प्राधिकरणका महानिर्देशक अधिकारीसँग रिसाएका मन्त्री किराँतीको चेतावनी– आइन्दा ग्राउन्ड ह्यान्डलिङको कुरा नगर्नू

प्राधिकरणका महानिर्देशक अधिकारीसँग रिसाएका मन्त्री किराँतीको चेतावनी– आइन्दा ग्राउन्ड ह्यान्डलिङको कुरा नगर्नू

A+ A A-

नेपाल नागरिक उड्डयन प्राधिकरणका महानिर्देशक प्रदीप अधिकारी नेपाल वायुसेवा निगमसँग असन्तुष्ट सुनिन्छन् । निगमका कार्यकारी अध्यक्ष युवराज अधिकारीसँग उनको व्यक्तिगत तहमै दुस्मनी देखिने गरेकाे छ । प्राधिकरणले केही महिनाअघि विभिन्न घटनामा अधिकारीलाई स्पष्टीकरण सोधेको पनि थियो ।

त्यति मात्र होइन, निगमका पाइलटलाई ग्राउन्डेड गर्ने भूमिका पनि प्राधिकरण महानिर्देशक अधिकारीको चासोमै हुने गरेको थियो । हुन त, प्राधिकरणका महानिर्देशक अधिकारीको दुस्मनी नेपाल पर्यटन बोर्डका सीईओ धनञ्जय रेग्मीसँग पनि थियो । दुवैसँग एकसाथ मैदानमा उत्रिएका प्रदीप अधिकारीले दुवैको क्षतिका लागि दुईवटा निर्णय लिएका छन् ।

कार्यकारी अध्यक्ष अधिकारीले झगडाका कारण निगमको ग्राउन्ड ह्यान्डलिङ सुविधा खोस्ने निर्णय लिए र खुला प्रतिस्पर्धामा जाने बताए । अनि, पर्यटन बोर्डका सीईओ रेग्मीसँगको रिसका कारण बोर्डले अन्तर्राष्ट्रिय विमानस्थलमा राखेको रेभिन्यु अफिस बन्द गराइदिए । निगमको ग्राउन्ड ह्यान्डलिङ खोसे निगमको आर्थिक अवस्था धराशायी हुनेछ भने बोर्डको रेभिन्यु अफिस बन्द गरेपछि बोर्डको बजेट प्रभावित हुनेछ ।

प्राधिकरणका अधिकारीको यो निर्णय मात्र होइन, व्यक्तिगत रूपमा उनले अन्य निजी हवाई व्यवसायीलाई पनि अप्ठ्यारोमा पार्ने गरेका थिए । अनाहकमा सिम्रिक एयरलाइन्सका जहाज ग्राउन्डेड गराएर अधिकारीले लफडा गरेका थिए । प्राधिकरणको २५औँ वर्षगाँठमा भने महानिर्देशक अधिकारीले संस्कृति, पर्यटन तथा नागरिक उड्डयनमन्त्री सुदन किराँतीको खप्की खानुपरेको छ ।

निगमको ग्राउन्ड ह्यान्डलिङ सुविधा खोसेको झोकमा मन्त्री किराँतीले अधिकारीलाई आइन्दा उक्त विषय नउठाउन चेतावनी नै दिएका छन् । निगम सञ्चालनका लागि ग्राउन्ड ह्यान्डलिङ आवश्यक रहेको भन्दै मन्त्री किराँतीले अनावश्यक चासो नराख्न मात्र होइन, सरकारको विषयमा अनावश्यक कोकोहोलो नगर्न पनि निर्देशन दिएका छन् ।

कतिसम्म भने निगमलाई बचाउने जिम्मा सरकारको भएको र ग्राउन्ड ह्यान्डलिङको विषय सरकार, राजनीतिक सहमतिको विषय भएको पनि बताए । त्यतिले नपुगेर मन्त्री किराँतीले प्राधिकरणका कर्मचारीलाई थप नबोल्न चेतावनीसमेत दिए ।

किराँतीले प्राधिकरणको २५औँ वर्षगाँठमा बोल्दै भने, ‘वायुसेवा निगमका बारेमा बिनाप्रसंग बढी किन कुराहरू उठ्छन् ? के तपाईंहरू नीति निर्माता हो ? जानुहोस् आन्दोलन गर्नुहोस् । प्रधानमन्त्रीसँग डेलिगेसन गर्नुस् र अनुमति लिएर आउनुहोस् । वायुसेवा निगम राख्ने कि नराख्ने भन्ने यो सरकारको निर्णयको कुरा हुन्छ । यसमा त अझ राष्ट्रिय सहमतिको कुरा हुन्छ । पटक–पटक तपाईंहरू किन वायुसेवा निगमको कुरा उठाउनुहुन्छ ? हो, निगम सच्चिनुपर्छ, सुध्रिनुपर्छ, विकास गर्नुपर्छ, हामीलाई पनि थाहा छ, निगमले ग्राउन्ड ह्यान्डलिङ लिने कि नलिने भन्ने प्रश्नमा किन तपाईंहरू ठूलो–ठूलो धुवाँ उडाउनुहुन्छ ? कोकोहोलो मच्चाउनुहुन्छ ? आजदेखि बन्द गर्नुहोस् ।’

प्राधिकरणका महानिर्देशक अधिकारीलाई हटाउन मन्त्री किराँतीले दुईपटक स्पष्टीकरण सोधेका थिए । तर, प्रधानमन्त्री पुुष्पकमल दाहाल प्रचण्डको सचिवालयको राजनीतिक शक्ति प्रयोग गरेर अधिकारी टिकेका थिए । उक्त पद टिकाएपछि नै निगमको ग्राउन्ड ह्यान्डलिङ खोस्ने निर्णय लिएका हुन् ।

प्रकाशित मिति: आइतबार, पुस १५, २०८० १५:५०

शिलापत्र संवाददाता

प्रतिक्रिया दिनुहोस्

भर्खरै

बझाङमा अग्रता बढाउँदै एमालेका भण्डारी, २५ मतले पछि परे कांग्रेसका सिंह

गण्डकीमा ८ हजारभन्दा बढी हेक्टर वन क्षेत्रमा डढेलो

लगानी सम्मेलनः पीपीपी सहकार्यका लागि दुई संस्थाबीच समझदारी

गण्डकीको मुख्यमन्त्री नियुक्ति विवाद न्यायाधीश सपना र शारङ्गाको इजालसमा

इलाम-२ मा डम्बरसँगको मतान्तर फराकिलो बनाउँदै सुहाङ, ३७ सयभन्दा बढी मतको अग्रता

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै