प्रधानमन्त्रीले आत्मप्रशंसामा समय खर्चिएः महेश बर्तौला

A+ A A-

प्रमुख प्रतिपक्षी दल नेकपा एमालेका सचेतक महेश बर्तौलाले प्रधानमन्त्री पुष्पकमल दाहाल प्रचण्डले राष्ट्रको नाममा सम्बोधन गर्दा आत्मप्रशंसामा समय खर्चेको बताएका छन् ।

एक वर्षमा प्रधानमन्त्रीले डेलिभरी दिन नसकेको भनेर मार्ग प्रशस्त गर्नुपर्ने बर्तौलाको जिकिर छ । मंगलबार सरकारको नेतृत्व गरेको एक वर्ष पुगेको अवसरमा राष्ट्रको नाममा सम्बोधन गरेका थिए ।

यस्तो छ बर्तौलाको प्रतिक्रियाः

प्रधानमन्त्रीले आत्मप्रशंसामा समय खर्चिनुभयो । त्योभन्दा बढी देशप्रति जनताप्रति उहाँ प्रतिबद्ध चिन्तित हुनुहुन्थ्यो भने मैले गलत गरेँ, मेरो टिमले राम्रो गर्न सकेन देश अफ्ठ्यारो ठाउँमा पुग्न लाग्यो । अर्थतन्त्र तहननहस हुने स्थितिम पुग्न लाग्यो मैले केही सुधार गर्न सकिनँ, युवाहरू देश छाडेर बाहिर जाने स्थिति बन्यो, सडक बनाउने निर्माण व्यवसायीहरू सडक आन्दोलनमा आउने स्थिति बन्यो । गाई पालक किसानहरू मिल्क होलिडे मनाउने स्थिति बन्यो । खसी पालक किसानहरूको खसी बिकेन, तस्करी बढेयो महँगी बढ्यो । भ्रष्टाचार बढ्यो, डेलिभरि दिन सकिएन भनेर उहाँले देशका नाममा सम्बोधन गर्दै रियालइजेसन गरेर मार्ग प्रशस्त गर्नुपर्दछ भन्ने ठान्नुपर्थ्यो ।

मभन्दा उपयुक्त व्यक्ति र नेतृत्वले देशको अगुवाई गरोस् यसकाले लागि सहयोग गर्न म तयार छु भन्नुपर्थ्यो । उहाँको एक वर्षमा समाज साम्प्रदायिक द्वन्द्वतर्फ मुलुक जाने अवस्था भयो । सरकारका संस्कृतिमन्त्रीले धर्मका नाममा समाज र जनतालाई विभाजित गर्ने द्वन्द्वतर्फ लाने प्रयत्न गर्नुभयो । राजनीतिमा धोकाधडी उहाँको पालामा भयो ।

समग्रतामा आशा जगाउने गरी के दिन सक्नुभयो ? यो एक वर्ष देशको लागि औंसीको रात जस्ते निरासा रह्यो । दुखदायी र पीडादायी क्षणको रूपमा रह्यो । जसले मुलुकको भविष्य दश वर्ष अझै अन्धकारतर्फ लान प्रयत्न भयो एक वर्षमा । हामी यो देशको नागरिक पनि हौँ । आशाका किरण अनुभूति गर्ने पाउने स्थिति रहेन ।

प्रकाशित मिति: मंगलबार, पुस १०, २०८० १८:५६