सामसुङले 'ग्यालेक्सी एआई'को लञ्च नयाँ वर्षको सुरुमै गर्ने, यस्ता छन् विशेषता

सामसुङले 'ग्यालेक्सी एआई'को लञ्च नयाँ वर्षको सुरुमै गर्ने, यस्ता छन् विशेषता

A+ A A-

इन्टरनेट तपाईंको औँलामा, क्यामेरा तपाईंको खल्तीमा र अब आर्टिफिसियल इन्टेलिजेन्स (एआई)ले सुधार्दै गरेको तपाईंको दैनिक जीवन ।

सामसुङ ग्यालेक्सीले इन्टरनेटको पहुँचलाई सहज गरी क्यामेरालाई सञ्चारको माध्यम बनाइदिएको छ, जुनबिना हामी बाँच्नै नसक्ने भइसकेका छौँ । अहिले सबैको आँखा एआईमा केन्द्रित भए पनि यसका केही खास विशेषताहरू अझैसम्म मोबाइल प्रविधिमा आइसकेका छैनन् । ग्यालेक्सी त्यसलाई बदल्ने तयारीमा छ ।

सबैलाई सबै ठाउँमा, सशक्त बनाउने गरी निर्माण गरिएको ग्यालेक्सी एआई फोनको एक विश्वव्यापी इन्टेलिजेन्स हो, जुन यसभन्दा अघि कहिल्यै देखिएको छैन । ती सबै ठाउँहरू जहाँ यसको बढी महत्व छ– अवरोधरहित सञ्चारदेखि, सहज उत्पादकत्वसम्म, असीमित सिर्जनशीलतासम्म– सामसुङले नयाँ सम्भावनाहरू उघार्ने भएको छ ।

ग्यालेक्सी एआईमा दुई किसिमका एआई प्रविधि समावेश छन् । सामसुङद्वारा विकास गरिएको डिभाइस एआई र अरु समान विचारधाराका औद्योगिक अग्रणीहरूका साथ हाम्रो खुल्ला सहकार्यहरूबाट विकास गरिएका क्लाउडमा आधारित एआई, दुवैद्वारा संचालन हुने एक बृहत् मोबाइल एआई अनुभव हो । यसले ग्यालेक्सी सुरक्षा र गोपनीयतामा उपभोक्ताहरूले पाउने विश्वसनीयताका साथ हरेक दिनको मोबाइलसँगको अनुभवलाई परिवर्तन गरिदिने बताइएको छ ।

कम्पनीका अनुसार, ग्यालेक्सी एआईको एउटा मुख्य विशेषता भनेको एआई लाइभ ट्रान्सलेट कल हो । एआई लाइभ ट्रान्सलेट कलले चाँडै नै प्रयोगकर्ताहरूलाई जति बेला आवश्यक पर्‍यो, त्यति नै बेला आफ्नो पर्सनल ट्रान्सलेटर उपलब्ध गराउनेछ । किनभने यो ग्यालेक्सी डिभाइसकै कलसँग एकीकृत गरिएको छ, यसले गर्दा तेस्रो पक्षको एप चलाइरहनुपर्ने झन्झट रहँदैन । अडियो र टेक्स्ट बोलेकै र लेखेकै समयमा अरु भाषामा अनुवाद भएर आउनेछ । यो ग्यालेक्सी एआई डिभाइसमा नै भएको हुँदा, यसले तपाईंका गोप्य वार्तालापहरू तपाईंको फोनमा नै सीमित रहनेछन् ।

आउँदै गरेको नयाँ वर्षको सुरुमै ग्यालेक्सी एआईले हामीलाई एउटा त्यस्तो संसारमा ल्याउनेछ, जहाँ सामाजिक सञ्चारका अवरोधहरू तोडिनेछन् र सञ्चार पहिलेभन्दा अझै सहज र अझ बढी रचनात्मक हुनेछ । यसरी एआईले हाम्रो जीवनमा ठूलो परिवर्तन ल्याउनेछ ।

'मोबाइल प्रविधिसँग विश्वभरका मानिसहरूका लागि सञ्चार, सिर्जनशीलता, उत्पादकत्व र थप सक्षम बनाउने अतुलनीय शक्ति छ, तर आजसम्म, हामीले मोबाइल एआईलाई वास्तविक रूपमा अर्थपूर्ण तरिकाबाट उपयोग गरेको देखेका छैनौँ,' ईभीपी र अनुसन्धान तथा विकास प्रमुख वाङजुङ चोइले भने, 'ग्यालेक्सी एआई हाम्रो आजसम्मकै सबैभन्दा बृहत्तर इन्टेलिजेन्स हो जसले हाम्रो फोनको परिभाषा नै बदलिदिनेछ ।'

प्रकाशित मिति: सोमबार, मंसिर ११, २०८० १३:४०