कम प्रिमियममा ठूलो रकमको आजीवन बीमा गर्न सकिने सूर्यज्योतिको नयाँ बीमा योजना सार्वजनिक

कम प्रिमियममा ठूलो रकमको आजीवन बीमा गर्न सकिने सूर्यज्योतिको नयाँ बीमा योजना सार्वजनिक

A+ A A-

सूर्यज्योति लाइफ इन्स्योरेन्स कम्पनीले कम प्रिमियममा ठूलो बीमा गर्न मिल्ने योजना ल्याएको छ । कम्पनीले ‘सूर्यज्योति सही प्लान’ नामको नयाँ बीमा योजना ल्याएको हो । उक्त योजनाको उद्घाटन बीमा प्राधिकरणका अध्यक्ष सूर्यप्रसाद सिलवाल र कम्पनीका अध्यक्ष केशवप्रसाद भट्टराईले संयुक्त रूपमा गरेका हुन् ।

सो अवसरमा बीमा प्राधिकरणका अध्यक्ष सिलवालले जनताले लिन सक्ने परम्परागत पोलिसीभन्दा एकदमै इनोभेटिभ र भिन्न विशेषतासहितको प्रोडक्ट ल्याएकोमा सूर्यज्योति लाइफलाई धन्यवाद दिए । साथै, गरिबले पनि बीमा गर्न सक्ने कम प्रिमियममा ठूलो बीमा गर्न मिल्ने योजना ल्याउन सफल भएकोमा आफू हर्षित भएको बताए । उनले भने, ‘परम्परागत पोलिसीभन्दा सूर्यज्योतिले ल्याएको यस नयाँ र भिन्न पोलिसीबाट आमजनता लाभान्वित हुनेमा म विश्वस्त छु ।’

त्यसैगरी, कम्पनीका अध्यक्ष भट्टराईले उक्त योजना तयार गर्दादेखि अन्तिम स्वीकृति लिई बजारमा ल्याउँदासम्म मार्गनिर्देशन गर्ने बीमा प्राधिकरण र सो संस्थाका सिलवाललाई धन्यवाद ज्ञापन गरे । उनले भने, ‘नेपाली जीवन बीमा क्षेत्रमा एकदमै नयाँ सोचका साथ आममानिसहरुको आवश्यकता र परिस्थितिलाई मध्यनजर गर्दै हालसम्मकै भिन्न, आकर्षक र उत्कृष्ट सुविधाहरु भएको ’सही प्लान’ पहिलोपटक सूर्यज्योतिले पस्कन सफल भएको छ । नेपाली आमजनताले पनि लिन सक्ने यो योजना पस्कन पाउँदा एकदमै खुसी छु ।’

त्यसैगरी, कम्पनीका प्रमुख कार्यकारी अधिकृत प्रकाशविक्रम खत्रीले आमजनजीवनमा आइपर्न सक्ने आर्थिक भारको जोखिममा सहयोग दिन यो योजना एकदमै उत्तम हुनुका साथै पहिलो र नवीनतम विशेषताहरूसहित आएको हुनाले पक्कै पनि हरेक नेपालीको रोजाइ बन्न सक्नेमा आफू विश्वस्त रहेको बताए । उनले भने, ‘त्यसैले हरेक घर एक बीमा’ को रूपमा यो बीमा योजनालाई पुर्‍याउने लक्ष्य कम्पनीले लिएको छ ।’

बीमा क्षेत्रको नियामक निकाय बीमा प्राधिकरणको तथ्यांकअनुसार प्रायः नेपालीहरूले आफ्नो आम्दानीको अनुपातमा निकै नै सानो रकम भएको बीमा खरिद गर्ने गरेको बुझिएको छ । केही बिपत्ति आइलागे उक्त सानो रकमले आर्थिक भार ब्यहोर्न पर्याप्त नहुने र परिवार नै आर्थिक संकटको चपेटामा पर्ने अवस्था छ । यही कमीलाई पूरा गर्ने अठोटका साथ सूर्यज्योतिले ’सही प्लान’ नामक बीमा योजना ल्याएको बताइएको छ ।

Suryajyoti- 21700467401.jpg

कम्पनीका अनुसार, यस योजनामा थोरै प्रिमियममा ठूलो बीमा पोलिसी लिन सकिने, ७० वर्ष पुगेपश्चात् तिरेको सम्पूर्ण प्रिमियम फिर्ता हुने, आर्थिक सुरक्षा आजीवन रहिरहने र तिरेको प्रमियमको ६ गुणासम्मको रकम फिर्ता हुने विशेषताहरू छन् । साथै, ऐच्छिक सुविधाअन्तर्गत सर्वाधिक ३५ घातक रोगहरुविरुद्ध ५० लाख रुपैयाँसम्मको आर्थिक रक्षावरण पनि गर्न सकिनेछ ।

समयसापेक्ष नवीनतम र परिस्कृत सेवा पस्किँदै आइरहेको सूर्यज्योति ३५ घातक रोगहरुविरुद्ध ५० लाख रुपैयाँसम्मको उपचार खर्चको सुविधा प्रदान गर्ने एक मात्र कम्पनी बन्न सफल भएको छ । हाल यस कम्पनीको चालु पुँजी ४५४ करोड, लगानी ३४०० करोड, जीवन बीमा कोष २९५० करोड, नेटवर्थ ६२२ करोड र जारी बीमालेख संख्या २२ लाख पुगेको छ । त्यसैगरी, कम्पनीले देशभर रहेका १७६ शाखा सञ्जाल र करिब ९४ हजार अभिकर्तामार्फत जीवन बीमा सेवा प्रदान गर्दै आइरहेको छ ।

प्रकाशित मिति: सोमबार, मंसिर ४, २०८० १३:३४