इको ट्रेकको प्रवर्द्धन गर्न ‘करबाकेली काव्ययात्रा’

A+ A A-

म्याग्दीको करबाकेली बाबा संरक्षण समितिले, मुलुकका स्थापित कवि, लेखक, पत्रकार र पर्यटनकर्मीहरूलाई म्याग्दीको ‘करबाकेली इको ट्रेक’मा पदयात्रा गराइएको छ । उनीहरूलाई करबाकेली क्षेत्रको प्राकृतिक, सांस्कृतिक, ऐतिहासिक र धार्मिक महत्व पहिचान गराएको हो ।

पर्यटन साहित्य यात्रा मार्फत करबाकेली क्षेत्रको प्रवर्द्र्धन गर्र्ने उद्देश्ले ‘करबाकेली काव्ययात्रा २०८०’ आयोजना गरिएको हो । पदयात्रीहरूले बेनी बजारबाट बाँसखर्र्क भएर अन्नपूर्र्ण गाउँपालिका–८, काफलडाँडाको करबाकेली थानसम्म पहिलो दिन पदयात्रा गरेका थिए । त्यसैगरी दोस्रो दिन करबाकेली थानदेखि फूलबारीसम्म पदयात्रा गरेका थिए भने तेस्रो दिन फूलबारीबाट पुनहिल हुँदै घोडेपानी भएर उल्लेरीको उकालोसम्म हिँडेका थिए ।

काव्य यात्रामा प्रगति राई, प्रभा बराल, कुमारी लामा, अनुपम रोशी, अभय श्रेष्ठ, हेमन्त विवश, सागर उदास, रञ्जन राजभण्डारी, कृष्णगोपाल श्रेष्ठ, घनश्याम पौडेल, तारानाथ पहारी, दिनेशनारायण श्रेष्ठ, राजकुमार गजुरेल, भवानी शिलाकार, सुरेन्द्र राना मगर र चामबहादुर पुनसहित १८ जना सहभागी थिए ।

बेनी बजारमा युवा उद्यमी राजेश शाक्य, बेलबहादुर कटुवाललगायत स्थानीयले स्वागत गरेका थिए । त्यसैगरी बाँसखर्र्क र करबाकेली थानमा पनि गाउँलेले भव्य स्वागत गरेका थिए । करबाकेली थानमा पुगेको भोलिपल्ट बिहान काव्ययात्रीले करबाकेली क्षेत्रको सामाजिक विकास अभियानबारे अभियन्ता चामबहादुर पुन र रवी गर्र्बुजा पुनबाट जानकारी पाएका थिए ।

उक्त कार्यक्रममा काव्ययात्रीले आआफ्ना रचना र यात्रा अनुभूति सुनाएका थिए । त्यस्तै गाउँको पुन समुदायले परम्परागत पुर्ख्र्यौली नाँच नाँचेर पदयात्रीलाई मनोरञ्जन गराए ।

‘हाम्रो काव्ययात्रा धेरै उपलब्धिमुलक बन्यो’, काव्ययात्राका संयोजक एवम् सामाजिक अभियन्ता चामबहादुर पुन भन्छन्, ‘मुलुकका स्थापित व्यक्तित्वले करबाकेलीलाई नजिकबाट बुझाउन पाउँदा हामी खुसी छौं ।’

बेलायती सेनाका रिटायर्ड लाहुरे यिनै चामबहादुरको अगुवाइमा करबाकेली क्षेत्रको कायाकल्प भएको छ । काफलडाँडामा पुन समुदायका कुलदेवता करबाकेली बाबाको थान, पुन समुदाय संग्रहालय, पाहुनाघर आदि निर्र्माण गरिएको छ । त्यसैगरी पुनहिलबाट करबाकेली थान भएर बेनी जोड्ने पदमार्र्गलाई ‘करबाकेली इको ट्रेक’का रुपमा ब्रान्डिङ गर्ने अगुवा पनि चामबहादुर नै हुन् ।

प्रकाशित मिति: बिहीबार, कात्तिक २३, २०८० २०:३८