नेपालले गुमायो सातौँ विकेट, ६६ रन बनाएका भुर्तेल आउट

A+ A A-

नेदरल्यान्ड्सविरुद्ध १२२ रन बनाउँदा नेपालले सात विकेट गुमाएको छ । सातौँ विकेटका रूपमा ओपनर कुशल भुर्तेल आउट भएका हुन् । ९३ बलको सामना गरेका भुर्तेलले ८ चौकाको मद्दतले ६६ रन बनाएका थिए । उनलाई रोलेफ भान डेर मेर्वेले आउट गराएका हुन् ।

यसअघि ९४ रन बनाउँदा नेपालले छैटौँ विकेट गुमाएको थियो । नेपालको छैटौँ विकेटका रूपमा भीम सार्की आउट भएका थिए । ८ बलको सामना गरेका सार्की शून्य रनमा आउट भए । उनलाई बास डिलेडेले आउट गराएका हुन् ।

आईसीसी लिग-२ अन्तर्गत नेदरल्यान्ड्ससँगको जारी खेलमा नेपालले ९३ रन बनाउँदा पाँचौँ विकेट गुमाएको थियो । पाँचौँ विकेटका रूपमा दिपेन्द्रसिंह ऐरी आउट भएका हुन् । ११ बलको सामना गरेका ऐरी १ रन बनाउँदै २७.४ ओभरमा रनआउट भएका थिए ।

यसअघि नेपालको चौथो विकेटका रूपमा कप्तान रोहित पौडेल आउट भएका थिए । ४० बल खेलेका पौडेल १६ रन बनाउँदै आउट भएका हुन् । पौडेलको विकेट नेदरल्यान्डसका आर्यन दत्तले लिएका हुन् । नेपालले ८७ रन बनाउँदा चार विकेट गुमाएको थियो ।

त्यस्तै, ५४ रन बनाउँदा नेपालले तेस्रो विकेट गुमाएको थियो । तेस्रो विकेटका रूपमा कुशल मल्ल आउट भएका हुन् । मल्लको विकेट पनि दत्तले लिएका हुन् । ९ बलको सामना गरेका मल्ल २ रन जोड्दै पेभेलियन फर्किए ।

दोस्रो विकेटका रूपमा नेपालले ५० रन बनाउँदा अनिल साह आउट भएका थिए । ११ बलको सामना गरेका साहले १ छक्कासहित ७ रन बनाए । नेदरल्यान्ड्सका भिभियन किङ्ग्माले साहलाई आउट गराएका हुन् ।

नेपालको पहिलो विकेटका रूपमा आशिफ शेख आउट भएका थिए । शेख २७ बलको सामना गर्दै १७ रन बनाएर आउट भएका हुन् । शेखको विकेट पनि किङ्ग्माले नै लिएका हुन् ।

भुर्तेल आउट भएसँगै आरिफ शेखलाई साथ दिन गुल्सन झा क्रिजमा आएका छन् । नेपालमा जारी त्रिदेशीय सिरिजको आजको खेलमा नेदरल्यान्डसले टस जितेर फिल्डिङको निर्णय लिएपछि नेपालले पहिले ब्याटिङ गरेको हो ।

प्रकाशित मिति: आइतबार, फागुन १३, २०८० १२:०९