भारतका विदेशमन्त्री जयशंकर भन्छन्- चीनसँग डराउनु हुँदैन, हामीसँग प्रतिस्पर्धा गर्ने क्षमता छ

भारतका विदेशमन्त्री जयशंकर भन्छन्- चीनसँग डराउनु हुँदैन, हामीसँग प्रतिस्पर्धा गर्ने क्षमता छ

A+ A A-

भारतका विदेशमन्त्री एस जयशंकरले भारत चीनसँग डराउन नहुने बताएका छन् । चीनले भारतका छिमेकीहरूलाई प्रभावित गर्न खोज्ने बताउँदै उनले भारत यस्तो प्रतिस्पर्धी राजनीतिबाट डराउन नहुने बताएका हुन् ।

इन्डियन इन्स्टिच्युट अफ म्यानेजमेन्टका विद्यार्थीहरूसँगको अन्तर्क्रियामा चीन-माल्दिभ्ससँग भारतको सम्बन्ध साथै रेड सीमा हमास-इजरायलको युद्धले निम्तिएको अवस्थाबारे जयशंकरले आफ्नो धारणा राखेका थिए । माल्दिभ्समा नयाँ राष्ट्रपतिको आगमनसँगै यतिबेला भारत र माल्दिभ्स सम्बन्धमा दरार आएको छ ।

उनले भनेका छन्, ‘हरेक छिमेकीबीच समस्या आउँछन् तर अन्त्यमा छिमेकीलाई छिमेकीकै साथ चाहिन्छ ।’ उनले यो क्षेत्रमा चीनको प्रभावलाई लिएर प्रतिद्वन्द्विता बढेको स्वीकार गरे । तर, यसलाई भारतीय कूटनीतिको असफलता भन्नु गलत बुझाइ भएको उनी बताउँछन् ।

उनले भने, ‘हामीले बुझ्नुपर्छ कि चीन पनि हाम्रो छिमेकी राष्ट्र हो र प्रतिस्पर्धात्मक राजनीतिका रूपमा चीनले हाम्रा छिमेकी देशहरूलाई धेरै तरिकाले प्रभाव पार्नेछ । मलाई लाग्दैन कि हामी चीनसँग डराउनुपर्छ । मलाई लाग्छ हामीले भन्नुपर्छ- ठीक छ, विश्वव्यापी राजनीति एक प्रतिस्पर्धात्मक खेल हो । तपाईं आफ्नो सक्दो प्रयास गर्नुहोस्, हामी सक्दो प्रयास गर्नेछौँ ।’

आजको समयमा भारतले चीनसँग प्रतिस्पर्धा गर्ने क्षमता राख्ने जयशंकर बताउँछन् । उनले यस क्रममा रेड सीमा भारतीय नौसेनाले संकटका बीच मानिसहरूलाई मद्दत गरिरहेको पनि बताए । बीबीसीहिन्दी