ब्लगः 'अटोपाइलट'मा चलेको देश

A+ A A-

नेपालको इतिहासमा एकदमै ठूला, युगान्तकारी परिवर्तन जस्तै; नेपाल एकीकरण, कोतपर्व, राणा शासन अन्त्य, माओवादी गृहयुद्ध, राजतन्त्रको अन्त्य इत्यादि भए । यी घटनाले देशमा केही न केही परिवर्तन गराए । साथै, अन्तर्राष्ट्रिय जगत्‌को ध्यान पनि केन्द्रित गरे ।

यस्ता धारणाहरू, प्रतिरोधहरू अन्य देशमा पनि हुने गर्छन्, जस कारण त्यो देशमा केही न केही परिवर्तन हुन्छ । अहिले हामी गणतान्त्रिक शासन प्रणालीमा छौँ । हामी भाषण गरिरहेका हुन्छौँ, चुनाव लड्छौँ, विरोध गर्छौं, अनशन बस्छौँ, शक्ति प्रदर्शन पनि गर्छाैं । अनि जनतालाई आशा बाँड्ने काम गर्छाैं ।

पछिल्लो दुई दशकमा गर्न त हामीले धेरै गरेका छौँ, गर्न कोसिस गरेका पनि छौँ । तर, केही ठोस टुंगोमा पुग्ने गरी केही गर्न भने सकेका छैनौँ । धेरैले अनशन बसे, आन्दोलन गरे, प्रदर्शन गरे, जुलुस निकाले तर केही परिवर्तन भएन ।

कायापलट नै गर्न सकिने अनेकौँ अवसरहरू थिए, हामीले उपयोग नै गर्न सकेनौँ । राज्यसंयन्त्र भ्रष्ट भए, कार्यकर्ताका लागि, पार्टीका लागि स्वार्थी भए । हामी जनता होइन कार्यकर्ता भयौँ, त्यही भएर कुरा बिग्रियो ।

याे पनि..

म जनताकै एक–एक रुपैयाँबाट पाइलट बन्न चाहन्छु

यही मंसिर ७ गते र त्यसपछि दुर्गा प्रसाईं नेतृत्वको समूहले व्यवस्था परिवर्तनका लागि भन्दै शक्ति प्रदर्शन गर्‍यो । सरकार पक्ष, प्रतिपक्षले यसलाई चुनाैतीका रूपमा हेरे । आमजनतालाई पनि यसप्रति बडाे चासाे थियाे । तर उक्त आन्दाेलन पनि फासफुस हुन पुगेकाे छ ।

देश गणतान्त्रिक पद्धतिमा हिँडे पनि कुनै निश्चित परिवर्तनका सिद्धान्त बोकेर हिँडेको अवस्था छैन । सबै राजनीतिक पार्टीहरू आ-आफ्नै स्वार्थमा लिप्त छन् । नेतृत्व तह त्यति बलियो छैन । जुन तन्त्र आए पनि देश जेनतेन चलेकै छ ।

अधिकांशले दुर्गा प्रसाईले यो आन्दोलन उनी अनि केही सीमित व्यक्तिको स्वार्थका लागि गरेको आरोप लगाउने गरेका छन् । उनले आफ्नो स्वार्थ पूरा गर्न आम जनताको भावनासँग खेलेको भनेर पनि धेरैले विश्लेषण गर्छन् ।

त्यसैले राजनीतिक पार्टीका व्यक्तिबाहेकका नेपालीले राजनीतिक परिवर्तन र घटनाक्रममा त्यति रुचि राख्न छाडेका छन् । कुनै पार्टी सत्तामा पुग्छ, मन्त्रीमण्डल गठन हुन समय लाग्छ, विभिन्न स्वार्थ मिसाएर त्यो पनि गठन हुन्छ, प्रतिपक्षले विरोध गर्छ, सरकार पक्षले समर्थन गर्छ, चुनाव हुन्छ, आन्दोलन हुन्छ , कुनै घटना घट्छ, केही दिन माहौल तात्छ र केही दिनमै सेलाउँछ । यो सामान्यजस्तै भइसकेको छ ।

देश गणतान्त्रिक पद्धतिमा हिँडे पनि कुनै निश्चित परिवर्तनका सिद्धान्त बोकेर हिँडेको अवस्था छैन । सबै राजनीतिक पार्टीहरू आ-आफ्नै स्वार्थमा लिप्त छन् । नेतृत्व तह त्यति बलियो छैन । जुन तन्त्र आए पनि देश जेनतेन चलेकै छ । त्यसैले भन्छु, 'नेपाल 'अटोपाइलट' मा चलेको देश हो ।

प्रकाशित मिति: शनिबार, मंसिर १६, २०८० ०१:००