सांसदहरूलाई हिसानका अध्यक्षको चुनौती- क्रान्तिकारी कुरा गर्ने माननीयहरूका छोराछोरी कहाँ पढ्छन् ? हामीसँग पनि रेकर्ड छ

सांसदहरूलाई हिसानका अध्यक्षको चुनौती- क्रान्तिकारी कुरा गर्ने माननीयहरूका छोराछोरी कहाँ पढ्छन् ? हामीसँग पनि रेकर्ड छ

A+ A A-

उच्च शिक्षालय तथा माध्यामिक विद्यालय संघ नेपाल (हिसान) का अध्यक्ष रमेश सिलवालले क्रान्तिकारी कुरा गर्ने सांसदहरूका छोराछोरी कहाँ पढ्छन् ? स्वदेशमा छन् कि विदेशमा छन् ? त्यसको रेकर्ड आफूहरूसँग पनि रहेको टिप्पणी गरेका छन् ।

आइतबार प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको बैठकमा सिलवालले विद्यालय शिक्षा विधेयकले परिकल्पना गरेबमोजिम निजी विद्यालयहरूलाई शैक्षिक गुठीमा रुपान्तरण गर्न नसकिने बताए । उनले सांसदहरूका छोराछोरीसमेत निजी विद्यालयमा पढिरहेका भन्दै निजी विद्यालयहरूको विरोधमा बोल्नेहरूमाथि प्रश्न उठाए । क्रान्तिकारी कुरा गर्नेका छोराछोरी नै निजी विद्यालयमा पढिरहेको रेकर्ड आफूहरूसँग रहेको उनको भनाइ छ ।

‘माननीयज्युहरूको छोराछोरी कहाँ पढ्छन् त त्यति हेरे पुग्छ नि । अरु धेरै जानै पर्दैन । कति स्वदेशमा पढ्नुहुन्छ ? कति क्रान्तिकारी कुरा गर्नेका छोराछोरी कहाँ–कहाँ छन् ? त्यो रेकर्ड त हामीसँग पनि त छ नि,' सिलवालले भने ।

सरकारी जिम्मेवारीमा रहेकाहरूको छोराछोरी सरकारी विद्यालयमा पढाउनैपर्ने नियम प्रधानमन्त्रीदेखि नै लागू गर्न उनले चुनौती दिए ।

'यहाँहरूले गरेर देखाउँ न । सरकारी स्कुल राम्रो बनाऔँ । तर, यहाँ के छ भने सरकारको तलब खाने कर्मचारी र तलब पाउनेहरूले सामुदायिकमा पढाउनुपर्छ । असाध्यै राम्रो । प्रधानमन्त्रीदेखि सुरु गरौँ न । हामीले त हेरेका छौँ नि,' सिलवालले भने, 'कतिपय सामाजिक मान्यता छ । ५१ जनाभन्दा बढी जन्ती गयो भने जेलमा बस्नेछ । भोजमा क–कसको कतिजना डाक्यो भन्ने त जानकारी छ नि । त्यो त माथिबाटै गर्नुपर्ने होला नि त ।’

निजी विद्यालयहरूलाई गुठीमा लैजाँदा आफूहरूको लगानी डुब्ने भएकाले त्यसो गर्न नसकिने सिलवालको भनाइ छ । विद्यार्थीले आफू पढ्ने विद्यालय रोज्न पाउने अधिकारको हनन गर्नु नहुने उनको तर्क छ । ‘हाम्रो संविधानले शैक्षिक गुठीको परिकल्पना गरेको छैन । प्रश्न उठ्छ, आजको शिक्षालाई अनिवार्य र निःशुल्क बनाउने अब हामीले आम विद्यार्थीहरूलाई हो कि ? तिर्न सक्नेलाई उनीहरूले तिरेर गर्ने, तिर्न नसक्नेहरूलाई सुविधा बढाउने । यो माननीयज्युहरूले फैसला गर्नुपर्ने विषय यहाँहरूको हातमा आइपुगेको छ,' उनले भने ।

सक्नेले सार्वजनिक विद्यालयमा समेत पैसा तिरेर पढ्न सक्ने व्यवस्था गर्नुपर्ने सिलवालको भनाइ छ । जनताले गुणस्तरीय शिक्षाको माग गरेका कारण निजी शिक्षा जन्मिएको उल्लेख गर्दै सिलवालले निजी शिक्षा सामुदायिक र सरकारी शिक्षाको परिपुरक भएको बताए । निजी शिक्षालाई बन्देज लगाउनु नहुने उनको भनाइ छ । सरकारले शिक्षाको भार थेग्न नसकेका कारण निजी शिक्षा जन्मिएको उनले तर्क गरे ।

त्यस्तै, निजी तथा आवासीय विद्यालय अर्गनाइजेसन नेपाल (प्याब्सन) का अध्यक्ष डिके ढुंगानाले निजी विद्यालयहरूलाई स्वायत्तता दिनुपर्ने तर्क गरे । पाठ्यक्रम, परीक्षा र अनुगमनबाहेकका विषयहरूमा निजी विद्यालयहरूलाई स्वायत्तता दिनुपर्ने उनको भनाइ छ । निजी विद्यालयहरूले नाफा कमाउनु अपराध नभएको भन्दै नाफा कमाउनु अपराध जस्तो ठान्ने भाष्यलाई परिवर्तन गर्नुपर्ने उनले बताए ।

‘नाफा कमाउनु भनेको अपराध गर्नु हो भन्ने भाष्य बाट अगाडि जाँदै गर्दा यो मुलुक कहाँ पुग्छ । कतातिर जान्छ ? हाम्रो ठूलो प्रश्न हो यो । निजी विद्यालयहरूले खोजेको विषय के हो भने, पाठ्यक्रम, परिक्षा र अनुगमन बाहेकका विषयहरू उनीहरुलाई स्वायत्तता दिनुपर्छ,’ उनले भने ।

बैठकमा राष्ट्रिय निजी तथा आवासिय विद्यालय एशोसिएशन नेपाल (एन प्याब्सन) का अध्यक्ष पाण्डव हमालले कक्षा १० मा परीक्षा जरुरी रहेको बताए । विद्यार्थीको स्तरीयता मापन गर्ने विधि, पद्धति हुनुपर्ने उल्लेख गर्दै यो परीक्षालाई हटाउनु नहुने उनको भनाइ छ । निजी विद्यालयहरूलाई मुआब्जा दिएर मात्रै राष्ट्रियकरण गर्नु नहुने भन्दै लगानी र त्यो क्षेत्रमा लगाएको समयको समेत मूल्यांकन हुनुपर्ने उनको भनाइ छ ।

‘कक्षा १० को परीक्षाको बारेमा अन्यौलता छाएको छ । मिडियामा विभिन्न कुराहरू आएका छन् । कक्षा १० को परीक्षा जरुरी छ । त्यसको मापन हुन जरुरी छ,' उनले भने, 'निजी विद्यालयलाई राष्ट्रियकरण गर्दै गर्दा मुआब्जा दिने अथवा त्यसको मूल्यांकन गर्ने मात्र कुरा हुँदैन । त्यसको समयको कुरा आउँछ । खर्बौंखर्बको लगानी, उमेर र जवानीलाई पनि मूल्यांकन गरिन्छ कि गरिँदैन ?’

प्याब्सनका निःवर्तमान अध्यक्ष टिकाराम पुरीले निजी विद्यालयहरू गुठीमा जान नसक्ने बताए । गुठीमा जाँदा आफूहरूको लगानीलाई व्यवस्थापन गर्न नसक्ने उनको भनाइ छ । गुठीमै गए पनि सरकारले निःशुल्क शिक्षा दिन नसक्ने भन्दै गुठीको कुरा गरेर आफूहरूको लगानी डुबाउने कुरा मात्रै भएको उनको भनाइ छ ।

प्रकाशित मिति: आइतबार, पुस २२, २०८० १८:२१

शिलापत्र संवाददाता

प्रतिक्रिया दिनुहोस्

भर्खरै

उपेन्द्रपछि माधव नेपाललाई सरकार छाड्न दबाब, के गर्छ नेकपा एस ?

उपेन्द्रले नै रोकेका थिए संकटका सारथी प्रदीपको बाटो, पार्टी फोडेर तेस्रो प्रयासमा बने मन्त्री

पश्चिम सेतीबाट उत्पादित विद्युतका लागि प्रशारणलाइन उपयोग गर्ने सम्झौता

आज दिनभर : केन्द्र सरकारबाट जसपा नेपाल बाहिरियाे, काेशीका मुख्यमन्त्रीलाई विश्वासकाे मत (भिडियाे)

कांग्रेस सांसद जबरालाई प्रश्न– रविलाई क्लिनचिट दिन खाेजिएकाे हाे ? (अन्तर्वार्ता)

लोकप्रिय

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

एमाले र माओवादीसँग कसरी बिग्रियो उपेन्द्रको सम्बन्ध ?

कलंकीबाट हराएकी स्नेहा सात दिनपछि पशुपतिमा भेटिइन्

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

सन्दीप लामिछानेको मुद्दामा कसरी जोडिए पारस ? यस्ता छन् परिघटना

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

शिक्षा

युनिग्लोब सेकेन्डरी स्कुल कमलादीले कक्षा काेठाबारे शिक्षकलाई दियो तालिम, १६० जना सहभागी

राइटपाथको ‘ग्रान्ड एजुकेसन कन्क्लेभ २०२४’: सहभागीहरूले प्राप्त गरे २०८१ रुपैयाँमै आईईएलटीएस गर्न पाउने अवसर

युनिग्लोब स्कुल कमलादीले ५० भन्दा धेरै विद्यालयका शिक्षकलाई तालिम दिँदै