बीवाईडीले २०२३ मा बेच्यो ३ मिलियनभन्दा बढी विद्युतीय सवारीसाधन

A+ A A-

बीवाईडीले २०२३ मा ३ मिलियनभन्दा बढीको संख्यामा विद्युतीय सवारीसाधनहरू बिक्री गरेको छ ।कम्पनीले आधिकारिक रूपमा ६ मिलियन विद्युतीय गाडीहरू बजारमा ल्याएकोमा वर्षभरिमा उक्त परिमाणमा बिक्री गर्न सफल भई आफ्नो लक्ष्यमा एक ऐतिहासिक माइलस्टोन हासिल गरेको हो ।

विद्युतीय सवारीसाधनको उद्योगमा विश्वमै अग्रणी स्थानमा रहेको बीवाईडीले २०२३ को अन्त्यसम्ममा ३० लाख २४ हजार ४ सय १७ वटा विद्युतीय गाडीहरू बेचेको घोषणा गरेको छ । यस माइलस्टोनले बीवाईडीको ६१ दशमलव ८ प्रतिशतको वर्ष-दर-वर्ष वृद्धि मात्रै नभएर दिगो साधनहरूको विकासमा बीवाईडीको प्रतिबद्धतालाई पनि प्रस्ट पारेको छ ।

यस कम्पनीका लागि २०२३ को नोभेम्बर महिना प्रगतिशील यात्राको एक महत्त्वपूर्ण वर्ष रह्यो । वार्षिक मापदण्डमा ४५ प्रतिशतको वृद्धि देखाउँदै बीवाईडीले डिसेम्बर २०२३ मा कुल मासिक ३ लाख ४१ हजार ४३ वटा न्यू इनर्जी गाडीहरू (एनईभी) बिक्री गरेको थियो । वर्षको अन्तिम महिनाको यस अद्भूत प्रदर्शनले बीवाईडीलाई विद्युतीय गाडीहरूको बजारमा अग्रणी स्थान सुनिश्चित गर्न सहयोग गरेको छ ।

२०२२ मा पनि बीवाईडीले विद्युतीय गाडीको क्षेत्रमा नयाँ रेकर्ड कायम गर्दै १.८६ मिलियन विद्युतीय गाडीहरू बेचेको रेकर्ड सार्वजनिक गरेको थियो । कम्पनीको दिगो पर्यावरणीय संरक्षण र नवीन प्रविधि विकासप्रतिको प्रतिबद्धताले नै बीवाईडीलाई विद्युतीय सवारीसाधनको क्षेत्रमा नयाँ उचाइमा पुर्‍याएको हो ।

बीवाईडीको सफलता, यसको अत्याधुनिक प्रविधि तथा बलियो उत्पादन नै लाइनअपको प्रमाण भएको कम्पनीले जनाएको छ । जसले गर्दा पर्यावरण-मैत्री यातायात समाधानहरुका लागि बढ्दो विश्ववायापी मागसँग प्रतिध्वनित गर्दछ । आजको दिनमा, कम्पनी विद्युतीय सवारी क्रान्तिको अग्रभागमा रहँदै उद्योगमै बेन्चमार्कहरू सेट गरिरहेको छ ।

कम्पनीले भनेको छ, '२०२३ लाई हाम्रो उत्कृष्ट वर्षका रूपमा मनन गरिरहँदा बीवाईडीले पर्यावरणमैत्री सवारीसाधनहरूमार्फत यातायातको क्षेत्रमा केही परिवर्तन ल्याउने प्रयास गरेको छ । ३ मिलियनभन्दा बढीको विद्युतीय सवारीसाधनहरूको बिक्री हाम्रो टिमको अथक प्रयास मात्रै नभएर हाम्रो उत्पादनको गुणस्तर तथा उत्कृष्टतालाई विश्वास गर्ने विश्वभरका ग्राहकहरू पनि हुन् ।

बीवाईडीको विद्युतीय गतिशीलता र कार्बन फुटप्रिन्ट घटाउने लक्ष्य, विश्व जलवायुमा आएको परिवर्तनसँग भिड्ने र कार्बनको उत्पादन घटाउने प्रयासहरूसँग समर्थन गर्दछ । कम्पनी उच्च-गुणस्तरीय प्रविधि र पर्यावरणमैत्री समाधानहरूको उत्पादनमा दृढ छ, जसले आगामी सवारीसाधनहरूको निर्माणमा हेरचाह गरिरहनेछ ।

प्रकाशित मिति: बिहीबार, पुस १९, २०८० १७:०२