अयोध्यामा नवनिर्मित राम मन्दिरको प्राणप्रतिष्ठाको अवसरमा जनकपुरधामबाट कोसेली पठाइने

अयोध्यामा नवनिर्मित राम मन्दिरको प्राणप्रतिष्ठाको अवसरमा जनकपुरधामबाट कोसेली पठाइने

A+ A A-

भारतको अयोध्यामा नवनिर्मित प्रसिद्ध राम मन्दिरको प्राणप्रतिष्ठा हुने अवसरमा जनकपुरधामको जानकी मन्दिरबाट पाहुर(कोसेली) पठाइने भएको छ । विश्व प्रसिद्ध जानकी मन्दिरका महन्थ राम तपेश्वर दासको अगुवाइमा शबिार भएको एक सर्वपक्षीय बैठकले राम मन्दिरको प्राणप्रतिष्ठाको अवसरमा जनकपुरधामबाट उल्लेखनीय संख्यामा पाहुर (कोसेली) पठाउने निर्णय भएको हो ।

त्यसका लागि जनकपुरधाम उपमहानगरपालिका मेयर मनोज कुरमार साह र जानकी मन्दिरका महन्थ राम तपेश्वर दास संरक्षक रहने गरी जानकी मन्दिरका छोटा महन्थ राम रोशन दासको संयोजकत्वमा ११ सय सदस्यीय जनकपुरधाम अयोध्या पाहुर यात्रा समिति समेत गठन गरिएको छ ।

मिथिला परम्पराअनुसार छोरीको नयाँ घर निर्माण भई घरबासको अवसरमा माइती पक्षबाट आभूषण, तलाकपडा र वर्ष भरिको खानाको सामग्री पठाइने गरिन्छ । सोहीअनुरुप जानकीको माइती पक्ष जनकपुरधामबाट ती सामग्रीहरु पठाइन लागिएको जानकी मन्दिरका छोटा महन्थ तथा समितिका संयोजनक रोशन दासले जानकारी दिए ।

जनकपुरधामबाट आउँदो माघ १९ गते दिन अयोध्ययाका लागि पाहुर यात्रा सुरु हुने उनले बताए । बैठकमा उनले जनकपुरधामबासीहरुलाई विभिन्न प्रकारका पकवान वा फलफूल तथा अन्य सामग्री सहयोग गर्नका लागि आग्रह गरे । जानकी सम्पूर्ण मिथिलाबासीको छोरी रहेका उल्लेख गर्दै उनले भने, ‘त्यसकारण कारण आफ्नो छोरीको घरवासको अवसरमा आफुखुसी केही समाग्री दिएर भार यात्रामा सहयोग गर्न नगरवासीसँग अपिल गर्छु ।’

बैठकमा उत्तराधिकारी महन्थ रोशनले त्रेता युग पछि पहिलोपटक अयोध्या भार जान लागेका कारण यस कार्यक्रमलाई सम्भ र भव्य बनाउन सम्पूर्ण नगरबासीसँग आग्रह गरे । उनले ४ तारिखमा यहाँबाट निष्कने कार्यक्रम रहेको हुनाले ३ तारिखमै जे जति समान हुन्छ जानकी मन्दिरमा पुर्‍याउन आग्रहसमेत गरे ।

उनले जनकपुरधामबाट जलेश्वर नाथबाट हुलाकी सडक हुँदै मलंगवा (बलारा) बाट सिम्रौनगढ हुँदै गढीमाई हुँदै वीरगञ्जमा रात्रि विश्राम गर्ने योजना रहेको बताए । भोलिपल्ट ८ बजे यात्रा प्रारम्भ हुने र वीरगञ्जको जानकी नगर गेट हुँदै बेतिया कुशी नगर सिद्धार्थ नगर हुँदै गोरखपुर अयोध्यामा पुगेर रात्रि विश्राम गर्ने कार्यक्रम रहेको उत्तराधिकारी महन्थ रोशनले जानकारी दिए । अध्योध्या पुगेको भोलिपल्ट ६ तारिखका दिन ९ बजे विधिवत् राम जन्मभूमि राम मन्दिर ट्रष्टलाई सम्पूर्ण भार हस्तान्तरण गर्ने कार्यक्रम रहेको उनले जानकारी दिए ।

प्रकाशित मिति: शनिबार, पुस ७, २०८० १८:०३