स्कुल एजुकेशनल लिडर अफ द इयर अवार्ड सार्थवेस्टर्नका प्रिन्सिपललाई

A+ A A-

काठमाडौंक बसुन्धरामा रहेको साउथवेस्टर्न स्कुलका प्रिन्सिपल रमेश अधिकारी 'स्कुल एजुकेशनल लिडर अफ दि इयरः २०२३' बाट सम्मानित भएका छन् । अधिकारीले नेपाल एजुकेशनल अवार्ड जापान- २०२३ अन्तर्गत उक्त अवार्ड प्राप्त गरेका हुन् ।

कलेज रिडर नामक संस्थाले नेपालको शिक्षा क्षेत्रमा गरेको योगदानको उच्च मूल्याङ्कन गर्दै अधिकारीलाई उक्त अवार्ड प्रदान गरेको हो । जापानमा एक समारोहका बीच अधिकारीलाई उक्त अवार्ड प्रदान गरिएको थियो । कार्यक्रम जापानको एभरेस्ट इन्टरनेशनल स्कुलमा आयोजना भएको थियो ।

जापानका लागि नेपाली राजदूत डा. दुर्गाबहादुर सुवेदी, पूर्वमन्त्री तथा सांसद तेजुलाल चौधरी तथा कलेज रिडरका संरक्षक तथा प्रबन्धक जितेन्द्र घिमिरेले संयुक्त रूपमा अवार्ड प्रदान गरे । कलेज रिडरका अनुसार शिक्षा क्षेत्रमा अग्रणी भूमिका निर्वाह गर्ने व्यक्तित्वलाई यो अवार्ड प्रदान गरिन्छ ।

अधिकारीले अवार्ड पाउँदा उत्साहित हुनुका साथै थप जिम्मेवारीवोध भएको बताएका छन् । यसअघि अधिकारीले अमेरिकाज बेस्ट प्रिन्सिपल अवार्ड, एसियाज बेस्ट प्रिन्सिपल अवार्ड, एसियाज भिजिनरी प्रिन्सिपल अवार्ड तथा ग्लोबल स्कुल अवार्डअन्तर्गत बेस्ट प्रिन्सिपल अवार्ड जस्ता अन्तर्राष्ट्रिय अवार्ड पाइसकेका छन् ।

साउथवेस्टर्न स्कुलका लागि भने यो सातौँ अवार्ड हो । यसअघि स्कुलले विगत पाँच वर्षको अवधिमा ६ वटा अवार्ड प्राप्त गरेको थियो ।