बयान दिएर निस्किएपछि विनोद चौधरीको प्रतिक्रिया- स्टन्ट गर्नेहरूलाई मेरो चरित्रको सर्टिफिकेट बुझाउनु पर्दैन (भिडियो)

बयान दिएर निस्किएपछि विनोद चौधरीको प्रतिक्रिया- स्टन्ट गर्नेहरूलाई मेरो चरित्रको सर्टिफिकेट बुझाउनु पर्दैन (भिडियो)

A+ A A-

नेपाली कांग्रेसका सांसद विनोद चौधरीले आफ्नो चरित्रको सर्टिफिकेट कसैलाई पनि बुझाउनु नपर्ने प्रतिक्रिया दिएका छन् ।

बाँसबारी जग्गा प्रकरणमा प्रहरीको केन्द्रीय अनुसन्धान ब्युरो (सीआईबी) लाई बयान दिएर सरकारी वकिल कार्यालयबाट निस्कँदै गर्दा चौधरीले उक्त प्रतिक्रिया दिएका हुन् । सरकारी वकिलको कार्यालयसँगको समन्वयमा सीआईबीले उनको बयान लिएको हो ।

'४५ वर्षको यात्रापछि मैले आफ्नो चरित्रको सर्टिफिकेट कसैलाई बुझाउनु पर्दैन । त्यो पनि खास गरिकन स्टन्ट गर्नेहरूलाई,' चौधरीले बयान दिएर निस्कँदै गर्दा सञ्चारकर्मीहरूसँग भने ।

उनले आफ्नो ४५ वर्ष लामो व्यावसायिक यात्रामा जहिले पनि उद्यमी र विकासको राजनीतिक गरेको बताए । यो विषयमा अहिले आएर राजनीतीकरण गर्न खोजिएको उनको आरोप छ ।

०००

के भने चौधरीले ?

हिजो गोप्य पत्रको नाममा म संसदमै थिएँ । संसदमा हुँदाहुँदै तीन मिनेटभित्र त्यहाँ अनुसन्धानको बारेमा जानकारी गराएको पत्र जुन रूपले देशभर देशभरका सबै सञ्चारमाध्यमहरू रंगिए, त्यसबाट यो स्टन्ट के उद्देश्यका लागि गरिएको हो भन्नेकुरा स्पष्ट भएको स्थिति छ ।

मैले यो विषयमा कुरा उठ्नेबित्तिकै मेरो भाइमाथिको अनुसन्धान सुरु हुनेबित्तिकै दलको बैठकमा आफ्ना संक्षिप्त कुराहरू राखेँ । जुन पब्लिकली बाहिर आए । ममाथिको अनुसन्धानको कुरा चल्नेबित्तिकै मैले रोस्ट्रममा उभिएर देशको नीति, निर्माण गर्ने, ऐन कानुन बनाउने र सरकारै पनि बनाउने सबैभन्दा महत्त्वपूर्ण फोरममै निर्वाचित प्रतिनिधिसभाको सदस्यको हैसियतले आफ्ना कुराहरू राखेँ ।

मलाई यहाँ आउन मौखिक रूपमा जानकारी गराइयो, म एउटा जिम्मेवार व्यक्ति, जिम्मेवार राजनीतिकर्मी भएको हैसियतले म यहाँ सहयोग गर्न उपस्थित भएँ ।

४२ वर्षअघि बाँसबारीजस्तो अनकन्टार ठाउँको कौडीको भाउमा पनि नबिक्ने जग्गालाई आधार बनाई एउटा त्यो बेलामा पब्लिक प्राइभेट पार्टनरसिपको एउटा उत्कृष्ट मोडलको रूपमा खडा गरिएको एउटा नवीनतम सोचलाई जुन किसिमबाट राजनीतीकरण गरियो, त्यो अत्यन्त दुःखलाग्दो छ ।

४२ वर्षअघिको १० रोपनी बाँसबारीको जग्गाको मूल्य कति नै पर्दथ्यो होला भन्ने कुरा सबैले बुझेका छन्, नेपालभर । यो देशकै एकमात्र हजारौँ रोपानीको निजी औद्योगिक ग्राम स्थापना गर्ने रूपले मुलुकभर नै विभिन्न विगत १४० वर्षदेखि र अझ व्यवस्थित रूपले ८० वर्षदेखि सम्पूर्ण देशभर नै र हाम्रो विभिन्न परियोजना गर्ने रूपले यो १० रोपनी जग्गाको बारेमा कुनै पनि प्रकारको कुदृष्टि राख्छ भनेर सोच्नु नै एउटा विकृत मानसिकताको उपजबाहेक केही पनि होइन ।

मैले मेरो आफ्नो ४५ वर्षको लामो अभियानमा एउटा उद्यमीको हैसियतले, एउटा उद्योग वाणिज्य महासंघ र नेपाल उद्योग परिसंघको अध्यक्षको हैसियतले, एउटा विचार र राजनीतिक कर्मीको हैसियतले मैले जहिले पनि विकासको राजनीति गरेँ । मैले कहिले पनि दलगत राजनीतिको पक्षमा अकारण र गलत प्रवृत्तिलाई कहिले पनि दलहरूका बीचका आपसी मतभेद, जोडघटाउमा सरिक भइनँ ।

त्यस हिसाबले आफूलाई प्रोफेसन र विकासप्रेमीको हैसियतले फोरममा उभ्याएँ । तर, आज यो इस्युमा भने राजनीति गर्ने, राजनीतीकरण गर्ने, उद्यमलाई राजनीति गर्ने, एउटा उद्यमीलाई राजनीतीकरण गर्ने, लगानीकर्ता र ट्याक्सपेयरलाई राजनीतीकरण गर्ने कुरा स्पष्टसँग देखियो ।

अहिले अत्यन्त कठिन परिस्थिति भएर गुज्रिरहेको नेपाल आर्थिक दृष्टिकोणबाट यी कुराहरू रोज आउने गर्दछन् । यो बेलामा मजत्तिको मान्छेले यहाँ उभिएर यो कुरा भनिरहँदाखेरि नेपालभरका र विश्वभर रहेका नेपालका युवाहरूले, नेपालका उद्यमीहरूले रोजगारदाताहरूले, करदाताहरूले कुन सन्देश आफ्नो मनमा लिएर जाने हो भन्ने कुराको हेक्का राज्यले राख्नुपर्ने हो ।

मैले अब ४५ वर्षको आफ्नो यात्रापछि मेरो आफ्नो चरित्रको सर्टिफिकेट कसैलाई बुझाउनु पर्दैन, त्यो पनि खासगरीकन स्टन्ट गर्नेहरूलाई ।

म फेरि पनि यस्ता प्रकारका गतिविधिबाट निजी क्षेत्रलाई, उद्यमीलाई, लगानी कर्तालाई विशुद्ध राखिनुपर्दछ, राजनीतिका आफ्ना फोरम छन्, आफ्ना तरिका छन्, म पनि नवलपरासी पश्चिमबाट विकासको फर्ममा म प्रत्यक्ष निर्वाचित सांसद हुँ, यी दुई कुरालाई कहिल्यै जोडेको छैन र भोलिका दिनमा पनि गर्नेछैन ।

सीआईबीले सांसद चौधरीमाथि अनुसन्धान भइरहेको जानकारीसहितको पत्र सभामुख देवराज घिमिरेलाई पठाएको एक दिनपछि उनको बयान लिइएको हो । उनी आज बिहान सरकारी वकिलको कार्यालयमा उपस्थित भएका थिए ।

०००

बाँसबारी छालाजुत्ता कारखानाको १० रोपनी सरकारी जग्गा हिनामिना गरेको प्रकरणमा सीआईबीले अनुसन्धान गरिरहेको छ । यसअघि यही प्रकरणमा विनोदका भाइसमेत रहेका अरुण चौधरीसहित कारखानाका तत्कालीन प्रमुख अजितनारायण सिंह थापा र सञ्जय ठाकुरलाई प्रहरीले पक्राउ गरेको थियो ।

उनीहरूलाई १८ माघमा पक्राउ गरेर अनुसन्धान अघि बढाए पनि अदालतको आदेशपछि उनीहरू रिहा भएका थिए ।

प्रकाशित मिति: बिहीबार, चैत ८, २०८० १०:२६

शिलापत्र संवाददाता

प्रतिक्रिया दिनुहोस्

भर्खरै

कांग्रेसको प्रभाव क्षेत्रमै सुहाङलाई ११ सय ५५ मतको अग्रता, तेस्रो स्थानका लागि थेगिम र लिम्बूको प्रतिस्पर्धा

रेडक्रसको भ्रष्टाचार छानबिन गर्न बन्यो छानबिन समिति, दीर्घकालीन महत्वका निर्णय गर्न रोक

इराकमा समलिङ्गी सम्बन्धलाई अपराध मान्ने विधेयक पारित, १५ वर्ष जेल हुन सक्ने

लगानी सम्मेलनबारे के भन्छन् स्वदेशी उद्यमी व्यवसायी ?

बझाङमा एमालेका दमन भण्डारी निरन्तर अगाडि

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै