रुसी समाचारमा अघोषित प्रतिबन्ध लागेको बेला किन मस्को पुगे अमेरिकी पत्रकार ?

रुसी समाचारमा अघोषित प्रतिबन्ध लागेको बेला किन मस्को पुगे अमेरिकी पत्रकार ?

A+ A A-

राष्ट्रपति चुनावको रौनक बढिरहेको अमेरिकामा युक्रेनलाई युद्ध सहायता रोक्नुपर्ने आवाज पनि साथसाथै उठिरहेको छ । चुनावी अभियानका क्रममा अमेरिकी करदाताको पैसा रुस र युक्रेनको युद्धलाई निरन्तरता दिन युक्रेनमाथिको निरन्तर सहायता रोक्नुपर्ने मत आइरहेको हो ।

यो आवाज बलियो भन्दै गएको बेलामा अमेरिकी पत्रकार टकर कार्ल्सन रुसी राष्ट्रपति भ्लादिमिर पुटिनको अन्तर्वार्ताका लागि मस्को पुगेका छन् । कार्ल्सन त्यो बेला रुस पुगेका हुन् जतिबेला पश्चिमी मुलुकले रुसी समाचारलाई अघोषित प्रतिबद्ध लगाइरहेका छन् । कतिसम्म भने रुसको सरकारी च्यानल आरटीलाई समेत प्रतिबन्द लगाएका छन् । अर्थात्, अमेरिका र युरोपमा पुटिनको भनाइ प्रकाशन र प्रशारण गर्न नै प्रतिबन्दजस्तो रहेको छ । त्यस्तो अवस्थामै अमेरिकी पत्रकार टकर कार्ल्सन मस्को पुगेका हुन् ।

उनलाई अमेरिकी सरकारले नै अन्तर्वार्ता नगर्न दबाब दिएको समाचारहरू पनि आइरहेका छन् । रुसी न्यारेटिभ निषेध भएको बेला टकर मस्को पुगेका हुन् । पत्रकार टकरले पुटिनको अन्तर्वार्ता पश्चिमा मिडियामा प्रतिबन्ध हुन सक्ने सुरुमै आंशका गरेका छन् । उनले एक्स (ट्विटर) मा भिडियो सन्देश दिँदै उक्त कुरा बताएका छन् । त्यसक्रममा उनले एक्स र आफ्नो आधिकारिक वेबसाइटमा भने पुटिनको अन्तर्वार्ता बिनापैसा हेर्न सकिने बताएका छन् ।

एक्समा ४ मिनेट २८ सेकेन्ड लामो भिडियो राख्दै उनले बाइडेन सत्ताले आफ्नो टेक्स्ट म्यासेज मिडिया ‘दाश’ लाई लिक गरेर पहिले पनि पुटिनको अन्तर्वार्ता रोक्न खोजेको आरोप लाएका छन् । एक अमेरिकीको रूपमा पुटिनको अन्तर्वार्ता अमेरिकी मायाले नै गर्न लागेको बताएका छन् ।

रुस र युक्रेन युद्धपछि युक्रेनी राष्ट्रपति भोलोदिमिर जेलेन्स्कीको मात्र आएको तर पुटिनको नआएको भन्दै टकरले अमेरिकीको सूचनाको हक जन्मसिद्ध हक भएको र त्यो हक ह्वाइट हाउसमा जो भए पनि फरक नहुने बताएका छन् ।