उद्योगमन्त्री भण्डारी भन्छन्- नेपाली सिमेन्टलाई निर्यातको प्रमुख आधार बनाउनुपर्छ

उद्योगमन्त्री भण्डारी भन्छन्- नेपाली सिमेन्टलाई निर्यातको प्रमुख आधार बनाउनुपर्छ

A+ A A-

उद्योग, वाणिज्य तथा आपूर्तिमन्त्री दामोदर भण्डारीले नेपाली सिमेन्ट मुलुकभित्रै अधिकतम प्रयोग गर्ने बाटोमा सरकार अघि बढेको बताएका छन् ।

बिहीबार सिंहदरबारमा बसेको उद्योग तथा वाणिज्य र श्रम तथा उपभोक्ता हित समितिको बैठकमा उनले नेपालमा उत्पादित सिमेन्ट निर्यातलाई अझै व्यवस्थित गर्न बनाउँदै जाने प्रतिबद्धता जनाएका हुन् । उनले गत आर्थिक वर्षको बजेटमा पनि नेपालमा उत्पादित सिमेन्टलाई प्रोत्साहन गर्ने नीति लिइएको बताए ।

उद्योगमन्त्री भण्डारीले निर्माण पूर्वाधारमा डिजेल किनेर प्रयोग गर्नुको सट्टा सिमेन्टको प्रयोग बढाउन आवश्यक रहेको बताए । उनले नेपालको निर्यातको प्रमुख आधार सिमेन्टलाई बनाउन आवश्यक रहेको पनि बताए । मन्त्री भण्डारीले अहिलेको व्यापार असन्तुलन र आयातमुखी व्यापार घाटाका चाङलाई हटाउनुपर्ने आवश्यकता रहेको बताए ।

उद्योगमन्त्री भण्डारीले व्यापार सन्तुलनका लागि सिमेन्ट क्षेत्र आवश्यक रहेको बताए । उनले सञ्चालनमा रहेका उद्योगलाई नाफामा ल्याउन र पूर्ण सञ्चालन गर्न आवश्यक रहेको बताए । मन्त्री भण्डारीले नेपाली कच्चा पदार्थमा आधारित उद्योग मुनाफामा चल्नुपर्नेमा चल्न नसकेको स्वीकार गरे ।

उद्योगमन्त्री भण्डारीले लगानी सम्मेलनका लागि लगानीमैत्री कानुन बनाउन सरकारले आवश्यक पहल गरिरहेको बताए । उनले लगानी सम्मेलनलाई सहज बनाउन उद्योग मन्त्रालयले सम्मेलनअघि १० वटा कानुन निर्माण गरिरहेको बताए । मन्त्री भण्डारीले लगानी सम्मेलनका लागि द्रूत गतिमा कानुन निर्माण गर्नुपर्ने आवश्यकता रहेको बताए ।