नेपालमै पहिलोपटक ४ लाख किमि वारेन्टी भएको उलिङ ईभी कमर्सियल भ्यान सार्वजनिक हुँदै

नेपालमै पहिलोपटक ४ लाख किमि वारेन्टी भएको उलिङ ईभी कमर्सियल भ्यान सार्वजनिक हुँदै

A+ A A-

सशिला मोटर्सले नेपालमै पहिलोपटक ८ वर्ष वा ४ लाख किमि वारेन्टी भएको उलिङ ईभी कमर्सियल भ्यान सार्वजनिक गर्ने भएको छ । त्यसका लागि सशिला मोटर्स प्रालिले विश्वप्रसिद्ध ईभी उत्पादक उलिङ मोटर्स होल्डिङ लिमिटेडसँग नेपालका लागि आधिकारिक वितरकको रूपमा सम्झौता गरेको छ ।

उक्त सम्झौतामा सशिला मोटर्सका प्रबन्ध निर्देशक सन्तोष खतिवडा र उलिङ मोटर्स होल्डिङ लिमिटेडका बोर्ड अध्यक्ष युवान जिजुनले हस्ताक्षर गरेका छन् । उक्त सम्झौतासँगै अब सशिला मोटर्सले आगामी अप्रिलमा नेपाली बजारमा उलिङको ११ सिटर ईभी भ्यानहरू सार्वजनिक गर्ने जानकारी गराएको छ ।

साथै, यो सम्झौतासँगै अब सशिला मोटर्स प्रालि उलिङ मोटर्सबाट उत्पादित इलेक्ट्रिक कमर्सियल भ्यान तथा अन्य कमर्सियल गाडीहरूका लागि एक मात्र आधिकारक वितरक बनेको छ ।

Sasheela (2)1707381413.jpg नेपालमा सार्वजनिक गर्न लागिएको ११ सिट क्षमताको ईभी भ्यान वातावरणमैत्री तथा प्यासेन्जर ढुवानी व्यवसायका लागि अत्यन्तै उत्कृष्ट हुने कम्पनीको दाबी छ । साथै, ईभी भ्यानहरूमध्ये ग्राहकहरूको पहिलो रोजाइमा स्थान बनाउन सफल हुने कम्पनीको विश्वास छ । नेपालको यातायात क्षेत्र विद्युतीकरणमा रूपान्तरण हुँदै गइरहेको वर्तमान परिप्रेक्ष्यमा आरामदायी उलिङ ईभी कोसेढुङ्गा सावित हुने अपेक्षा गरिएको छ भने कार्बन उत्सर्जनमा कमी ल्याउनमा पनि महत्त्वपूर्ण योगदान पुग्ने बताइएको छ ।

उलिङ ईभी भ्यान आगामी अप्रिलबाट नेपाली बजारमा उपलब्ध गराइने कम्पनीका प्रबन्ध निर्देशक सन्तोष खतिवडाले जानकारी दिए ।

यस्ता छन् उलिङ ईभी भ्यानका विशेषताहरू

•   नेपालमै पहिलोपटक ईभी भ्यान सेग्मेन्टमा ८ वर्ष वा ४ लाख किमिसम्मको वारेन्टी भएको ।
•   ४१x८७ कि.वा. आवर ब्याट्री ।
•   कटिङ एज प्रविधियुक्त लिथियम आयन ब्याट्री प्याक ।
•   सिङ्गल चार्जमा ३०० किमि रेञ्ज ।
•   ११ सिट क्षमता भएको, यात्राका लागि आरामदायी सिट ।
•   ४x९ मिटर लम्बाइ भएकाले पर्याप्त खुल्ला ठाउँसहित उत्कृष्ट आन्तरिक सजावट भएको ।

प्रकाशित मिति: बिहीबार, माघ २५, २०८० १४:२०