सौर्य सिमेन्टको कन्ट्र्याक्टर मिट सम्पन्न, प्रविधिमैत्री निर्माण सामग्रीलाई प्राथमिकता दिन जोड

सौर्य सिमेन्टको कन्ट्र्याक्टर मिट सम्पन्न, प्रविधिमैत्री निर्माण सामग्रीलाई प्राथमिकता दिन जोड

A+ A A-

सौर्य सिमेन्ट ई. लिमिटेड र स्काई होल्डिङ बिजनेस ग्रुप पब्लिक लिमिटेडको संयुक्त आयोजनामा 'कन्ट्र्याक्टर मिट २०८०' सम्पन्न भएको छ । बागमती प्रदेशका पूर्वभौतिक पूर्वाधार विकासमन्त्री कृष्णलाल भडेलको प्रमुख आतिथ्यमा सो कार्यक्रम भएको हो ।

कार्यक्रममा भक्तपुरमा निर्माण हुने भौतिक संरचनामा निर्माण सामग्रीको छनोट, बिक्रीवितरण, प्रविधिमैत्री निर्माण सामग्रीलाई विशेष प्राथमिकता दिनुपर्नेमा जोड दिइएको थियो ।

त्यसैगरी, कार्यक्रममा सौर्य सिमेन्टको प्रयोग, प्रविधि, गुणस्तर, उत्पादन क्रममा गरिने परीक्षण प्रविधि, वातावरणमैत्री प्राविधिक जानकारी एवं सौर्य सिमेन्टद्वारा आयोजित विभिन्न सामाजिक व्यावसायिक उत्तरदायित्वका कार्यहरूको पनि जानकारी गराइएको थियो ।

कम्पनीका क्षेत्रीय बिक्री प्रबन्धक रोशनबहादुर कडायतले भक्तपुरका बासिन्दाहरूलाई सुपथ मूल्यका साथै सहज रूपमा सिमेन्टको उपलब्धता सुनिश्चित गर्न स्काई ग्रुपसँग साझेदारी गरिएको जानकारी दिए । कार्यक्रममा देशमा आर्थिक संकटका कारणले सबै निर्माण व्यवसायीहरू असहज अवस्थामा रहेको र उत्पादक कम्पनीहरूद्वारा सहजीकरणको अपेक्षा रहेको कुरा निर्माण व्यवसायीद्वारा राखिएको थियो ।

कार्यक्रममा स्काई होल्डिङ ग्रुपका सल्लाहकार युवक राजभण्डारी, निर्माण व्यवसायी संघ भक्तपुरका अध्यक्ष कृष्णप्रसाद अवाल र सौर्य सिमेन्टका ब्रान्ड प्रबन्धक अनुज महत, क्षेत्रीय बिक्री प्रबन्धक रोशनबहादुर कडायत र प्राविधिक प्रमुख दिवस देवकोटा एवं भक्तपुरका विभिन्न निर्माण क्षेत्रमा कार्यरत कन्ट्र्याक्टर महानुभावहरूको उपस्थिति थियो ।

सिरहा जिल्लाको मिर्चैयामा अवस्थित सौर्य सिमेन्ट इन्डस्ट्रिजको उत्पादन क्षमता ४५०० मेट्रिकटन रहेको छ । यस उद्योगले दैनिक ८० हजार बोरा सिमेन्ट उत्पादन गर्छ । यस कम्पनीले ४३/५३ ग्रेड ओपीसी, पीपीसी सिमेन्ट उत्पादन र बिक्रीवितरण गर्दै आइरहेको छ ।

प्रकाशित मिति: बिहीबार, माघ १८, २०८० १३:१३