बैंक हो । यस बैंकले मुलुकभर ३६० शाखा कार्यालयहरू, ६७० एटीएम, ११६ वटा विस्तारित काउन्टर एवं ५१ वटा शाखारहित शाखा सञ्जालमार्फत गुणस्तरीय बैंकिङ सेवा प्रदान गर्दै आइरहेको छ ।