नेपाली बजारमा टीभीएस अपाचे आरटीआर १६० भीफोर एफआई सार्वजनिक, यस्ता छन् विशेषता

नेपाली बजारमा टीभीएस अपाचे आरटीआर १६० भीफोर एफआई सार्वजनिक, यस्ता छन् विशेषता

A+ A A-

जगदम्बा मोटर्स प्रालिले टीभीएस मोटर कम्पनीद्वारा उत्पादित तथा बहुप्रतीक्षित नयाँ मोडलको मोटरसाइकल नेपाली बजारमा सार्वजनिक गरेको छ । कम्पनीले शक्तिशाली फ्युल इन्जेक्टेड १५९.७ सीसी इन्जिनका साथमा श्रेणीकै पहिलो रोइड मोड्स, टीभीएस स्मार्ट कनेक्ट र ग्लाइड थ्रो प्रविधिलगायत विशेषता भएको टीभीएस अपाचे आरटीआर १६० भीफोर एफआई सार्वजनिक गरेको हो ।

यस नयाँ मोडलमा हरेक मौसम र बाटोको अवस्थालाई विशेष ध्यानमा राखी राइड मोड्सका साथै रेस इनेबल्ड कनेक्टिभिटीका लागि टीभीएस स्मार्ट एक्स कनेक्टको सुविधा समेत उपलब्ध छ ।

टीभीएस अपाचे आरटीआर नेपाली बजारमा सर्वाधिक सफल मोटरसाइकल ब्रान्डका रूपमा परिचित छ । नयाँ टीभीएस अपाचे आरटीआर १६० भीफोर एफआईले टीभीएसको परिधिभन्दा माथि उठेर आफ्ना उपभोक्तालाई तिनका आवश्यकताअनुसार रेसिङ परफरमेन्स सुविधासहित विशेषतः दैनिक कार्यमा यात्रा गरिरहनुपर्ने जागिरे वर्गलाई ध्यानमा राखी नवीन उत्पादन उपलब्ध गराउने प्रतिबद्धता व्यक्त गरेको छ । टीभीएस अपाचे आरटीआर १६० भीफोर एफआईले ट्राफिक तथा हाइवेको यात्रामा समेत स्मुथ र आरामदायी यात्राको सुनिश्चितता दिने दिने कम्पनीको दाबी छ ।

यस नयाँ मोडलको मोटरसाइकलका बारेमा टीभीएस मोटर कम्पनीका कन्टिनेन्ट हेड एमजे ठङ्गाराजनले भने, ‘नेपाल हाम्रा लागि एक प्रमुख बजार हो । हामीले विशेष प्राथमिकताका साथ दुई तथा तीनपाङ्ग्रेका रेञ्जहरूमार्फत उपभोक्तालाई निरन्तर खुसी प्रदान गर्दै आइरहेका छौँ । २०२४ टीभीएस अपाचे आरटीआर १६० भीफोर एफआई सार्वजनिक गर्दै नेपाली राइडर्सका लागि वर्ल्ड क्लास अफरिङ प्रदान गर्न सक्नु हाम्रो उद्देश्यमा थप एक नयाँ पाइला हो । परफर्मेन्स मोटरसाइकलका पारखी नेपाली उपभोक्तालाई नयाँ मोटरसाइकलले थप सन्तुष्टि प्रदान गर्नेमा म विश्वस्त छु ।’

त्यसैगरी, टीभीएस मोटर कम्पनीका हेड बिजनेस–प्रिमियम बिमल सम्ब्लीले भने, ‘टीभीएस मोटर कम्पनी आफ्नो रेसिङ पे डिग्रीको चार दशकभन्दा लामो अनुभव सँगालेर ‘ट्रयाक टु रोड’ अवधारणाका साथ सदैव आफ्ना उपभोक्ताको आशामा सबल रहन प्रयासरत रहन्छ । नयाँ २०२४ टीभीएस अपाचे आरटीआर १६० भीफोर एफआई मोटरसाइकलले नेपाली बजारमा नयाँ कीर्तिमान स्थापना गर्ने कुरामा हामी विश्वस्त छौँ ।’

यसमा समायोजन गरिएका नयाँ विशेषता तथा अभूतपूर्व परफर्मेन्सले मूल्यको सही प्रतिफल प्रदान गर्दै नेपाली राइडर्सका लागि उत्सुकता पस्कन उनको भनाइ छ । बिक्री तथा सेवाको टिमलाई नयाँ फ्युल इन्जेक्सन प्रविधिका बारेमा राम्रो तालिम दिइएकाले नयाँ मोटरसाइकलले उपभोक्तालाई समग्र सन्तुष्टि र उत्साहजनक अनुभव प्रदान गर्ने उनले बताए ।

कम्पनीका अनुसार, टीभीएस अपाचे आरटीआर १६० भीफोर एफआई मोटरसाइकल आकर्षक रेस ग्राफिक्सका साथै नयाँ हेडल्याम्प्सका साथमा उपलब्ध छन् । मोटरसाइकलमा इन्जिनको जीवन अवधिभर हरेक ड्राइभिङ अवस्थामा रमाइलो यात्राको सुनिश्चितताका लागि रेस ट्युन्ड फ्य्ल इन्जेक्सन आरटीएफआई प्रविधि जडान गरिएको छ । टीभीएस अपाचे सिरिजमा नयाँ क्रान्तिले समान शक्ति सञ्चारका साथै इन्धन मितव्ययिता प्रदान गर्छ ।

TVS (2)1699610126.jpeg

यस नयाँ मोटरसाइकलमा ब्युल्टइन फस्ट इन सेग्मेन्ट जीटीटी प्रविधि, ग्लाइड थ्रो ट्राफिक जडान गरिएकाले भिडसहितको सडकमा कम गतिको राइडमा अत्यधिक स्मुथ, आरामदायी र नियन्त्रणसहितको राइड प्रदान गर्छ । त्यसैले शहरी सडकमा यो बाइक सान्दर्भिक हुनुका साथै निकै लोकप्रिय पनि हुने कम्पनीको दाबी छ ।

यस नयाँ मोटरसाइकलमा फेदर टप स्टार्ट, वेभ बाइट इग्निसन की र नयाँ एरोडायनामिक क्ल मिरर्सलगायत रोमाञ्चक फिचर्सहरू पनि उपलब्ध छन् । त्यस्तै, नयाँ मोटरसाइकलमा थप हल्का तर सुदृढ कार्यक्षमतासहितको बुलपप् एक्जस्ट पनि जडान गरिएको छ ।

यसमा जडित अत्याधुनिक फ्युल इन्जेक्सन प्रणालीमार्फत बाइकले १७ दशमलव ५५ पीएसको शक्ति र १४ दशमलव ७३ एमएमको टर्क उत्सर्जन गर्छ । श्रेणीमै पहिलोपटक उपलब्ध गरिएको थ्री राइड मोड (अर्बन, रेन र स्पोर्ट्स मोड) मार्फत राइडरले मौसमको अवस्था र बाटो हेरी अनुकूल इन्जिन परफर्मेन्स तथा एबीएस प्रतिक्रियाको छनोट गर्न सक्छन् ।

जगदम्बा मोटर्स प्रालि नेपालमा टीभीएसका दुईपांग्रे सवारीसाधनका लागि एक मात्र आधिकारिक वितरक हो । नेपालभर १४० भन्दा बढी डिलरहरूको बलियो राष्ट्रव्यापी वितरण सञ्जालका साथ टीभीएसले बजारमा आफ्नो मजबुत पकड राख्न तथा ग्राहकहरूको मन मस्तिष्कमा उच्च स्थान कायम राखेको छ ।

प्रकाशित मिति: शुक्रबार, कात्तिक २४, २०८० १५:२५