रुकुम र सल्यानमा गल्फ लुब्रिकेन्ट्सको पीजीएम मिट सम्पन्न, २५ जना उत्कृष्ट मेकानिक्स सम्मानित

रुकुम र सल्यानमा गल्फ लुब्रिकेन्ट्सको पीजीएम मिट सम्पन्न, २५ जना उत्कृष्ट मेकानिक्स सम्मानित

A+ A A-

नेपाल ल्युब आयल लिमिटेडले सोलाबाङ, रुकुम (प) र श्री नगर अटो भिलेज, सल्यानमा आफ्ना रिटेलरहरू तथा प्राइभेट ग्यारेज मेकानिक्सहरूसँगको भेटघाट तथा छलफल कार्यक्रम (पीजीएम मिट) सम्पन्न गरेको छ । उक्त कार्यक्रमको सोलाबाङका प्रहरी इन्चार्ज लालबहादुर रोका र सारधा नगरपालिका– १२ का वडा अध्यक्ष सुरेन्द्र बुढाले संयुक्त रूपमा उद्घाटन गरेका हुन् ।

नेपाल ल्युब आयल लिमिटेडले रुकुम (प) र सल्यानका लागि आफ्नो आधिकारिक डिलर मध्यपश्चिम सप्लायर्सको सहकार्यमा सो कार्यक्रम आयोजना गरेको हो । नेपाल ल्युब आयल लिमिटेड नेपालमा गल्फ लुब्रिकेन्ट्सका उत्पादन र वितरण गर्ने गल्फ इन्टरनेसनलको इजाजतपत्रप्राप्त कम्पनी हो ।

नेपालका ग्रामीण र शहरी दुवै क्षेत्रमा रहेका रिटेलरहरू तथा प्राइभेट ग्यारेज मेकानिक्सहरूको सल्लाह र सुझाव लिई उनीहरूको सीप विकास गर्ने उद्देश्यले सो कार्यक्रम गरिएको कम्पनीले जनाएको छ । बिक्रेता र मेकानिक्सहरूको उत्साजनक सहभागिता रहेको सो कार्यक्रममा रुकुम (प) र सल्यानका २५ जना उत्कृष्ट मेकानिक्सहरूलाई सम्मान गरिएको थियो ।

सो अवसरमा नेपाल ल्युब आयल र मध्यपश्चिम सप्लायर्सको सहकार्यमा श्रीनगर अटो भिलेजलाई शुद्ध पिउने पानीको लागि १५ लिटर क्षमताको धारो जडान गरी वडा अध्यक्ष बुढाको हातबाट उद्घाटन पनि गरिएको थियो ।

Gulf Lubricant (1)1711613076.jpeg

कार्यक्रममा नेपाल ल्युब आयल लिमिटेडका डिलर इन्चार्ज सन्तोष न्यौपानेले गल्फका विभिन्न उत्पादनहरूका बारेमा जानकारी गराएका थिए । उनले नेपाल ल्युब आयलको अटोमोबाइलदेखि उद्योगहरूमा प्रयोग हुने सबै सेग्मेन्ट्स र ग्रेडका लुब्रिकेन्ट्स, ग्रिजका बारेमा विस्तृतमा जानकारी गराएका थिए । त्यस्तै, उनले नेपाल ल्युब आयलले बिक्री गरिरहेको ब्याट्रीका बारेमा पनि प्रकाश पारेका थिए ।

फ्युल रिटेल र लुब्रिकेन्टको क्षेत्रमा गल्फ विश्वमै परिचित ब्रान्ड हो र यसले अटोमोटिभ देखि इन्डष्ट्रियल सेक्टरसम्मका उत्पादन उपलब्ध गराउँछ । नेपालमा गल्फ ब्रान्ड विगत ३८ वर्षदेखि लगातार ग्राहकहरूको रोजाइमा पर्दै आइरहेको छ ।

प्रकाशित मिति: बिहीबार, चैत १५, २०८० १५:३९