पाकिस्तानमा निर्वाचन धाँधलीबारे कमिसनर चट्टाले गरे सनसनीपूर्ण खुलासा, जितिसकेका स्वतन्त्रलाई हराइएको आरोप

पाकिस्तानमा निर्वाचन धाँधलीबारे कमिसनर चट्टाले गरे सनसनीपूर्ण खुलासा, जितिसकेका स्वतन्त्रलाई हराइएको आरोप

A+ A A-

पाकिस्तानको आमनिर्वाचनमा धाँधलीबारे रावलपिण्डी डिभिजनका कमिसनर लियाकत अली चट्टाले सनसनीपूर्ण खुलासा गरेका छन् ।

पाकिस्तान टुडेका अनुसार, स्वतन्त्र उम्मेदवारलाई हराएर अधिकारीहरूले दर्जनभन्दा बढी हारेका उम्मेदवारलाई जिताएको आरोप चट्टाले लगाएका हुन् । उनले आफूसमेत यो अपराधको दोषी भएको भन्दै सजायका लागि तयार रहेको बताएका छन् । उनलाई प्रहरीले गिरफ्तार गरिसकेको छ ।

स्वतन्त्रलाई हराउन रावलपिण्डी डिभिजनमा चुनावी परिणाम हेरफेर भएको उनको दाबी छ । उनले रावलपिण्डी क्रिकेट स्टेडियममा आयोजित पत्रकार सम्मेलनमा पिण्डी डिभिजनका १३ उम्मेदवारलाई जबर्जस्ती विजेता घोषित गरिएको खुलासा गरे ।

आफूहरूले हारेका उम्मेदवारको भोट ५० हजारभन्दा बढी बढाइदिएको चट्टाले स्वीकारे ।

आम निर्वाचनमा भएको धाँधलीमा प्रमुख निर्वाचन आयुक्त र प्रधानन्यायाधीशसमेत संलग्न रहेको उनको आरोप छ ।

उनले भने, ‘मैले रावलपिण्डी डिभिजनमा अन्याय गरेँ । आज नमाजपछि आत्महत्या गर्ने कोसिस गरेँ । तर फेरि सोचेँ, म यतिकै किन मरूँ ? सबै कुरा मानिसहरूसामु किन नराखूँ ।’

रावलपिण्डी डिभिजनमा भएको चुनावी धाँधलीको जिम्मेवारी स्वीकार गर्ने पनि उनले बताए ।

शहरमा विभिन्न विकास परियोजना सुरु गरे पनि आफूले देशको पिठ्युँमा छुरा घोपेर आफ्नो विरासतलाई धुमिल गरेकोप्रति उनले अफसोस पनि व्यक्त गरे ।

‘यसले मलाई राति निदाउन दिँदैन । होइन, म शान्तिपूर्ण मृत्यु चाहन्छु । मैले जे गरेँ, त्यसको सजाय मैले पाउनुपर्छ । मसँगै प्रमुख निर्वाचन आयुक्त र अन्य मानिसलाई पनि दण्डित गर्नुपर्छ’, उनले भने ।

उनले आफूमातहतका अधिकृतसँग माफी पनि मागेका छन् । उनीहरूलाई आफूले अपराध गर्न निर्देशन दिँदा उनीहरूले रुँदै यसो नगर्ने भनेका पनि चट्टाले सम्झिए ।

‘हामीले हारेका उम्मेदवारलाई नक्कली मोहर लगाएर ७० हजारभन्दा बढी दिएर स्वतन्त्र उम्मेदवारलाई हराइदियौँ । म सबै जिम्मेवारी स्वीकार गर्छु । मलाई फाँसी हुनुपर्छ । पाकिस्तानलाई नष्ट गर्न सक्ने त्यो अपराधको हिस्सा बन्न म चाहन्नँ,’ उनले भने ।

यद्यपि, सेनाले भने ‘सही तरिका’ले चुनाव गराएको उनले बताएको पाकिस्तान टुडेको समाचारमा उल्लेख छ ।

उनले पुनः चुनाव गराउन आवश्यक नरहेको भन्दै सबै फर्म ४५ जम्मा गरेमा परिणाम प्रस्ट हुने बताए ।

उनले रावलपिण्डीको उन्नतिका लागि आफूले गरेका प्रयासहरूको स्मरण गर्दै आफ्ना कुरा समाप्त गरे । ‘मैले रावलपिण्डीका लागि दैनिक १६ घण्टा काम गरेँ । रिङरोड, दधुचा बाँध, होली फेमिली हस्पिटल र रावलपिण्डी जिमखानाका निर्माण गराएँ । अहिले जुन धोका दिएँ, यो सहन सकिनँ,’ उनले भने ।

चट्टाले लगाएको धाँधली आरोपबारे छानबिन गर्न पाकिस्तानको निर्वाचन आयोगले उच्चस्तरीय समिति बनाउने निर्णय गरेको छ । चट्टाको आरोपपछि प्रमुख निर्वाचन आयुक्त सिकन्दर सुल्तान राजाले आयोगको आपत्कालीन बैठक डाकेका थिए ।

प्रकाशित मिति: आइतबार, फागुन ६, २०८० १२:३५

शिलापत्र संवाददाता

प्रतिक्रिया दिनुहोस्

भर्खरै

अत्यावश्यक इन्टरनेट सेवा अवरुद्ध गरिए कारबाही हुन्छ : दूरसञ्चार प्राधिकरण

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

खेलकुद ऐन संशोधन गरिँदै, अहिलेकै ऐन हुन सकेको छैन कार्यान्वयन

फेरि पनि बन्द हुन सक्छ इन्टरनेट, सरकार र इन्टरनेट सेवाप्रदायककाे सात वर्ष लामाे विवाद कहिले सल्टिएला ?

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?