वित्तीय साक्षरताका विभिन्न कार्यक्रम गर्दै सकियो महालक्ष्मी विकास बैंकको ग्लोबल मनी विक

वित्तीय साक्षरताका विभिन्न कार्यक्रम गर्दै सकियो महालक्ष्मी विकास बैंकको ग्लोबल मनी विक

A+ A A-

महालक्ष्मी विकास बैंकले आफ्नो संस्थागत सामाजिक उत्तरदायित्वअन्तर्गत सञ्चालन गरेको ग्लोबल मनी विक २०८० साक्षरताका विभिन्न कार्यक्रम गर्दै सम्पन्न भएको छ । वित्तीय पहुँचबाट बाहिर रहेका विभिन्न लक्षित वर्गहरू पहिचान गरी सातवटै प्रदेशमा रहेका उक्त बैंकका विभिन्न शाखा तथा प्रादेशिक कार्यालयहरूद्वारा वित्तीय साक्षरता, र्‍याली तथा सचेतनाका कार्यक्रमहरू सञ्चालन गरिएका थिए ।

बैंकले ग्लोबल मनी विकअन्तर्गत विद्यार्थी तथा युवाहरूमा वित्तीय साक्षरता अभिवृद्धि गर्दै वित्तीय ज्ञान, सीप र मनोवृत्ति विकास गराउने उद्देश्यले सातवटै प्रदेशमा वित्तीय साक्षरताका कार्यक्रम, प्रभातफेरी कार्यक्रम सञ्चालन गर्नुका साथै सामाजिक सञ्जालमार्फत विभिन्न सचेतनामूलक भिडियो सामग्रीहरू प्रसारण गर्‍यो ।

त्यस्तै, बैंकले विभिन्न जिल्लाका स्थानीय तहमा सञ्चालित वित्तीय साक्षरता कार्यक्रमहरूमा विद्यार्थीहरू, स्थानीय युवाहरूका साथै रोजगार व्यक्तिहरू, किसान, लघु, साना तथा मझौला उद्यमीहरू, दैनिक ज्यालादारीहरू, वैदेशिक रोजगारमा जाने सम्भावित व्यक्तिहरू, महिलाहरू तथा विप्रेषण प्रापकहरूको सहभागिता थियो ।

Global Money week (2)1711362681.jpg

उक्त कार्यक्रमबाट करिब ब हजार व्यक्तिलाई बचत, कर्जा, लगानी, सफा नोट, विद्युतीय वित्तीय सेवाहरू, विप्रेषण, गुनासो सुनुवाइ, वित्तीय सेवाप्रदायक संस्था, धितोपत्र बजार, जोखिम व्यवस्थापन, बीमा, वित्तीय ठगी र वित्तीय अनुशासनसम्बन्धी जानकारी गराइएको छ ।

त्यस्तै, बैंकले लुम्बिनी र मधेश प्रदेशमा आयोजना गरिएको प्रभातफेरीमा मोबाइल बैंकिङ, स्मार्ट क्यूआर, निक्षेप, कर्जा, विप्रेषण आदिसँग सम्बन्धित प्लेकार्डहरू बोकिएका थिए ।

त्यस्तै विद्युतीय भुक्तानी, वित्तीय ठगी, सार्वजनिक वाइफाइ प्रयोग गर्दा हुन सक्ने जोखिमसँग सम्बन्धित भिडियो सामग्री निर्माण गरी सामाजिक सञ्जालमार्फत प्रसारण गरिएको थियो ।

प्रकाशित मिति: सोमबार, चैत १२, २०८० १६:४१