आफूलाई स्तन क्यान्सर भएको खुलासा गर्दै हलिउड अभिनेत्री ओलिभिया मुनले भनिन्- म दुईपल्ट रोएँ

आफूलाई स्तन क्यान्सर भएको खुलासा गर्दै हलिउड अभिनेत्री ओलिभिया मुनले भनिन्- म दुईपल्ट रोएँ

A+ A A-

हलिउड अभिनेत्री ओलिभिया मुनले आफूलाई स्तन क्यान्सर भएको खुलासा गरेकी छन् । थाहा पाएलगत्तै आफूले सर्जरी र उपचार गराएको उनको भनाइ छ ।

४३ वर्षीया अभिनेत्रीले अस्पतालमा लिइएका तस्वीर र भिडियो क्लिपसँगै सोसल मिडियामा एक पोस्ट शेयर गरेर यसबारे जानकारी दिएकी हुन् । उनी एक सन्तानकी आमा हुन् ।

आफ्ना शुभेच्छुकलाई उनले भनेकी छन्, ‘मलाई स्तन क्यान्सर भएको थाहा भयो । मलाई आशा छ, मैले यस कुरा खुलाउँदा अन्य बिरामीलाई आफ्नो यात्रामा राहत, प्रेरणा र समर्थन पाउन मद्दत पुग्ने छ ।’

मुनले आफ्नो उपचारबारे पनि विस्तारमा बताएकी छन् । उनका अनुसार, डबल मास्टेक्टमीसहित उनको चार अपरेसन भइसकेको छ । लेखेकी छन्, ‘शय्यामा मैले बिताएका दिनहरू गनिसाध्य छैनन् ।’

यद्यपि, ल्युमिनल बी क्यान्सर (दुवै स्तनमा तीव्रताका साथ बढ्ने क्यान्सर) को तत्काल उपचारले आफ्नो ज्यान बताएको उनले बताइन् ।

सप्ताहान्तमा उनका साथी हास्य अभिनेता जोन मुलैनीसँग् अस्करमा सहभागी भएकी उनले फेब्रुअरी २०२३ मा क्यान्सरको जिनका लागि आनुवंशिक परीक्षण गराएको बताइन् । तर परिणाम नकारात्मक थियो । उनको नियमित मेमोग्राम पनि भयो तर दुई महिनापछि उनलाई क्यान्सर भएको थाहा भयो ।

उनले लेखेकी छन्, ‘म भाग्यमानी हुँ । हामीले यसलाई पर्याप्त समय लिएर बुझ्ने मौका पायौँ किनकि मसँग विकल्प थियो । म कुनै पनि महिलाका लागि यस्तै होस् भन्ने चाहन्छु, जसले एक दिन यसको सामना गर्नुपर्ने हुनसक्छ ।’

‘द डेली शो’ र ‘द न्युजरुम’सँगै एक्स-मेनः एपोकेलिप्सबाट प्रसिद्ध अमेरिकी स्टार मुनले १० महिनापहिले क्यान्सर निको भएपछि आफू दुईपल्ट रोएको बताइन् ।

भनिन्, ‘त्यो रुने समय थियो भन्ने कुरा मलाई महसुस नै नभएको लाग्छ । मेरो ध्यान संकुचित भयो र मैले महसुस गरिरहेका ती सबै भावनाहरूलाई अगाडि राखेँ, जसले प्रस्ट रहने मेरो क्षमतामा बाधा उत्पन्न गर्दैछन् ।’

त्यो बेलासम्म आफूले झेलिरहेका समस्यालाई उनले गोप्य नै राखिन् । ‘किनभने यो कुरा सार्वजनिक गर्नुअघि मैले आफ्नो सास सम्हाल्नुपर्ने थियो । अनि सबैभन्दा कठिन पलको सामना गर्नुपर्ने थियो’, अभिनेत्रीले लेखेकी छन् ।

डाक्टरले स्तन क्यान्सरको जोखिम परीक्षण गर्ने निर्णय गरेपछि उनी जोगिन सफल भइन् । यसको अर्थ, मुनले नियमित चेकअप गराएकी हुन्थिन् भने धेरै पहिला रोगबारे थाहा हुने थियो ।

आफ्नो रेखदेख गर्ने डाक्टरसँगै साथी र परिवारलाई उनले संकटमा आफूलाई प्रेम दिएकोमा धन्यवाद दिइन् ।