गरिमा विकास बैंकले विभिन्न कार्यक्रम गरी मनायो १७औँ वार्षिकोत्सव

A+ A A-

काठमाडौंको लाजिम्पाटमा केन्द्रीय कार्यालय रहेको गरिमा विकास बैंकले बिहीबार १७औँ वार्षिकोत्सव मनाएको छ ।

बैंकले रक्तदान कार्यक्रम, ज्येष्ठ नागरिकलाई न्यानो कपडा वितरण, विद्यार्थीहरूलाई स्कुल ब्याग वितरण, अनाथ आश्रमलाई इन्भर्टर वितरण, नेपाल प्रहरीलाई कुर्सी हस्तान्तरणलगायतका कार्यक्रम गर्दै वार्षिकोत्सव मनाएको हो ।

वार्षिकोत्सवका अवसरमा बैंकले काठमाडौंको पुतलीसडकमा १२३औँ शाखा विस्तार गरेको छ भने देशैभर एकैदिन १७ वटा संस्थागत सामाजिक उत्तरदायित्वका कार्यक्रमहरूकोे आयोजना गरेको छ ।

वार्षिकोत्सवका अवसरमा यस बैंकले आफ्नो प्रधान कार्यालय, लाजिम्पाटमा आयोजना गरेको रक्तदान कार्यक्रमबाट १०९ युनिट रगत संकलन भएको छ । त्यसैगरी यस बैंकको क्षेत्रीय कार्यालय नारायणगढ र पोखरामा पनि रक्तदान कार्यक्रम आयोजना ग¥यो । नारायणगढको रक्तदान कार्यक्रमबाट १५२ युनिट र पोखरामा आयोजित कार्यक्रमबाट १०५ युनिट रगत संकलन भएको बैंकले जनाएको छ ।

त्यसैगरी, बैंकले वार्षिकोत्सवको अवसर पारेर म्याग्दीको गलेश्वरधाम ज्येष्ठ नागरिक आश्रम र स्याङ्जाको श्री शिव पार्वती बृद्धाश्रम तथा बहुउद्धेश्य संस्थालाई न्यानो कपडा वितरण गरेको छ ।

त्यसैगरी, बैंकले झापाको बिर्तामोड नगरपालिकाका सबै वडाका लागि, चितवनको भृकुटीपथ टोल विकास संस्था एवं पुतलीबजार टोल विकास संस्थाका लागि डस्टबिन हस्तान्तरण गरेको छ ।

बैंकले सर्लाहीको मलंगवास्थित श्री जनता माध्यमिक विद्यालयमा अध्ययनरत कक्षा १ का ८५ जना विद्यार्थीहरूका लागि स्कुल ब्याग वितरण गरेको छ भने रुपन्देहीको अनाथ तथा असहाय महिला कल्याण समाजलाई इन्भर्टर हस्तान्तरण गरेको छ ।

तयसैगरी, बैंकले प्रशान्ति वृद्धाश्रम केन्द्र (सुर्खेत)लाई आवश्यक बेड, ट्राफिक व्यवस्थापनका लागि थप सहज होस् भनेर क्षेत्रीय ट्राफिक कार्यालय इटहरीको समन्वयमा डिजिटल बोर्ड स्थापना, नेसनल इन्फोटेक कलेज, वीरगञ्जमा वित्तीय साक्षरता कार्यक्रम, सेती प्रादेशिक अस्पताल, धनगढीमा आर्थिक सहयोग एवं अस्पतालमा भर्ना भएका बिरामीहरूलाई फलफूल वितरण गरेको छ ।

त्यसैगरी, काठमाडौंको बूढानीलकण्ठ मन्दिरलाई १ सय थान कुर्सी, नेपाल प्रहरी अनाश्रित गुल्म, सुन्धारालाई भिजिटर कुर्सी र अमर सेवा नेपाल अनाथ आश्रमलाई आवश्यक कम्प्युटर र प्रिन्टर हस्तान्तरण गरेको छ ।

यस विकास बैंकले हाल १२३ शाखा कार्यालय, ५१ एटीएमबाट बैकिङ सेवा प्रदान गरिरहेको छ भने चालु आर्थिक वर्षको पहिलो त्रैमाससम्मको अपरिष्कृत वित्तीय विवरणअनुसार ८० अर्ब निक्षेप संकलन गरेर करिब ६८ अर्ब कर्जा लगानी गरेकोे छ ।

प्रकाशित मिति: बिहीबार, मंसिर ७, २०८० १८:२६