छोरीको फिल्म ‘लालसलाम’ मा रजनीकान्तको पारिश्रमिक प्रतिमिनेट १ करोड

A+ A A-

रजनीकान्तका फ्यानहरू जहिल्यै उनको फिल्मको उत्सुकताका साथ प्रतीक्षा गर्छन् । उनको कुनै पनि फिल्म रिलिज हुनुअघि नै बज बनाइन्छ । 'लालसलाम'मा पनि यस्तै भएको छ ।

चलचित्रको टिजर रिलिज भएदेखि नै चलचित्रले सनसनी मच्चाएको थियो । रजनीकान्त लालसलाममा केमियो गर्दै देखिएका छन् । यो फिल्म रजनीकान्तकी छोरी ऐश्वर्याले निर्देशन गरेकी हुन् ।

उता, भारतीय सञ्चारमाध्यमलाई विश्वास गर्ने हो भने रजनीकान्तले यस फिल्ममा क्यामियो गर्नका लागि ठूलो पारिश्रमिक लिएका छन् । उनले सो रकम आफ्नै छोरीबाट लिएका हुन् ।

लालसलाममा रजनीकान्तको करिब ४० मिनेटको भूमिका छ । जसको लागि उनले प्रतिमिनेट शुल्क लिएका छन् । रजनीकान्तले फिल्ममा अभिनय मात्र गरेनन्, फिल्मको संवादमा पनि सहयोग गरेका थिए ।

फिल्म रिलिज भएको ४ दिन बितिसकेको छ भने फिल्मले १० करोड मात्रै कमाएको छ । प्रारम्भिक तथ्यांक हेर्दा चलचित्रले बजेटको सानो हिस्सा पनि उठाउन नसक्ने देखिन्छ । ट्रैकटलीवुड डटकमका अनुसार रजनीकान्तको फिल्ममा ३०–४० मिनेटको क्यामियो छ । जसका लागि उनले १ मिनेटको लागि १ करोड रुपैयाँ लिएका छन्, जसको अर्थ उनले करिब ४० करोड भारतीय रुपैयाँ पारिश्रमिक लिएका छन् ।

एआर रहमानले फिल्मको म्युजिक लञ्चमा पनि तमिल सुपरस्टारले संवादमा धेरै सहयोग गरेको बताएका थिए । इन्डियन एक्सप्रेसको रिपोर्टका अनुसार एआर रहमानले भनेका थिए, ‘जब ऐश्वर्याले उनलाई फिल्मको कथा सुनाइन्, उनले सोचे कि यो फिल्म बोरिङ हुनेछ । तर जब मैले यो फिल्म हेरे । मलाई निराशाजनक र प्रचार गर्ने सोचेका दृश्यहरू धेरै सावधानीपूर्वक ह्यान्डल गरिएका थिए र हृदयस्पर्शी थिए । त्यसपछि मैले उनलाई फिल्मको संवाद कसले लेखेको भनेर सोधेँ, उनले भने, ‘मैले लेखेँ र आप्पाले अलिकति परिवर्तन गरे ।'

लालसलामको कुरा गर्दा यो स्पोर्ट्स ड्रामा फिल्म हो, जसमा विष्णी र विक्रान्त मुख्य भूमिकामा देखिनेछन् । यो फिल्म गत फ्रेबुअरी ९ बाट हलमा रिलिज भएको छ । तर, कमाइ भने अपेक्षित रूपमा गर्न नसकेर निराश बनाएको अवस्था छ ।

प्रकाशित मिति: मंगलबार, फागुन १, २०८० ०८:३५