निफमा निरको टिप्पणीः नेपाली सिनेमा विश्व रंगमञ्चमा बलियो छ

A+ A A-

नेपाली कला क्षेत्रका वरिष्ठ अभिनेता निर शाहले नेपाली चलचित्रहरू विश्व रंगमञ्चमा सोचे जति कमजोर नरहेको बताएका छन् ।

बिहीबार ‘दोस्रो नेपाल अन्र्तराष्ट्रिय चलचित्र महोत्सव २०१९’ (निफ) को कार्यक्रममा बोल्दै नेपाली चलचित्रको कथन, प्रस्तुति, प्राविधिक पक्ष, अभिनय कलाकार प्राविधिक सिनोमाटोग्राफिक अन्य मुलुकका चलचित्रको भन्दा कमी नरहेको बताएका हुन् ।

‘हामीले हाम्रो सिनेमा मात्रै हेरेर विभिन्न टिका–टिप्पणी मात्रै गर्ने । एउटा नेपाली सिनेमासँग अर्काे सिनेमासँग मात्रै दाज्ने गरिएको छ,’ उनले भने, ‘त्यसको ‘फेवर’ वा ‘अगेन्स’ मा बोलेर राष्ट्रिय चलचित्र उद्योगलाई अन्र्तराष्ट्रिय करण गर्ने कुरामा धकेलिरहेका हुदैनौं ।’

उनका अनुसार चलचित्रहरूलाई विश्वका अन्य चलचत्रिहरूसँग पनि दाँजेर हेर्न अवसर प्राप्त गर्नुपर्छ । विश्व चलचित्र मञ्च कुन हदसम्म विकास भएको छ । विश्वको चलचित्र कता जाँदैछ ? नेपाली चलचित्र कुन स्थानमा छ ? यसबारे व्यापक चिन्तन मनन् गर्नु आवश्यक रहेको समेत उनले बताए ।

चलचित्रको चिन्तन, मनन् गर्न महोत्सव गतिलो थलोका रूपमा विकासित भएको उनले बताए । पछिल्लो समय नेपाली लघु चलचित्रले विश्वको विभिन्न चलचित्र महोत्वसमा आफ्नो पहिचान बनाउन सफल भएको छ ।

‘निफ’का निर्णायक मण्डलका संयोजक समेत रहेका शाहले महोत्सवमा प्रर्दशनका लागि चलचित्र छनौट गर्दा विश्वका चलचित्रहरू अवलोकन गर्न पाउँदाको खुसी समेत व्यक्त गरे ।

नेपालका चलचित्रसँग अन्य देशको चलचित्र प्रत्यक्ष दाँजेर हेर्ने सौभाग्य प्राप्त गरेको बताउदै उनले चलचित्रमा थप निखार ल्याउन महोत्सवले ठूलो मद्दत पु¥याएको दाबी गरे ।

विश्वका ३१ वटा मुलुकका सबै विधाका ६० वटा चलचित्रहरु महोत्सवमा प्रदर्शन भइरहेका छन् । आइतबार सम्म चल्ने उक्त महोत्सवमा उनले विभिन्न कथावस्तुका चलचित्रहरू हेर्न समेत सबैलाई आग्रह गरे ।

प्रकाशित मिति: शनिबार, फागुन ११, २०७५ ०५:१३