डीएभी कलेजको 'दोस्रो बीसीए अन्तरकलेज फुटसल कप', विजेता जनमैत्री कलेजले पायो डेढ लाख नगद र ट्रफी

डीएभी कलेजको 'दोस्रो बीसीए अन्तरकलेज फुटसल कप', विजेता जनमैत्री कलेजले पायो डेढ लाख नगद र ट्रफी

A+ A A-

ललितपुरस्थित डीएभी कलेजले दोस्रो बीसीए अन्तर–कलेज फुटसल कप फागुन २५ देखि २७ गतेसम्म भव्य रूपमा सम्पन्न गरेको छ । डीएभी कलेजकै फुटसल ग्राउन्डमा आयोजना गरिएको उक्त टुर्नामेन्टमा काठमाडौं, ललितपुर र भक्तपुर जिल्लाका बीसीए कलेजसम्बद्ध २७ टिमको सहभागिता थियो ।

टुर्नामेन्टको उद्घाटनसत्रमा राष्ट्रिय टिमका पूर्वकप्तान राजुकाजी शाक्य, डीएभी कलेजका अध्यक्ष अनिल केडिया, डीएभी कलेजका चिफ एकेडेमिक एड्भाइजर एसोसिएट प्रोफेसर मनोजकुमार चौधरी, केडिया अर्गनाइजेसनका मिडिया एन्ड कर्पोरेट हेड राजकुमार शाह, एमबीए कलेजका कोअर्डिनेटर राजेश चौधरी र बीसीए कलेजका प्रोग्राम कोअर्डिनेटर शशिभूषण चतुर्वेदीको उपस्थित रहेको थियो ।

उद्घाटनसत्रमा सहभागी कलेजहरूका प्रतिनिधि शिक्षक र कर्मचारीहरूसमेत उपस्थित भई खेलमा थप रौनकता प्रदान गरेका थिए ।

बीसीए कलेजहरूबीच नेपालमै प्रथमपटक आयोजना गरिएको बीसीए कप मेन्स इन्टरकलेज फुटसल टुर्नामेन्टलाई निरन्तरता दिँदै दोस्रो संकरण आयोजना गरिएको डीएभी कलेजले जनाएको छ ।

BCA Cup (1)1710156169.JPG

यस वर्ष जनमैत्री कलेजले डीएभी बीसीए अन्तर–कलेज कप र नगद पुरस्कार १ लाख ५० हजार रुपैयाँ हात पार्‍यो । त्यसैगरी, रनर–अप स्थान हासिल गर्दै सरस्वती बहुमुखी क्याम्पसले ७५ हजार रुपैयाँसहित रनर–अप ट्रफी हात पार्‍यो ।

उक्त प्रतियोगितामा सरस्वती बहुमुखी क्याम्पसका अन्जन मगरले बेस्ट प्लेयर अवार्ड हात पारे । साथै, जनमैत्री कलेजका खेलाडीद्वय सनम श्रेष्ठले बेस्ट गोलकिपर अवार्ड र निखिल ‘गोले’ लामाले बेस्ट स्कोर अवार्ड जित्न सफल भए ।

विजेता र उपविजेता दुवै टोलीलाई मेडलसहित मेरिट सर्टिफिकेट र गिफ्ट ह्याम्परद्वारासमेत सम्मान गरिएको थियो । सम्मान समारोहमा अध्यक्ष अनिल केडिया, नेपाल टेलिभिजनका पूर्वअध्यक्ष सीताराम अग्रवाललगायत कलेजका प्रतिनिधिहरूको सहभागिता थियो ।

टुर्नामेन्टलाई भव्य एवं सभ्य रूपमा सम्पन्न गर्न एन्फा आबद्ध रेफ्रीद्वय उज्ज्वल लिम्बू र शुक्रराज घलेको उल्लेखनीय योगदान रहेको थियो ।

BCA Cup (3)1710156188.JPG

टुर्नामेन्ट अवधिभर सहभागी कलेजका विद्यार्थी र शिक्षकहरू गरी करिब ५ हजार दर्शकको उपस्थिति थियो । उक्त प्रतियोगिता वीज्जीडीएभी इभेन्ट क्लबको आयोजना र डीएभी कलेजको समर्थनमा सञ्चालन गरिएको हो ।

टुर्नामेन्टको सञ्चालन विभागीय प्रमुख सुदिप अधिकारी, वीज्जीडीएभी इभेन्ट क्लबका प्रेसिडेन्ट दीपेश शाक्य र भाइस–प्रेसिडेन्ट रहिता शाक्यले गरेका थिए ।

प्रकाशित मिति: सोमबार, फागुन २८, २०८० १७:२२