'डियर कमरेड' जोडीको चर्चा: साँच्चै रिलेसनमा छन् रश्मिका र विजय ?

A+ A A-

विजय देवरकोन्डा र रश्मिका बन्दना सम्बन्धमा रहेको चर्चा बेलाबखत हुने गरेको छ । यस्तोमा रश्मिका आफैँले सोसल मिडियामा विजयको क्याप लगाएको तस्वीर शेयर गरेकी छन् ।

नारी दिवसको दिन उनले आफ्नो इन्स्टाग्राम अकाउन्टमा उक्त तस्वीर सार्वजनिक गरेकी हुन् । तस्वीरमा उनी नीलो स्विटर र पिंक वुलेन क्यापमा देखिन्छिन् । फोटो हेरेपछि उनका फ्यान्सले अनुमान लगाउन सुरु गरेका थिए ।

खासमा त्यस्तै खालको पिंक वुलेन क्यापमा विजय गत वर्ष न्युयोर्कमा देखिएका थिए । रश्मिकाले आफ्नो तस्वीर शेयर गर्दै क्याप्सन लेखेकी छन्, ‘मेरा सबै प्यारा महिलालाई नारी दिवसको शुभकामना । महिला हुनु कुनै वरदानभन्दा कम होइन– यो कुरा सधैँ याद राख्नुहोस् ।’

रश्मिकाको यस पोस्टमा प्रयोगकर्ताले पनि आफ्नो रियाक्सन दिएका छन् । एक जनाले लेखेका छन्, ‘यो विजय देवरकोन्डाको टोपी हो ।’

अर्का प्रयोगकर्ताले ‘विजय देवरकोन्डाको क्याप रश्मिकाले लगाइछन्’ भनेर लेखेका छन् ।

भारतीय मिडियाका अनुसार, विजय र रश्मिका आपसमा सम्बन्धमा छन् । उनीहरू भ्याकेसन मनाउन बाहिर पनि जान्छन् । उनीहरू हालै मात्र भियतनाम ट्रिपमा गएको चर्चा भारतीय मिडियामा भएको थियो । उनीहरूले गत वर्ष सँगै दिपावली मनाएका थिए । हालै मात्र रश्मिका, विजयको हुडीमा पनि देखिएकी थिइन् । यद्यपि, दुवैले सधैँ एकअर्कालाई असल साथी मात्र भएको बताउँदै आएका छन् ।

विजय र रश्मिकाले सन् २०१८ मा रिलिज भएको फिल्म ‘गीता गोविन्दम’ मा पहिलोपल्ट सँगै काम गरेका थिए । दुवैको केमिस्ट्रीलाई धेरै रुचाइएको थियो । त्यसपछि सन् २०१९ मा रिलिज भएको फिल्म ‘डियर कमरेड’ मा पनि उनीहरू एकसाथ देखिए । उक्त फिल्मको सेटबाटै उनीहरूबीच सम्बन्धको हल्ला फैलिएको थियो । यद्यपि, दुवै कलाकारले यसबारे खुलेर कुरा गरेनन् ।

वर्कफ्रन्टमा रश्मिकाको पछिल्लो फिल्म ‘एनिमल’ थियो, जसले ग्लोबल्ली ९०० करोड रुपैयाँको व्यापार गरेको छ । ‘पुष्पा २’, ‘छावा’, ‘रेनबो’ र ‘द गर्लफ्रेण्ड’ उनका आउँदा फिल्म हुन् ।

प्रकाशित मिति: बुधबार, फागुन ३०, २०८० १५:४९