विश्व सामाजिक मञ्चको १६औँ विश्व भेलामार्फत अक्सफामले उठान गरेका मुद्दा

A+ A A-

'अर्को विश्व सम्भव छ’ भन्ने नाराका साथ काठमाडाैंको भृकुटीमण्डपमा आयोजित विश्व सामाजिक मञ्चको १६औँ सम्मेलनमार्फत अन्तर्राष्ट्रिय संस्था अक्सफामले आर्थिक असमानता, जलवायु परिवर्तन तथा लैङ्गिक असमानताका मुद्दालाई उठान गरेको छ ।

अक्सफामका रिजनल पोलेसी एण्ड क्याम्पियन कोअडिनेटर सुनिल आचार्यका अनुसार, सम्मेलनमा अक्सफामले नवउदारवाद, भूमण्डलीकरण, पुँजीवाद, जलवायु संकट, छुवाछुत तथा रंगभेद, लैंगिकता तथा यौनिकताका आधारमा हुने हिंसा तथा विभेदविरुद्ध छलफल, बहस तथा विद्यमान समस्याको विकल्पसमेत प्रस्तुत गरेको छ ।

मूलतः विश्वमा विद्यमान आर्थिक असमानता र आर्थिक न्याय श्रम, आप्रवासन, दासत्व र मानव बेचविखन, जात, काम र वंशमा आधारित भेदभाव, जाति, जातीयता, आदिवासी, छुवाछुत र सबै प्रकारका भेदभाव, लिङ्ग, लैङ्गिकता, लैंगिक हिंसा र पहिचानस् भूमि, कृषि, खाद्य सम्प्रभूता, पारिस्थितिकीय कृषि, ऊर्जा र प्राकृतिक स्रोत शान्ति, द्वन्द्व, युद्ध, अधिग्रहण, विस्थापन र सुरक्षा शिक्षा, कला र संस्कृति, संचार, सामाजिक सञ्जाल र जलवायु, पर्यावरण, न्यायोचित रुपान्तरण, वासस्थान र दिगो विकास महिला, बालबालिका, युवा, बृद्धबृद्धा र अपाङ्गता भएका व्यक्तिहरू र सामाजिक आन्दोलन, नागरिकको स्थान जस्ता विषयको उठानमा अक्सफाम केन्द्रित भएको सुनिलले बताए।

विश्वको आधा जनसंख्या ओगटेका महिला तथा बालिकाहरूमाथि हुने हिंसा र सबै खाले विभेदविरुद्ध आवाज उठाउँदै विश्व सामाजिक फोरमले विश्वभर सन् २००१ देखि ‘अर्को विश्व सम्भव छ’ नाराका साथ सम्मेलन आयोजना गर्दै आएको छ । सामाजिक तथा जलवायु न्याय, मानवअधिकार, समानता, वातावरण संरक्षण तथा दिगो शान्ति कायमका लागि दबाब सिर्जना गर्ने उद्देश्यले विश्वव्यापी रूपमा आयोजना हुँदै आएको विश्व सामाजिक मञ्चको सम्मेलन काठमाडौंको भृकुटीमण्डपमा पाँच दिनसम्म ९१५(१९ फेब्रुअरी २०२४० चलेको थियो।

सम्मेलनमा विश्वका ९२ देशका विभिन्न सामाजिक आन्दोलनका अभियन्ता र प्रतिनिधि सहभागिता थियो । सम्मेलनका क्रममा १३ वटा मुख्य विधामा आधारित भएर बिभिन्न कार्यक्रमहरू सञ्चालन भएका थिए । अक्सफाम संसारभरका ८१ देशहरूमा साझेदारहरू र स्थानीय समुदायहरूसँग मिलेर काम गर्ने २१ संस्थाहरूको अन्तर्राष्ट्रिय महासंघ हो ।

अक्सफामले नेपालमा सन् १९८० को दशकको सुरुदेखि नै जनसंख्या, विशेषगरी महिला र अन्य सामाजिक तथा आर्थिक रूपमा बहिष्कृत समूहहरूले भोग्नुपरेको गरिबी र अन्यायलाई सम्बोधन गर्ने विभिन्न विकास पहलहरू गर्दै आएको छ । गरिबी विनाको न्यायपूर्ण समाज निर्माणको लक्ष्यसहित अक्सफामले नेपालमा काम गरिरहेको छ । अक्सफाम यस्तो समाजको निर्माण गर्न चाहन्छ, जहाँ सबै पुरुष तथा महिलाहरूले आफ्नो अधिकार र जिम्मेवारी सक्रिय नागरिकको रूपमा वहन गर्दै सम्मानित जीवन जिउन सकून् ।

प्रकाशित मिति: सोमबार, फागुन २८, २०८० १६:२६