ग्लोबल आईएमई बैंकको १० वर्षसम्मै ९.९९ प्रतिशत स्थिर ब्याजदर भएको विशेष घरकर्जा योजना सार्वजनिक

ग्लोबल आईएमई बैंकको १० वर्षसम्मै ९.९९ प्रतिशत स्थिर ब्याजदर भएको विशेष घरकर्जा योजना सार्वजनिक

A+ A A-

ग्लोबल आईएमई बैंक लिमिटेडले १० वर्ष अवधिका लागि ९.९९ प्रतिशत स्थिर ब्याजदर भएको विशेष घर कर्जा योजना सार्वजनिक गरेको छ । बैंकले अधिकतम १२ करोडसम्म कर्जा उपलब्ध हुने उक्त विशेष घर कर्जा योजना सार्वजनिक गरेको हो ।

बैंकले सस्तो तथा सरल किस्ताबन्दीमा घर निर्माण तथा खरिदलाई लक्षित गरी निश्चिन्त आवास योजना (घर कर्जा) सार्वजनिक गरेको हो । साथै, उक्त विशेष घर कर्जा योजनाअन्तर्गत अन्य बैंक वित्तीय संस्थाबाट कर्जा उपभोग गरिरहेकाहरूले सहज रूपमा कर्जा सार्नसमेत सक्ने बैंको भनाइ छ ।

बैंकका अनुसार, यस योजनाअन्तर्गत सेवाग्राहीले १० वर्षसम्मको अवधिका लागि ९.९९ प्रतिशत ब्याजदरमा, १० देखि १५ वर्षसम्मका लागि १०.४९ प्रतिशत र १५ वर्षभन्दा बढी अवधिका लागि १०.९९ प्रतिशतको स्थिर ब्याजदरमा १२ करोड रुपैयाँसम्म घर कर्जा लिन पाइनेछ ।

बैंकले ग्राहकलाई छिटो, छरितो एवं सहज रूपमा कर्जा प्रवाह गर्ने उद्देश्यका साथ आवश्यक कागजातहरू पेश गरेको दुई कार्य दिनभित्र कर्जा प्रवाह गरिसक्ने पनि जनाएको छ ।

ग्राहकहरूले यस योजनाको फाइदा देशभर रहेका यस बैंकका सबै शाखा कार्यालयहरूबाट लिन सक्नेछन् । यो योजना सीमित अवधिका लागि मात्र ल्याएको बैंकले जनाएको छ ।

ग्लोबल आईएमई बैंकले देशभर रहेका आफ्ना ३५६ शाखा कार्यालय, ३७८ एटीएम, २७४ शाखारहित बैंकिङ सेवा, ६५ एक्सटेन्सन तथा राजस्व संकलन काउन्टर तथा तीनवटा वैदेशिक प्रतिनिधि कार्यालयसमेत गरी १ हजार १ सयभन्दा बढी सेवा केन्द्रमार्फत ४५ लाखभन्दा बढी ग्राहकहरूलाई उच्चस्तरीय बैंकिङ सेवा प्रदान गर्दै आइरहेको छ ।

त्यसैगरी, बैंकले संयुक्त राज्य अमेरिका, संयुक्त अधिराज्य, क्यानडा, अस्ट्रेलिया, मलेसिया, दक्षिण कोरिया, जापान, साउदी अरेबिया, कतार, यूएई, बहराइन, कुवेत, भारत, जोर्डन, हङकङलगायत मुलुकबाट रेमिट्यान्स भित्र्याएर देशको अर्थ व्यवस्थामा महत्वपूर्ण योगदान पुर्‍याउँदै आइरहेको छ ।

प्रकाशित मिति: मंगलबार, फागुन १, २०८० १७:२१