चितवनमा गल्फ लुब्रिकेन्ट्सको ‘रिटेलर तथा प्राइभेट ग्यारेज पीजीएम मिट’ सम्पन्न

चितवनमा गल्फ लुब्रिकेन्ट्सको ‘रिटेलर तथा प्राइभेट ग्यारेज पीजीएम मिट’ सम्पन्न

A+ A A-

नेपाल ल्युब आयल लिमिटेडले चितवनमा ‘रिटेलर तथा प्राइभेट ग्यारेज पीजीएम मिट’ सम्पन्न गरेको छ । सो भेटघाट कार्यक्रममा गल्फ लुब्रिकेन्ट्सका रिटेलरहरू तथा प्राइभेट ग्यारेज मेकानिक्सहरूको उपस्थिति रहेको थियो ।

भेटघाट तथा छलफल कार्यक्रम नेपाल ल्युब आयल लिमिटेडको चितवनका लागि आधिकारिक डिलर आशीर्वाद अटो ट्रेडिङको सहकार्यमा आयोजना गरिएको कम्पनीले जनाएको छ ।

आशीर्वाद अटो ट्रेडिङका प्रबन्धक सुवास कँडेलको अध्यक्षतामा सम्पन्न कार्यक्रमको प्रमुख अतिथि नेपाल अटो मोबाइल्स डिलर्स एसोसिएसन (नाडा) का बागमती प्रदेश प्रमुख एवं चितवन अटो मोबाइल एसोसिएसनका अध्यक्ष कुलबहादुर क्षेत्री थिए । नेपाल ल्युब आयल लिमिटेडका उपमहाप्रबन्धक दिवाकर मिश्रसहित नेपाल ल्युब आयल लिमिटेडको सेल्स तथा मार्केटिङ टिमको पनि कार्यक्रममा उपस्थिति थियो ।

कार्यक्रममा बोल्दै नेपाल ल्युब आयल लिमिटेडका उपमहाप्रबन्धक दिवाकर मिश्रले भने, ‘यो भेटघाट कार्यक्रम हाम्रा लागि निकै महत्त्वपूर्ण छ । यो कार्यक्रम हामी देशभरि सञ्चालन गर्दै आएका छौँ । यो कार्यक्रमको मुख्य उद्देश्य भनेको विभिन्न क्षेत्रमा रहेका रिटेलर तथा प्राइभेट ग्यारेज मेकानिक्सहरूसँग प्रत्यक्ष भेटघाट गरी उहाँहरूको सल्लाह र सुझाव लिई, त्येहीअनुरुप रिटेलर तथा प्राइभेट ग्यारेज मेकानिक्स मैत्री नीति बनाउनु हो ।’

त्यसैगरी, नेपाल ल्युब आयल लिमिटेडका एसिस्टेन्ट म्यानेजर राजन रावलले गल्फका विभिन्न उत्पादनहरूका बारेमा जानकारी गराए । उनले नेपाल ल्युब आयलको अटोमोबाइलदेखि उद्योगहरूमा प्रयोग हुने सबै सेग्मेन्ट्स र ग्रेडका लुब्रिकेन्ट्स, ग्रीजका बारेमा विस्तृतमा जानकारी गराए । उनले नेपाल ल्युब आयलले बिक्री गरिरहेको ब्याट्रीका बारेमा पनि प्रस्तुतीकरण दिएका थिए ।

चितवन अटो मोबाइल एसोसिएसनका निवर्तमान अध्यक्ष कृष्ण काफ्ले, चितवन अटो मोबाइल एसोसिएसनका पूर्वअध्यक्ष कृष्णप्रसाद भण्डारी एवं चितवन अटो मेकानिकल व्यवसायी संघका अध्यक्ष रामबहादुर तिमिल्सिनालगायतले आआफ्ना मन्तव्य राखेका थिए ।

कार्यक्रममा लुब्रिकेन्ट्स बिक्रीमा उत्कृष्ट प्रदर्शन गर्ने रिटेलर एवं मेकानिकहरूलाई हौसलास्वरुप सम्मानसमेत गरियो ।

फ्युल रिटेल र लुब्रिकेन्टको क्षत्रमा गल्फ विश्वमै परिचित ब्रान्ड हो र यसले अटोमोटिभदेखि इन्डस्ट्रियल सेक्टरसम्मका उत्पादन उपलब्ध गराउँछ । नेपालमा गल्फ ब्रान्ड विगत ३८ वर्षदेखि लगातार ग्राहकवर्गको रोजाइमा पर्दै आएको छ ।

प्रकाशित मिति: आइतबार, फागुन १३, २०८० १५:२५