बुद्ध एयरको जनकपुर–काठमाडौं कनेक्सनः असोजमा मात्रै ४७ उडान ‘डिले’ (सूचीसहित)

बुद्ध एयरको जनकपुर–काठमाडौं कनेक्सनः असोजमा मात्रै ४७ उडान ‘डिले’ (सूचीसहित)

A+ A A-

राष्ट्रिय जनता पार्टीका सांसद प्रमोदकुमार साहले जनकपुर एयरपोर्ट र बुद्ध एयरको काउण्टरमा तोडफोड गरेपछि सांसदको आलोचनासँगै बुद्ध एयरले दिने सेवामा समेत बहस सुरू भएको छ ।

जनकपुर विमानस्थल स्राेतले उपलब्ध गराएको तथ्यांकअनुसार बुद्ध एयर सधैं ढिला उडान भर्ने विमानमा पर्छ । यात्रीहरूका अनुसार विमान ढिलो हुनुकाे कारण बुद्ध एयरका कर्मचारीसँगकाे विवाद हो ।

जनकपुरधाममा बुद्ध एयरले दैनिक तीनवटा उडान भर्छ । जनकपुर विमानस्थल कार्यालयका अनुसार असोज महिनामा बुद्ध एयरले दुई दिन मात्रै समयमा उडान गरेको छ ।

२२ र २५ असोजबाहेक एक दिन पनि समयमा विमान नआएको विमानस्थलका कर्मचारीहरूले बताएका छन् । असोज महिनाको १५, १६, १७, १८, २४ र २६ गते पहिलो फ्लाइट मात्रै समयमा आएको छ । विमान आधा घण्टादेखि साढे ३ घण्टासम्म ढिलो हुने गरेको छ ।

विमानको लापरबाहीका कारण कतिपय यात्रु बीपी राजमार्गबाटै काठमाडौं जान थालेका छन् । ‘तीन घण्टा एयरपोर्टमा प्रतीक्षा गर्नुभन्दा ६ घण्टामा गाडीबाट काठमाडौ जानु उत्तम विकल्प हो,’ जनकपुरधाम–२ का मुकेश साह भन्छन् ।

असोजमा बुद्ध एयर

असोज १ पहिलो उडान पौने ३ घण्टा र दोस्रो डेढ घण्टा ढिला ।
असोज २ पहिलो उडान डेढ घण्टा र दोस्रो ३ घण्टा ढिला ।
असोज ३ पहिलो उडान डेढ घण्टा र दोस्रो ३ घण्टा ढिला ।
असोज ४ पहिलो उडान आधा घण्टा र दोस्रो डेढ घण्टा ढिला ।
असोज ५ पहिलो र दोस्रो दुवै उडान १–१ घण्टा ढिला ।
असोज ६ पहिलो उडान २ घण्टा र दोस्रो १ घण्टा ढिला ।
असोज ७ पहिलो उडान २ घण्टा र दोस्रो ३ घण्टा ढिला ।
असोज ८ पहिलो उडान २ घण्टा र दोस्रो ३ घण्टा ढिला ।
असोज ९ पहिलो उडान डेढ घण्टा र दोस्रो २ घण्टा ढिला ।
असोज १० पहिलो उडान आधा घण्टा र दोस्रो ३ घण्टा ढिला ।
असोज ११ पहिलो उडान आधा घण्टा र दोस्रो ३ घण्टा ढिला ।
असोज १२ पहिलो उडान आधा घण्टा र दोस्रो साढे २ घण्टा ढिला ।
असोज १३ पहिलो उडान पौने ३ घण्टा ढिला, दोस्रो समयमै ।
असोज १४ पहिलो र दोस्रो दुवै उडान १–१ घण्टा ढिला ।
असोज १५ पहिलो उडान समयमै र दोस्रो उडान ३ घण्टा ढिला ।
असोज १६ पहिलो उडान समयमै र दोस्रो उडान १ घण्टा ढिला ।
असोज १७ पहिलो उडान समयमै र दोस्रो उडान १ घण्टा ढिला ।
असोज १८ पहिलो उडान समयमै र दोस्रो आधा घण्टा ढिला ।
असोज १९ पहिलो उडान १ घण्टा र दोस्रो ४० मिनेट ढिला ।
असोज २० पहिलो र दोस्रो दुवै समयमा ।
असोज २१ पहिलो उडान ४० मिनेट र दोस्रो आधा घण्टा ढिला ।
असोज २२ पहिलो र दोस्रो दुवै समयमा ।
असोज २३ पहिलो उडान समयमै र दोस्रोे डेढ घण्टा ढिला ।
असोज २४ पहिलो उडान समयमै र दोस्रो १ घण्टा ढिला ।
असोज २५ दुई उडान समयमै तेस्रो स्थगित ।
असोज २६ पहिलो समयमा, दोस्रो र तेस्रो उडान स्थगित (सी चिनफिङको भ्रमण) ।
असोज २७ पहिलो उडान २५ मिनेट, दोस्रो १५ मिनेट, तेस्रो २ घण्टा ३४ मिनेट, चौंथो ४० मिनेट र पाचौं ३० मिनेट ढिला । (सीको भ्रमणका कारण २६ गते स्थगित भएका उडानहरू पनि थपिएको)
असोज २८ पहिलो २ घण्टा २४ मिनेट, दोस्रो ३ घण्टा ४५ मिनेट ढिला ।
असोज २९ पहिलो २ घण्टा ५० मिनेट, दोस्रो ३ घण्टा ढिला ।