नेपाल लाइफको 'एमडीआरटी अचिभर्स अवार्ड' सम्पन्न, ११६ जना अभिकर्ता सम्मानित

A+ A A-

नेपाल लाइफ इन्स्योरेन्स कम्पनीले यही पुस २३ गते ‘एमडीआरटी अचिभर्स अवार्ड, २०२४' सम्पन्न गरेको छ । कार्यक्रमको कम्पनीका वरिष्ठ सञ्चालक कमलेश कुमार अग्रवाल, सञ्चालक विमलप्रसाद ढकाल र कम्पनीका प्रमुख कार्यकारी अधिकृत प्रवीणरमण पराजुलीले संयुक्त रूपमा कार्यक्रमको समुद्घाटन गरेका हुन् ।

उक्त कार्यक्रममा ‘एमडीआरटी’ अचिभर्स अवार्ड'बाट ११६ जना अभिकर्ता सम्मानित भएका छन् ।

कार्यक्रममा कम्पनीका प्रमुख कार्यकारी अधिकृत प्रवीण रमण पराजुलीले अंग्रेजी वर्ष सकिएको आठ दिनभित्रै भव्य कार्यक्रम आयोजना गर्न पाउँदा मन हर्षित भएको बताए । उनले भने, 'पराक्रमी गति, आक्रामक नीति' भन्ने नाराका साथ कम्पनीले मनाइरहेको सार्क वर्ष २०८०/८१ को उद्देश्यलाई शिरोधार्य गर्दै व्यवसाय विस्तारमा दत्तचित्त भई कार्य सम्पादन गर्न सम्पूर्ण अभिकर्तालाई आग्रह गर्दछु ।

प्रमुख कार्यकारी अधिकृत पराजुलीले यस कम्पनीको मेरुदण्ड भनेकै अभिकर्ताहरू रहेको साथै उनीहरूकै अथक मिहिनेत र परिश्रमका कारण नै नेपाल लाइफ सफल भएको बताए । अभिकर्ताहरूको चौतर्फी विकासका निम्ति कम्पनी निकै नै संवेदनशील रहेको उनको भनाइ थियो ।

कार्यक्रममा कम्पनीका वरिष्ठ सञ्चालक कमलेशकुमार अग्रवालले देश आर्थिक मन्दीबाट गुज्रिरहेको समयमा पनि कम्पनीले गरेको व्यवसाय उत्साहप्रद रहेको र यसलाई मूर्तता प्रदान गर्न अहोरात्र लागेका सम्पूर्ण अभिकर्ताहरूलाई हृदयदेखि नै धन्यवाद ज्ञापन गरे । उनले भने,, 'नेपाल लाइफ आफैँमा जीवन बीमा क्षेत्रमा गौरवशाली इतिहास बोकेको स्थापित ब्रान्ड बनिसकको छ । यससँग जोडिन पाउनु हामी सबैका लागि हर्षको विषय हो ।'

अभिकर्ता भनेको प्रगतिको सहयात्री भएको र सोको महत्त्वलाई मनन गर्दै आमनेपाली नागरिकलाई बीमाको उपयोगिता र औचित्यता प्रकाश पार्न सकिएमा नेपालको बीमा बजारमा प्रचुर सम्भावना रहेको र यसलाई मूर्तता प्रदान गर्न ठोस कार्ययोजनासहित अघि लम्कनुपर्ने अग्रवालको भनाइ थियो ।

उनले थपे, 'एमडीआरटी वित्तीय क्षेत्रमा ख्यातिप्राप्त अवार्ड हो । यसबाट सम्मानित हुने सबैलाई बधाई । एमडीआरटीमा योग्य हुनुभएका अभिकर्ताहरूले उत्कृष्ट ग्राहक सेवा प्रदान गर्नु हुने नै छ भन्नेमा म विश्वस्त छु ।'

२०२३ मा सीओटी हुन सफल माधव भण्डारीले नेपाल लाइफको सहयोग, मार्गदर्शन, उत्प्रेरणाले गर्दा नै आफू सीओटी बन्न सफल भएको र यस यात्रामा सहयोग गर्ने सम्पूर्ण सहयोगी हातहरूलाई धन्यवाद ज्ञापन गरे । कार्यक्रममा कम्पनीका नेसनल सेल्स हेड उमापति पोखरेलले सम्मानित हुने सबैलाई बधाई दिए ।

प्रकाशित मिति: बिहीबार, पुस २६, २०८० १३:०८