आईएसएमटी कलेजको ‘आईएसएमटी जब फेयर’ सम्पन्न, २२५ भन्दा बढी विद्यार्थी अन्तर्वार्तामा सहभागी

आईएसएमटी कलेजको ‘आईएसएमटी जब फेयर’ सम्पन्न, २२५ भन्दा बढी विद्यार्थी अन्तर्वार्तामा सहभागी

A+ A A-

काठमाडौंको तीनकुने गैरीगाउँस्थित इन्टरनेसनल स्कुल अफ म्यानेजमेन्ट एन्ड टेक्नोजोजी (आईएसएमटी) कलेजको आयोजनामा ‘आईएसएमटी जब फेयर २०८०’ सम्पन्न भएको छ । जब फेयरमा २१ भन्दा बढी विभिन्न कम्पनीहरूले आ–आफ्ना स्टलहरू राखेको आयोजकले जनाएका छन् ।

कलेजको आफ्नै प्राङ्गणमा सञ्चालन गरिएको आईएसएमटी जब फेयरमा लेमन, लिपफ्रग टेक्नोलोजी नेपाल, काठमाडौं मेरियट होटल, चौधरी ग्रुप, तुलिप्स टेक्नोलोजिज, एलाइस कम्पनी, एलाइस कन्फरेन्स, एनक्लाउड प्रालि, वज्र टेक्नोलोजिज, सौरभ ग्रुप, सेलकम प्रालि, सिप्रदी, डिस मिडिया नेटवर्क, लेक बेँसी होलिडेज, एफवान् सफ्ट इन्टरनेसनल, फोनपेका स्टलहरू राखिएका थिए ।

ISMT Job Fair1704890667.jpg

त्यसैगरी, आकाश टेक/इ–सिग्नेचर, फुडमान्डु, कम्युनिकेट टेक्नोलोजिज, भेरिस्क नेपाल, वर्ल्डलिङ्क कम्युनिकेसन, ट्री प्रिमियर बूढानीलकण्ठ, नेपाल एसबीआई मर्चेन्ट बैंकिङले पनि आफ्ना स्टलहरू राखेका थिए ।

जब फेयरमा आफ्नो अध्ययन सकाएका र अध्ययन गरिरहेका गरी २२५भन्दा बढी विद्यार्थीले अन्तर्वार्तामा सहभागिता जनाएका थिए । विद्यार्थीहरूलाई डिग्री मात्र उपलब्ध गराउने नभई दक्ष, सवल र सक्षम बनाउने उद्देश्यका साथ उक्त कार्यक्रमको आयोजना गरिएको कलेजले जनाएको छ । यस कलेजले वर्षमा कम्तीमा दुईपटक यस्ताको कार्यक्रम सञ्चालन गर्दै आइरहेको छ ।

विद्यार्थीहरूलाई आफ्नो करिअर सुरु गर्न कम्पनी धाउन नपरोस् र एउटै स्थानमा विभिन्न कम्पनीको जानकारी पाउनुका साथै आफूले रोजेको कम्पनीमा जागिर पाउन सकून् भन्ने अभिप्रायले यस किसिमको कार्यक्रम आयोजना गरिएको कलेजले जनाएको छ ।

ISMT Job Fair- 21704890683.jpg

बेलायतको युनिभर्सिटी अफ सन्डरल्यान्डबाट सम्बन्धनप्राप्त यस आईएसएमटी कलेजले बीबीए, बीएचएम, बीएस्सी आईटी, बीएस्सी (हन्स) साइबर सेक्युरिटी एन्ड डिजिटल फरेन्सिस एमबीए र एमएसी कम्प्युटिङ कार्यक्रम सञ्चालन गरिरहेको छ ।

साथै, आईएसएमटी ग्रुपअन्तर्गत युनिभर्सिटी अफ सन्डरल्यान्डकै सम्बन्धनमा नेपालका प्रमुख शहरहरू चितवन, पोखरा, विराटनगर र बुटवलमा पनि आफ्ना कलेजहरू सञ्चालनमा छन् ।

प्रकाशित मिति: बुधबार, पुस २५, २०८० १८:३०