कांग्रेसलाई रवि लामिछानेको चुनौती– जनताको माझ बहस गरौँ, म एक्लै आउँछु

A+ A A-

आफ्ना राजीनामा मागिरहेको प्रमुख प्रतिक्ष दल नेपाली कांग्रेसलाई उपप्रधानमन्त्री तथा गृहमन्त्री रवि लामिछानेले बहस गर्न चुनौती दिएका छन् । उनले जनताको माझमा बसह गर्न चुनौती दिएका छन् ।

शनिबार आयाेजित पार्टी कार्यक्रमलाई सम्बोधन गर्दै उनले भने, ‘म चुनौतीका साथ भन्न चाहन्छु, त्यो एउटा ठाडो उजुरीलाई लिएर सदन नै अवरुद्ध गर्न खोज्नुभएको छ । म उहाँहरूलाई भन्न चाहन्छु– तपाईं कहाँ कहिले कुन मितिमा मलाई बोलाउनुहुन्छ ? सदनमा त मलाई बोल्न दिनुभएको छैन । मैले आफ्ना कुरा राख्न पाएको छैन । ठीक छ, जनताको माझमा खुला रुपमा बहस गरौं । तपाईंले भनेको ठाउँ र मितिमा बोलाउनुस् र प्रमाणित गरिदिनुस्, तपाईं भएभरका सबै लगाएर प्रभावशाली नेताहरू बोकेर आउनुहोला । सबै प्रमाणहरू लिएर आउनुहोला । म एक्लै आउँछु ।’

लामिछाने कुनैबेला प्रबन्ध निर्देशक रहेको गोर्खा मिडियाले सहकारीको करौडौं रुपैयाँ डुबाएको छ । यही प्रकरणमा उनी मुछिएका छन् । कांग्रेसले उजुरी परेको व्यक्ति गृहमन्त्रीमा नस्वीकार्ने भन्दै संसदीय छानबिनको समेत माग गरिरेको छ ।

लामिछानेले भने, ‘तपाईंलाई निर्वाचित गर्ने मान्छेका अगाडि उभिएर म बहस गर्न चाहन्छु । तपाईं आफ्नो विज्ञसहित आउनुहोला । प्रमाण सबै लिएर आउनुहोला, म एक्लै आउँछु । आमजनताले हेरुन् त्यो इभेन्ट, प्रत्यक्ष प्रशारण होस्, सिंगो देशले हेरोस् । दूधको दूध, पानीको पानी छुट्टियोस् । कांग्रेस जस्तो इतिहास बोकेको पार्टी कुन चिर्कटमा उभिएको छ भन्ने हामीले हेरेका छौं ।’

उनले सहकारीको विषयमा अदालतमा मुद्दा गएको दाबी गर्दै त्यसमा आफू प्रतिवादी नरहेको बताएका छन् । उनले भनेका छन्, ‘मलाई प्रमाणित गरिदिए हुन्छ, तत्काल के गर्नुपर्ने त्यहीबाट गरौंला । मेरो चुनौती छ । यति भन्दिनुस्, म कहाँ आउँ बहस गर्न । एक्लै हरेक जिज्ञासाको जवाफसहित समाधान दिन्छु । यो बहस अझै काठमाडौं ४ मा भयो भने मलाई सहज हुन्थ्यो ।